Iwinna 16:25 - Edo Bible (E Baibol Ẹdo) Version 1996

²⁵ Ọ ghi sẹ ogiasọn, Pọl kevbe Sailas kegha so ihuan, iran na gha na erhunmwu ghe Osanobua, avbe oleghan nekpa kegha danmwehọ iran.

Iwinna 16:25 ပူးပေါင်းရင်းမြစ်များ

Job 35:10

Sokpan, iran i bu Osanobua ne ayi ne ọ yi iran gha khian. Ọmwa ne ọ rhie idaehọ ne iran vbe ẹghẹ iran ne ọ so ebiebi sẹ.

Psalm 119:55

I ye ruẹ rre vbe asọn, Nọyaẹnmwa, I ghi vbe mu ẹmwẹ uhi ruẹ roro.

Psalm 119:62

Vbe ogiasọn, mẹ rhiọrre ne I rho ruẹ ye ibuohiẹn ẹmwata ruẹ.

Psalm 22:2

Vbe ẹghẹ avan, mẹ datu tie ruẹ Osanobua mwẹ, sokpan, u ma khuẹnniẹn mwẹ. I tu tie vbe asọn, sokpan, I ma miẹn ikẹtin.

Psalm 34:1

I gha kpọnmwẹ Nọyaẹnmwa vbe ẹghẹ hia. Mẹ i ra dobọ urhomwẹ ọnrẹn yi ẹdẹ.

Psalm 42:8

E Nọyaẹnmwa, ne ọ gie aho ẹmwẹ ọmwa rẹn ne ẹ i beghe rhie egbe maa vbe ẹghẹ avan. Ne i miẹn ehe ne miẹn ihuan so vbe asọn, erhunmwu ghe Osanobua ẹdagbọn mwẹ.

Psalm 50:15

Ibaro gha rre, kpe tie mwẹ, I gha miẹn ruẹn fan wẹ ghi do gha rho mwẹ.”

Psalm 71:7

Ne a ghe ru, ọ re ẹdagbọn mwẹ wa khin, ne emwa nibun. Rhunmwuda, wẹ ọrọre ugue mwẹ nọ wegbe.

Psalm 77:2

Vbe ẹghẹ ọlọghọmwa I na erhunmwu ghe Nọyaẹnmwa, vbe asọn biiri I keghi viọ obọ mwẹ da odukhunmwu gha na erhunmwu. Sokpan, egbe ma ye rọkhọ mwẹ.

Psalm 77:6

I ye asọn ni ro iro ne ọ dinmwi, ugbẹn vbe I rria ẹre vbe ekhọe mwẹ I keghi nọ egbe mwẹ wẹẹ,

Psalm 91:15

Iran gha kpe tie mwẹ, I gha yaba iran vbe iran a gha rre uwu ibaro. I gha miẹn iran fan I gha vbe ye ọghọ ne iran.

Aizaia 30:29

Sokpan, wa ne emwa Osanobua gha ghọghọ, wa ghi vbe so ihuan zẹ vbene uwa ru vbe asọn ne uwa ru emwiukpo ne a ya ru ugamwẹ kpataki. Ọyẹnmwẹ ghi gha sẹ uwa zẹ vbe avbe emwa ni zẹ owẹ lele ẹrogbo ne a kpee vbe iran rrie Ọgua Osa ọghe Nọyaẹnmwa ne ọ re ne ọ gbinna ne Izrẹl.

Zẹkaraia 3:8

Rhunmwuda ọnii nian, danmwehọ, e Jọsua, wẹ ne ọre Ogie Ohẹn; wa vbe danmwehọ, wa ne avbe ohẹn ne ihua ẹre, wa ni re ama ọghe ẹdẹ nakhuẹ ne ọ maa. I gha rhie ẹre ladian ne a miẹn ighe ọguọmwadia mwẹ ne a tie ẹre Nene Abọ!

Iyẹn ne ọ Maan Ọghe Luk 22:44

Ọ keghi kakabọ na erhunmwu vbe uwu omanọ, ọfo ne ọ rre egbe ẹre keghi ye vbe esagiẹn, ọ kegha kharha ku otọ.]

