Iwinna 16:17 - Edo Bible (E Baibol Ẹdo) Version 1996

¹⁷ Ọ keghi wa lele Pọl kevbe ima, ọ na gha go wẹẹ, “Iran na, eguọmwadia Osanobua ne ọ yo sẹ iran khin, te iran tama uwa vbene uwa gha ya miẹn imiẹnfan hẹẹ!”

Iwinna 16:17 ပူးပေါင်းရင်းမြစ်များ

Psalm 57:2

I kpe tie Osanobua Ne ọ yo sẹẹ Ehia, Osanobua ne ọ viọ emwi hia ne imẹ.

Psalm 78:35

Iran yerre wẹ, Osanobua ọ re ọ degue iran, kevbe wẹ, Osanobua ne Udazi rre do ye iran obọ.

Daniẹl 3:26

Ẹre Nebukiadneza na gha rrie onurho ehe ne ogidi erhẹn nii ye, ọ da tie iran wẹẹ, “E Siedrak! Mesiak! Abẹdnigo! Eguọmwadia Osanobua ne ọ kpọlọ Sẹehia! Wa ladian gha dee!” Iran keghi ladian vbe ọwarọkpa nii.

Daniẹl 3:28

Ọba keghi kha wẹẹ, “Wa rho Osanobua e Siedrak, Mesiak kevbe Abẹdnigo! Ọ gie odibo ẹre gha dee ne ọ do miẹn iran ni gae kevbe ni muẹtinyan rẹn na fan. Iran fieghe uhunmwu ye iyi ne imẹ yi, iran keghi mu egbe ne iran gha ya wu, sẹẹ ne iran ghughẹrre ya uhunmwu rhanmwẹ otọ ne ẹbọ ọvbehe gberra Osanobua iran.

Daniẹl 4:2

Wa danmwehọ iyẹn ọghe ama kevbe iwinna ọyunnuan ne Osanobua ne ọ Sẹehia rhie ma mwẹ.

Daniẹl 5:18

“Osanobua ne ọ Sẹehia ọ re ọ maa erha a ọba ighe Nebukiadneza, ọba nọkhua, ọ keghi vbe rhie ọghọ vbe ẹtin ne ẹẹn.

Daniẹl 5:21

A khu ẹe ẹe fua hin uwu ẹbu emwa nagbọn rre, ekhọe ẹre keghi do gha yevbe ọghe aranmwẹ oha. Rẹn vbe avbe emẹ ọ re ọ ghi gba gha rre oha, ọ kegha rrii irunmwu zẹ vbe ẹmila, ọ keghi gha vbiẹ uwu oha vbene emwi rhọkpa i na vbe degue ẹre egbe ne evbu ghẹ rhọ yan rẹn. Vbe okiekie ọ keghi miẹn kue wẹ Osanobua ne ọ Sẹehia khaemwisẹ yan arriọba hia, ọ ghi vbe gha munọ iran ne emwa ne ọ khọn rẹn.

Daniẹl 6:16

Ẹre ọba ghi na wẹ ne a ya mu e Daniẹl fi uwu uvun ne a viọ avbe oduma vuọn ni. Ọ keghi tama e Daniẹl wẹẹ, “Te Osanobua ni ne u ye ekhọe ruẹ hia ga vberriọ gha miẹn ruẹn fan o.”

Daniẹl 6:20

Ọ ghi sẹ evba nii, ọ keghi ye udu ne ọ ha ọka da tu wẹẹ, “E Daniẹl ọguọmwadia Osanobua ne ọ rrọọ. Osanobua nii ne u ya ekhọe hia gha sẹtin miẹn ruẹn fan vbe obọ avbe oduma ra?”

Jona 1:9

E Jona keghi wanniẹn tama iran wẹẹ, “Ovbi e Hibru mẹ khin. E Nọyaẹnmwa, Osanobua ne ọ yi otọe kevbe okun, ọre imẹ ga.”

Maika 6:6

De emwi ne imẹ gha rhie gie Nọyaẹnmwa ne Osanobua ẹrinmwi, vbe I a ra do mudia vbe odaro ẹre? Ne I mu ivbi ẹkhuia ẹmila ni maa sẹ rre ra ne a ya zọ ese ne a giẹn uan ne ẹẹn?

Matiu 22:16

Iran keghi rhunmwuda ọnii gie eso vbe uwu avbe erhuanegbe iran ba avbe igbesa Hẹrọd bu Jesu gha khian. Iran tama rẹn wẹẹ, “Ọmwa ẹmwata ọre ima rẹn ruẹn yi, ẹmwata ne ọ rre vbene Osanobua mu ẹmwẹ ẹdẹ agbọn emwa ne agbọn yi, ọre u ma emwa re, vbe ne u i na vbe lele ne agbọn khare, rhunmwuda ighe osi ẹrrẹe ọghe ukpo ne ọmwa ye, ẹ i si ọ.

Matiu 8:29

Iran keghi datu vbe udomwurri wẹẹ, “Vbọ kan ima kan ruẹn yi, wẹ ne Ovbi Osanobua? Te u rre do rri ima oya khẹ ọ dee ra?”

