Iwinna 16:9 - Edo Bible (E Baibol Ẹdo) Version 1996

⁹ Asọn ii, Pọl keghi miẹn umian vbe uwu ne ọ na miẹn ovbi Masidonia ọkpa ne ọ mudia gha rinmwiaẹn wẹẹ, “Gha die Masidonia ne u do yi ma obọ!”

Iwinna 16:9 ပူးပေါင်းရင်းမြစ်များ

Iwinna 10:3

Ẹdẹ ọkpa, vbe odẹ ihe ẹgogo eha vbe avan, rẹn keghi miẹn umian ne ọ na wa bẹghe odibo Osanobua ọkpa vbe ọ bu ẹre gha dee do tama rẹn wẹẹ, “Kọniliọs!”

Iwinna 10:30

Kọniliọs keghi kha wẹẹ, “Odẹ ẹghẹ vbe nian vbe nẹghẹdia, I kegha na erhunmwu vbe uwu owa mwẹ, vbe ẹghẹ ẹgogo eha ọghe avan. Vbe udomwurri, orhiọnkpa ne ọ ya ukpọn nọ fi wain wain mu egbe, keghi mudia ye odaro mwẹ,

Iwinna 16:10

Vbe ọwarọkpa vbe Pọl ghi miẹn umian na nẹ, ma keghi mu egbe ne a gha rrie Masidonia, rhunmwuda ma khare wẹ te Osanobua tie ima ne a ya kpe orhu Iyẹn Ne ọ maa ma emwa ni rre evba.

Iwinna 16:12

Ma keghi vbe ke evba la uwu ẹre gha rrie Filipai, ẹvbo ne ọ rre ototọ Rom. Ma gbe sẹ omwa ikpẹdẹ eso vbe ẹvbo nii.

Iwinna 18:5

Ugbẹn vbe Sailas kevbe Timoti ghi ke Masidonia rre, Pọl keghi wa ya ẹghẹ ọre hia gha kpe orhu iyẹn ne ọ maa, ọ na gha tama avbe Ju wẹ Jesu ọrọre Mẹzaia.

Iwinna 19:21

Emwi na ghi sunu nẹ, Pọl na wẹ rẹn ra khian lele Masidonia kevbe Gris ne ọ vbe la odọ gha rrie Jerusalẹm. Ọ keghi kha wẹ, “I gha sẹ evba nẹ, I gha vbe sẹ e Rom.”

Iwinna 19:22

Rhunmwuda ọnii, ọ keghi gie Timoti kevbe Ẹrastọs, eva vbe uwu iran ni ru iyobọ nẹẹn, gha rrie Masidonia, rẹn na wẹ rẹn ra ye rhie ẹghẹ kherhe vbe otọ Esia.

Iwinna 19:29

Utumwẹ na keghi wa la ẹvbo khinkhian. Iran ni si ọbọbọ e rhia rua ni, keghi mu Gaiọs kevbe Aristakọs ne ivbi e Masidonia eva ni lele Pọl khian, iran na silo iran gha rrie adesẹ ughe.

Iwinna 20:1

Ugbẹn vbe owogho ghi dọyọ nẹ, Pọl keghi tie ivbi iyayi, ọ keghi ya ẹmwẹ igiẹdu gbe ọkhian ẹdẹ hia ne iran. Rẹn keghi kpao, ọ na gha rrie Masidonia.

Iwinna 20:3

Rẹn ghi te mu egbe ne ọ gha rrie Siria, ọ keghi vẹ nẹ rẹn ighẹ avbe Ju gha si uma ne iran gbe irẹn ruan, ọ na ghi wẹ ne iran ya la Masidonia dọlegbe gha rrie.

Iwinna 27:2

Ma keghi la okọ vbe Adramitiọm, okọ keghi ra kpao gha rrie eghute otọe Esia ne ọ ke evba gua kpao. Aristakọs ne ovbi e Masidonia ọkpa ne ọ ke Tẹsalonaika rre, keghi deba ima.

Iwinna 9:38

Jopa ma rrei gbe vbe Lida. Avbe erhuanegbe ni rre Jopa ghi họn ighẹ Pita rre Lida, iran keghi gie arhunmwu eva bu ẹre wẹẹ, “Zẹgiẹ bu ima gha dee.”

Ebe ne Pọl gbẹẹn gie emwa Rom 15:26

Rhunmwuda, avbe esọsi ni rre Masidonia kevbe Gris ya ẹkoata zẹ emwi obọ ne iran ya ye ivbi ogue ni rre uwu emwa Osanobua ni rre Jerusalẹm obọ.

II Kọrinti 11:9

Ẹghẹ ne I na gha rre ehe ne uwa ye, a deghẹ igho i gue mwẹ, I ma vbe ya ye uwa egbe, rhunmwuda, etẹn ni ke Masidonia rre viọ emwi ne I i te mwẹ hia gun mwẹ. Zẹ vbe ne I ka ru ẹe, vbe ẹghẹ ne ọ gberra, erriọ I ra ye gha ru ẹe vbe ẹghẹ ne a ọ dee. I i ra kun enegbe mwẹ yan uwa.

II Kọrinti 12:7

Sokpan, ne ọ miẹn ehe na kie mwẹ ukpẹ ọre, ne emwi ọyunnuan ne aro mwẹ sẹe na i ghẹ ya mwẹ gha tọn ifuẹn mu, ọ keghi rhie emianmwẹ ne ọ wegbe mẹ, ne ọ gha ye vbe ukọ setan, ne ọ gha kinmwi mwẹ, nọ da mwẹ obọ uhiomwẹ yi.

II Kọrinti 7:5

Uhin vbe ima sẹ Masidonia nẹ, ma ma ye hẹ wẹ, Orueghe gba ehe hia, ẹzọ ne a gu emwa ọvbehe gui, afianma ne ọ fian ọmwa vbe ekhọe.

II Kọrinti 8:1

Etẹn mwẹ, ma ho ne uwa rẹn iwinna ne ẹsọhẹ Osanobua he winna vbe esọsi ne ọ rre Masidonia.

II Kọrinti 9:2

Mẹ rẹnrẹn wẹ wa ho ne uwa ru iyobọ, I vbe ye uwa rhuọ ma esọsi ne ọ rre Masidonia nẹ, I na tama iran, “Ne ukpo gha dee ọre etẹn mwa ni rre Gris ghi mu egbe ne iran ya ru iyobọ.” Isasegbe uwa keghi rhie isasegbe ne ni bun vbe uwu iran.

Diuteronomi 30:13

Vbe rriọ ẹ i vbe re iyeke okun nọkpa ọ re ọ ye amawẹ wa gha kha wẹẹ, ‘Gha ọ ghi ra fian okun rra ne ọ ya rhie ẹre gie ima, ne ima miẹn ehe na họn ẹẹn ne a vbe gha ya ẹe ru emwi?’ Ẹ i re erriọ,

I Tẹsalonaika 4:10

Erriọ zẹẹ ọre uwa vbe gha yin ghe etẹn hia ni rre Masidonia. Te ima ghi rinmwian uwa na etẹn, ne uwa ru ne ọ sẹ ọnii.