Iwinna 15:22

Ẹghẹ nii ọre avbe Apọsol kevbe avbe ediọn deba esọsi hia na ghi ta ẹe wẹ ne iran zẹ emwa eso vbe uwu iran ne iran gie iran lele Pọl kevbe Banabas gha rrie Antiọk. Iran keghi zẹ Judas ne a tie ẹre Banabas kevbe Sailas, emwa ne a ye ọghọ na vbe uwu ẹbu avbe etẹn.

Iwinna 16:19

Ugbẹn vbe iran ni yan rẹn ghi miẹn wẹ, emwi ne iran te ya miẹn igho rrie, iran keghi de obọ mu Pọl kevbe Sailas, iran na silo iran bu avbe eghaẹvbo vbe ihueada ẹvbo hoho.

Iwinna 16:33

Vbe asọn ni, eseghan nii keghi viọ iran, ọ na kpe iran ẹwẹn, a keghi vbe sa amẹ ne ẹn, ke ẹe kevbe ẹgbẹe ọre hia vbe ọwarọkpa nii.

Iwinna 5:41

Avbe ukọ keghi ladian vbe iko, ẹko iran keghi vuọn ne oghọghọ wẹ Osanobua vbe ka iran ye emwa ni sẹe ni gha rri oya efaa ba ẹmwẹ eni Jesu.

Ebe ne Pọl gbẹẹn gie emwa Rom 12:12

Wa gie idaehọ ne uwa mwẹ gha ye ọyẹnmwẹ sẹ uwa vbe ẹghẹ hia, wa gha ziengbe vbe ẹghẹ ọlọghọmwa, wa ghi vbe gha na erhunmwu vbe ẹghẹ hia.

Ebe ne Pọl gbẹẹn gie emwa Rom 5:3

Ma ghi vbe gha ghọghọ vbe uwu ọlọghọmwa, rhunmwuda ọlọghọmwa ọre ọ biẹ i ziengbe,

II Kọrinti 6:10

A rhe rhia ima ẹko rua, sokpan ọyẹnmwẹ sẹ mwa vbe ẹghẹ hia, ma yevbe ivbiogue, sokpan ma ya emwa ni bun khian eni fe, ma ye vbe ekhẹn ivbabọ, sokpan ma wa mwẹ emwi hia.

Ẹfisọs 5:19

Wa gha ya ẹmwẹ e Psalm gu egbe guan, deba ihuan kevbe ihuan ugie, wa gha so ihuan kevbe Psalm ghe Nọyaẹnmwa, deba oghọghọ vbe uwu ekhọe uwa.

Filipai 2:17

Ogha kẹe, te a ra gbe esagiẹn arrọọ mwẹ ye otọ zẹ vbe emwi imuohan ye ese ne iyayi uwa zọ ghe Osanobua. Ọ gha yerriọ I gha ghọghọ, I gha vbe ghae ne uwa hia vbe oghọghọ mwẹ na.

Kọlose 1:24

Banbanna nian, ọyẹnmwẹ wa sẹ mwẹ rhunmwuda oya ne I re ne uwa. Rhunmwuda, vbe ekpa oya ne I re vbe ikinnegbe na, te I ghi do gbe vuọn rẹn ne ọ miẹn ehe na gba ighẹ ne ọ ghi te kẹe yi vbe oya ne Kristi re ne ikinnegbe ẹre, ọnii nọ wẹ esọsi.

Hibru 5:7

Vbe ẹghẹ ne Jesu na gha rre agbọn na, utumwẹ nọkhua kevbe ameve ọre ọ ya gha nọ emwi vbe obọ Osanobua ne ọ gha sẹtin fan irẹn ye otọ vbe obọ uwu. Rhunmwuda ighẹ ọ mu egbe rri otọ ọ keghi vbe mu aro yọ. Osanobua keghi họn erhunmwu ẹnrẹn.

Jems 1:2

Etẹn mwẹ, a deghẹ edanmwẹ ughughan ghi vba uwa, wa ghi gha ka egbe uwa ye ne uhunmwu ẹnrẹn maa.

Jems 5:13

Orhiọnkpa rre uwu ọlọghọmwa vbe uwu uwa ra? Wẹ ne ọ na erhunmwu.

I Pita 4:14

Ọ ma kaan uwa, adeghẹ a rhovbiẹ uwa rhunmwuda ighẹ wa re eguọmwadia Jesu, rhunmwuda, ọnii rhie maa wẹ, orhiọn uyi nii, ighẹ Orhiọn Osanobua, tuorre yan uwa nẹ.