Iwinna 16:23 - Edo Bible (E Baibol Ẹdo) Version 1996

²³ Ugbẹn vbe iran ghi gbele iran ne obọ da nẹ, iran kegi filo iran ku uwu ẹwẹdọ, iran keghi khama eseghan ne ọ khui iran ye evba gbain.

Iwinna 16:23 ပူးပေါင်းရင်းမြစ်များ

Matiu 26:48

Ọmwa ne ọ rhie ẹre maa keghi rhie ama ne iran wẹẹ, “Ọmwa ne imẹ a rhirhi mu unu soso ẹre unu, wa rẹn wẹ rẹn nọ. Wa ghi mu ẹn.”

Iyẹn ne ọ Maan Ọghe Luk 21:12

Sokpan, vbe avbe emwi na te do gha sunu, iran gha munọ uwa, iran ghi gha zẹ uwa kpokpo, iran ghi silo uwa gha rrie Ọgua ediọn ne a ya gu uwa gui, a ghi filo uwa ku eghan, a ghi silo uwa gie avbe ọba kevbe irriegie rhunmwuda mwẹ.

Iwinna 12:18

Ẹdẹ ghi gbe, ẹmwẹ vbene Pita ru hẹ keghi wa si ohawa ye iran ni khẹ odẹ egbe ẹsẹse.

Iwinna 12:4

Iran ghi mu Pita nẹ, iran keghi mu ẹn fi uwu ẹwẹdọ, iran keghi zẹ oka enẹ ọghe ivbiyokuo, arhin enenẹ kevbe rre oka ọkpọkpa. Hẹrọd keghi te mwamwaẹn wẹ emwiukpo Alagberra ghẹ ghi fo nẹ, rẹn ghi do muẹn bu avbe Ju.

Iwinna 16:27

Eseghan keghi rhiọrre, ugbẹn vbe ọ ghi miẹn wẹ urho ẹwẹdọ hia kie ye otọ, ọ keghi te gha ro ighẹ avbe oleghan hia lẹ kua nẹ, ọ keghi yuo agbada, ọ na wẹ rẹn ra gbe egbe ua.

Iwinna 16:36

Eseghan ni keghi do khama Pọl wẹẹ, “Iran ni khaemwisẹ gie rre wẹ ne a fannọ uwẹ kevbe Sailas kua. Rhunmwuda ọnii, wa sẹtin kpao ne uwa fẹko gha rrie.”

Iwinna 5:18

Iran keghi munọ avbe ukọ, iran keghi khui iran ye ẹwẹdọ.

Iwinna 5:23

“Ma sẹ ẹwẹdọ ni, ma do vba ighẹ a khui urho ẹre hia, iran ni khẹ odẹ keghi vbe mudia ye dọmwadẹ onurho, sokpan ma ghi kie urho nian, ma ma miẹn ọmwarhọkpa vbe uwu ẹre!”

Iwinna 8:3

Sokpan e Sọl kegha hia ne ọ wa fuẹn esọsi rua fẹẹrẹ, ọ na gha ke owa ọkpa la ọvbehe, ọ na gha munọ emwa ni yayi hia ikpia kevbe ikhuo, ọ na gha hẹ iran ku ẹwẹdọ.

Iwinna 9:2

Ọ na ya miẹn ẹre ebe ọghe rẹn ọna khin, ne ọ rhie mwẹ gha rrie Ọgua ediọn avbe Ju ni rre Damaskọs wẹ, rẹn gha miẹn emwa ni lele odẹ ọghe Nọyaẹnmwa vbe odọ, ne ọ sẹtin munọ ehia, ikpia kevbe ikhuo nọ viọ iran gha di e Jerusalẹm.

II Kọrinti 11:23

Eguọmwadia Kristi iran khin ra? Ẹmwẹ mwẹ khọ ọghe ọmwẹmwẹ sokpan mẹ ru ọguọmwadia sẹ iran. Obọ mwẹ da iwinna sẹ iran. I yo eghan ẹghẹ ni bun sẹ iran, a gbe mwẹ asan sẹ iran ẹsẹse, me ọ he rhie owẹ ye agbanmwẹ idin sẹ iran.

II Kọrinti 6:5

A gbe ima asan, a mu ima ye ẹwẹdọ, a ko gbe mwa, a ya ima miẹn ẹsọn, ma kegha rrọọ vbe ne a i na rri evbare kevbe ne a i na vbiẹ.

Ẹfisọs 3:1

Rhunmwuda ọnọna, mẹ ne Pọl ne oleghan Kristi Jesu rhunmwuda uwa ne ẹ i re Ju, na erhunmwu ghe Osanobua.

Ẹfisọs 4:1

Rhunmwuda ọnii, I mobọ yatua uwa, mẹ ne ọre oleghan rhunmwuda ighẹ I ga Nọyaẹnmwa, wa gha ru emwi zẹ vbene ọ sikẹ ukpo ne Osanobua mwa ne uwa, vbe ẹghẹ ne ọ na tie uwa.

II Timoti 2:9

Rhunmwuda ighẹ I kpe orhu nene Iyẹn Ne ọ maa, oya i ghi re, u hin ighẹ te a ghi guọ eghan yọ mwẹ obọ, zẹ vbe izigan. Sokpan a ma ya eghan mu ẹmwẹ Nọyaẹnmwa gba.

Failimọn 1:9

Sokpan aho ẹmwẹ ọmwa ọre ọ ghi ya mwẹ wẹ, te I gha rinmwian. Erriọ I gha ru ẹe, a gha rhie miẹn wẹ, mẹ ne Pọl nọ, ọmwa ne ọ re ukọ ne Kristi ya zẹ ihe egbe, kevbe zẹ vbene ọ ye banbanna, I keghi vbe rhunmwuda ẹre gha re oleghan.

Jọsua 4:17

E Jọsua keghi ru vberriọ.

Arhie Maan 1:9

Mẹ ọrọre Jọn ne ọtẹn uwa ne okpia, ọmwa ne ọ kugbe ba Kristi, ọ na vbe gu uwa gha ghae vbe uwu oya uwa kevbe Arriọba ẹre, kevbe uwu iziengbe. Iran keghi ya mu mwẹ fi otọe ne amẹ lẹga ne a tie ẹre Patmọs, rhunmwuda ighẹ I ta ẹmwẹ Osanobua kevbe ẹmwata ne Jesu rhie ladian ne a miẹn.

Arhie Maan 2:10

Ghẹ gie afianma oya ne u ra do re vbe ọ ma he kpẹe na fian. Danmwehọ! Esu ra do danmwẹ uwa ghe vbe ekpa ne ọ gha na viọ eso vbe uwu uwa ku eghan. Ikpẹdẹ igbe ọre ọlọghọmwa uwa ni ra ya vbe otọ. Mu uhunmwu ke ọe ya sẹ uwu, mẹ gha rhie ẹde ẹfe ne uẹn.