Iwinna 16:28 - Edo Bible (E Baibol Ẹdo) Version 1996

²⁸ sokpan Pọl keghi wa kakabọ davan, “Ghẹ kuan egbe ruẹ, ma hia rre emwa!”

Iwinna 16:28 ပူးပေါင်းရင်းမြစ်များ

Psalm 35:14

Zẹ vbene I gha na erhunmwu ne osẹ mwẹ ra ọtẹn mwẹ. Akhiẹ keghi so mwẹ uke, vbe ọmwa ne ọ khiẹ iye ẹe.

Ẹksọdọs 20:13

“Ghẹ de izigha.

Itan 8:36

Ọmwa ne ọ ma gualọ mwẹ miẹn te ọ kuan egbe ẹre ọmwa ne ẹmwẹ mwẹ sọnnọ, ẹmwẹ uwu ọ re ọ yẹ ọre.”

Asan-Ibo 7:17

Sokpan ghẹ vbe gha re ọmwa dan ra akpa, vbọzẹ ne u i ra na tọ sẹ ẹdẹ ẹhi yi?

Levitikọs 19:18

Ghẹ rria ọmwarhọkpa ikhi ra ne u gha mu ohu ẹre yọ khian, sokpan, gha ho ẹmwẹ emwa ọvbehe vbene u hoẹmwẹ egbe ruẹ, mẹ ọ re Nọyaẹnmwa.

Matiu 5:44

Sokpan, mẹ tama uwa nian, gha ho ẹmwẹ nọkhuiwu ruẹ, gha na erhunmwu ne iran ni zẹ uwẹ owẹ.

Iyẹn ne ọ Maan Ọghe Luk 22:51

Sokpan Jesu wanniẹn wẹẹ, “Wa dobọ emwi na yi.” Ọ keghi ye obọ kan okpia nii ehọ, ọ keghi mu ẹre egbe rran.

Iyẹn ne ọ Maan Ọghe Luk 23:34

Jesu keghi kha wẹẹ, “Evbavba yabọ iran rhunmwuda iran ma rẹn emwi ne iran ru.” Iran keghi yan uta ye ukpọn rẹn, iran na gha ẹre ne egbe.

Iwinna 16:27

Eseghan keghi rhiọrre, ugbẹn vbe ọ ghi miẹn wẹ urho ẹwẹdọ hia kie ye otọ, ọ keghi te gha ro ighẹ avbe oleghan hia lẹ kua nẹ, ọ keghi yuo agbada, ọ na wẹ rẹn ra gbe egbe ua.

Iwinna 16:29

Eseghan ni keghi wẹ ne iran mu ukpa rre, ọ keghi gbe egbe la owa, ọ keghi de fi akharha Pọl kevbe Sailas, ọ na gha guọ zẹzẹzẹ.

I Tẹsalonaika 5:15

Wa ghẹ ye ọkhọ ha osa ọkhọ, sokpan wa gha ru egbe emwi esi, wa ghi vbe gha ru emwa hia ẹse vbe ẹghẹ hia.