Iwinna 16:30 - Edo Bible (E Baibol Ẹdo) Version 1996

³⁰ Ọ keghi viọ iran ladian, ọ nọ iran wẹẹ, “Eniwanrẹn, de emwi ne I gha ru ne I miẹn ehe na miẹn imiẹnfan?”

Iwinna 16:30 ပူးပေါင်းရင်းမြစ်များ

Job 25:4

A gha miẹn ọmwa ne ọ re ọmwata kevbe ne ẹ i mwẹ iruẹn vbe odaro Osanobua ra?

Job 34:32

U nọ Osanobua nẹ ra ne ọ rhie abakuru ruẹ ma ruẹn? U vbe kue nẹ ra ne u dobọ emwi dan ne a ru yi?

Aizaia 58:6

“Egbe aguẹ ne imẹ ho ọ re ọna khin; wa viọ eghan ne a ya wọ emwa uhunmwu, kevbe urọnghọn aita ẹmwata kua, ne uwa gie iran ne a wọ ẹre uhunmwu gha rrie kẹkan.

Aizaia 58:9

Wa gha na erhunmwu, I ghi họn. Wa gha tie mwẹ, I ghi khuẹnniẹn. “De ghẹ wa dobọ ne uwa na wọ emwa uhunmwu yi, deba uyinmwẹ ne ọ ghi khọ ọghe otilua, kevbe ẹmwẹ dan hia.

Matiu 3:8

Wa gie uyinmwẹ uwa rhie ma ighe wa gele zobọ vbe orukhọ ne a ru.

Matiu 5:7

Ọ maa ne iran ni tohan emwa ọvbehe, Osanobua gha tohan iran!

Iyẹn ne ọ Maan Ọghe Luk 3:10

Avbe emwa ni keghi nọ rẹn wẹ, “Vbe ua wẹ ne ima ru?”

Iwinna 14:15

“Iho mwa, vbọzẹ ne uwa na ru emwi na yi? Emwa kẹkan vbe ne uwa ye ọre ima vbe khin. Iyẹn Ne ọ maa ọre ima rre do kpe orhu ẹre vbe edinran, ne a miẹn ehe na fi uwa ekhọe werriẹ hin emwi akuọkan na rre ghe Osanobua ne ọ rrọọ, ọmwa ne ọ yi ẹrinmwi kevbe agbọn kevbe okun kevbe emwi hia ni rre uwu iran.

Iwinna 16:17

Ọ keghi wa lele Pọl kevbe ima, ọ na gha go wẹẹ, “Iran na, eguọmwadia Osanobua ne ọ yo sẹ iran khin, te iran tama uwa vbene uwa gha ya miẹn imiẹnfan hẹẹ!”

Iwinna 16:24

Ugbẹn vbe avbe eseghan ghi họn iyi na nẹ, iran keghi viọ iran ye uwu ugha ne ọ dinmwi sẹ vbe uwu ẹwẹdọ, ọ na ye eghan ro iran owẹ mu avbe ike erhan nekhua.

Iwinna 2:37

Ugbẹn vbe iran họn ẹmwẹ na, orhiọn iran ma ghi sẹ otọ, iran keghi nọ Pita kevbe avbe ukọ nekpa wẹẹ, “Etẹn de emwi ne ima ghẹ ghi ru nian?”

Iwinna 22:10

Mẹ keghi nọ wẹẹ, ‘Vbe i a gha ru yi Nọyaẹnmwa?’ Nọyaẹnmwa keghi tama mwẹ wẹ, ‘Kpaegbe ne u gha rrie Damaskọs, odọ nii a gha na tama ruẹn emwi ne Nọyaẹnmwa mwamwa ye otọ khẹ ruẹ ne u gha ru.’

Iwinna 9:6

Sokpan kpaegbe ne u gha rrie adesẹ ore ẹvbo, a gha tama ruẹn emwi ne u gha ru.”

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.