Iyẹn ne ọ Maan Ọghe Mak 1:24

“Vbọ kan ima kan ruẹn yi Jesu ne ovbi e Nazarẹt? Te u rre do fuẹn ima an ra? I rẹn ọmwa ne u khin: wẹ ọrọre ukọ ne ọ huanrẹn ọghe Osanobua.”

Iyẹn ne ọ Maan Ọghe Mak 12:14

Iran keghi bu ẹre gha dee, iran tama rẹn wẹẹ, “Ọmamwaemwi, ọmwa ne ọ ta ẹmwata ma rẹn ruẹn yi, wẹ i lele ne agbọn khare, rhunmwuda osi ẹrrẹe i siọ, sokpan, ẹmwata ne ọ rre vbene Osanobua mu ẹmwẹ edẹ agbọn emwa yi ọre u ma emwa re. Tama ima, ọ kere vbe ọmwa a ha igho uhunmwu gie Ọgbaisi e Rom ra ọ ma ke? Ne ima ha ẹre ra ne a ghẹ hae?”

Iyẹn ne ọ Maan Ọghe Mak 5:7

Ọ keghi datu wẹẹ, “Jesu Ovbi Osanobua Ne Ọ Yo Sẹ, vbe ọ so mwẹ so uẹ? I ya Osanobua rinmwian, ghẹ rriọ mwẹ oya.” (

Iyẹn ne ọ Maan Ọghe Luk 1:77

Ne u khama emwa rẹn ighe a gha miẹn iran fan. Vbe kpa ne a gha na ye orukhọ bọ iran.

Iyẹn ne ọ Maan Ọghe Luk 1:79

Rẹn wan uwanmwẹ ke ẹrinmwi rre, yan emwa hia ni rre ebiebi aghọnghọn uwu ne ọ dia owẹ mwa lele uro odẹ ọfumwegbe.”

Iyẹn ne ọ Maan Ọghe Luk 20:21

Avbe ọrhẹ ni keghi khama Jesu wẹẹ, “Ọmamwaemwi, ma rẹnrẹn ighẹ emwi ẹmwata ne ọ gbae ọre u ma emwa ẹre. Ma rẹnrẹn ighẹ osi ẹrrẹ i siọ, sokpan ẹmwata ne ọ rre vbene Osanobua mwamwa ẹmwẹ emwa ne agbọn yi ọre u ma emwa re.

Iyẹn ne ọ Maan Ọghe Luk 4:34

“De! vbọso mwa suẹ Jesu ne ovbi e Nazarẹt? Te u do fuẹn ima an ra? I rẹn ruẹn, odibo Osanobua ne ọ huanrẹn!”

Iyẹn ne ọ Maan Ọghe Luk 4:41

Avbe orhiọn esu kegha tu utumwẹ obalọ vbe iran a ladian vbe egbe emwa ni bun wẹ, “Wẹ ọrọre Ovbi Osanobua.” Jesu keghi gbe eta ye iran unu, ọ ma gie iran guan rhunmwuda iran rẹnrẹn ighẹ rẹn ọrọre nene Mẹzaia.

Iyẹn ne ọ Maan Ọghe Luk 8:28

Ọ keghi datu vbe ọ dẹghe Jesu, ọ degbe otọ vbe odaro ọre ọ datu wẹẹ, “Jesu Ovbi Osanobua Ne Ọ Yo Sẹ, vbe ua gualọ sẹ egbe mwẹ? Lahọ ghẹ rriọ mwẹ oya.”

Iyẹn ne ọ Maan Ọghe Jọn 14:6

Jesu wanniẹn wẹẹ, “Mẹ ọrọre odẹ, mẹ ọrọre ẹmwata, mẹ ọrọre arrọọ. Ọmwa nọ gha sẹtin sẹ ehe ne Evbavba ye ẹ i rrọọ vbe ẹ i re wẹ te ọ la obọ mwẹ.

Iwinna 18:26

Ọ keghi wa gha ya udinmwẹ guan vbe Ọgua ediọn. Ugbẹn vbe Priskila kevbe Akuila họn ẹmwẹ ọnrẹn, iran keghi rhie ẹre gha rrie owa iran, iran keghi ya dọlegbe rhan otọ ẹmwẹ odẹ Osanobua ma rẹn ẹse.

Iwinna 19:13

Avbe Ju eso ni gha lele ehe hia khian, iran na vbe gha khulo orhiọn dan ladian keghi vbe te gha ho ne iran gha so eni Jesu ya ru emwi na. Iran ghi khama avbe orhiọn dan ni wẹẹ, “I ya eni Jesu ne Pọl kpe orhu ẹre khian yi iyi nuẹn.”

I Pita 2:16

Wa gha ru emwi ọmwa ne ọ yan egbe ẹre, sokpan wa ghẹ ba muẹn, mẹ ọ yan egbe mwẹ gue aro gha zẹ iba, sokpan wa gha ru emwi zẹ vbe eviẹn Osanobua.

II Pita 2:2

Ọ rhe ye vberriọ ni bun gha ye gha yin uyinmwẹ alama iran khian, a ghi do miẹn wẹ, rhunmwuda emwi ne iran ru, emwa ghi do gha ye ukpẹ sakan Odẹ ẹmwata nii.