Iwinna 16:18 - Edo Bible (E Baibol Ẹdo) Version 1996

¹⁸ Ikpẹdẹ ni bun ọre ọ ru emwi na la, egbe ẹre ghi wọ Pọl sẹrriọ wẹẹ ọ keghi fi egbe werriẹ, ọ tama orhiọn nii wẹẹ, “Vbe eni Jeru Kristi, I tama ruẹn ne u ladian vbe uwu ẹre rre.” Vbe ọwarọkpa nii, orhiọn nii keghi la hin uwu ẹre rre.

Iwinna 16:18 ပူးပေါင်းရင်းမြစ်များ

Matiu 14:24

Iran ghi khian buan nẹ vbe uwu odighi, ẹhoho kegha hoho, ọ na gha bi okọ yo bi ẹe rre vbe uwu odighi.

Iyẹn ne ọ Maan Ọghe Mak 1:34

Jesu keghi sinmwi emwa ni bun ni mwẹ emianmwẹ ughughan, ọ kevbe khulo orhiọn dan ni bun ladian. Rẹn i vbe kue ne avbe orhiọn dan ni guan hiehiere, rhunmwuda ighe iran rẹn ọmwa ne irẹn khin.

Iyẹn ne ọ Maan Ọghe Mak 16:17

A gha rhie ama ẹtin na ne avbe emwa ni yayi. Iran gha ya eni mwẹ khulo avbe esu ladian. Iran gha zẹ ẹvbo ne iran ma rẹn.

Iyẹn ne ọ Maan Ọghe Luk 9:1

Jesu keghi tie avbe erhuanegbe iweva nii, ọ na rhie asẹ kevbe ẹtin ne iran ne iran ya gha khulo avbe orhiọn esu ladian kevbe ne iran ya gha gbe emianmwẹ kemianmwẹ.

Iwinna 3:6

Pita wanniẹn tama rẹn wẹẹ, “I i mwẹ igho vbe emwa, sokpan emwi ne I mwẹ, I gha rhie nuẹn, Vbe eni Jesu Kristi ovbi e Nazarẹt, I tama ruẹn kpaegbe ne u khian.”

Iwinna 9:34

Pita keghi khama rẹn wẹẹ, “Aeneas, Jesu Kristi muẹn egbe rran. Kpaegbe ne u dọlọ ukpo ruẹ yi.” Ọwarọkpa nii, Aeneas keghi guakpao.

Kọlose 2:15

Vbe uhunmwu ugbugbe nii, ọre Kristi na rhan egbe ẹre hin obọ ẹtin avbe orhiọn ẹrinmwi ni khaemwisẹ kevbe ni dakha. Ọ keghi ya iran khian agbọn wa do ghee, vbekpa ne ọ na tẹn iran ye uviẹn silo gha rrie, zẹ vbe avbe oghunmwu ne ọ munọ ẹn vbe okuo.