Iwinna 16:16 - Edo Bible (E Baibol Ẹdo) Version 1996

¹⁶ Ẹdẹ ọkpa, ma ghi rrie ehe ne a na na erhunmwu, ọvbokhan okhuo ọkpa, ne ọre ọviẹn, ne ọ vbe mwẹ orhiọn dan nọ yae miẹn aro, keghi khian vbe ima. Igho ọrhẹnrhẹn ọre ọ ye aro me ọ miẹn nii khuan ne enarẹn.

Iwinna 16:16 ပူးပေါင်းရင်းမြစ်များ

II Ọba 21:6

Ọ keghi ye ovbi ẹre ne okpia zọ ese ne a giẹn uan. Rẹn kegha fi iha ọ kevbe gha ru ẹbo edunna, ọ kevbe gha bọ vbe ọghe ọbo kevbe iran ni gu ẹrinmwi guan. Ọ keghi kakabọ sẹ ẹmwẹ e Nọyaẹnmwa, ọ na gie ẹe mu ohu.

I Krọnikol 10:13

E Sọl wu rhunmwuda, ọ ma ya ekhọe rhie egbe mu Osanobua. Ọ he iyi Osanobua ye otọ ọ kegha gualọ igiodẹ odẹ ne ọ gha ru emwi la vbe obọ emwa ni wulo nẹ kevbe vbe obọ orhiọn emwa ni

Aizaia 8:19

Sokpan, emwa gha tama ruẹn ne u ya gualọ otọ emwi vbe obọ avbe ọbiro kevbe ọfiakpẹlẹ ni kpe ihue, kevbe ni vbe zuyọn. Iran gha kha wẹẹ, “A rẹnrẹn wẹ ọ kere ne emwa gha gualotọ emwi gie emwa ni rre agbọn vbe obọ avbe ẹrinmwi kevbe emwa ni wulo nẹ.”

Levitikọs 19:31

“Wa ghẹ yo ọghe iran ni gu avbe emwa ni wu nẹ guan. Wa gha ru ẹe. wa gha mu awua. Mẹ ọ re Nọyaẹnmwa Osanobua rua.

Levitikọs 20:27

“Okpia ra okhuo ne ọ rhirhi ya gualọ otọ emwi vbe obọ orhiọn ọmwa ne ọ wu nẹ, a ghi filo okuta gbe ẹe rua. Ọmwa ne ọ rhirhi ru emwi vbenian, obọ ẹre ọre uwu ne ọ gbe ẹe ke rre.”

Levitikọs 20:6

“De ghẹ ọmwaikọmwa yo ọghe iran ni gu avbe eniwu nẹ guan, I gha mu aro da ẹre, mẹ i ghi ra vbe ka ẹe ba emwa mwẹ.

Iwinna 16:13

Ọ ghi sẹ Ẹdẹ Ikẹtin, ma keghi ladian ore ẹvbo nii gha rrie ọkpẹn ẹzẹ ehe ne ima te ro ighẹ ehe ne avbe Ju na na erhunmwu gha ye. Ma keghi tota, ma na gha gu avbe Ju ikhuo ni si egbe koko ye evba guan.

Iwinna 16:18

Ikpẹdẹ ni bun ọre ọ ru emwi na la, egbe ẹre ghi wọ Pọl sẹrriọ wẹẹ ọ keghi fi egbe werriẹ, ọ tama orhiọn nii wẹẹ, “Vbe eni Jeru Kristi, I tama ruẹn ne u ladian vbe uwu ẹre rre.” Vbe ọwarọkpa nii, orhiọn nii keghi la hin uwu ẹre rre.

Iwinna 16:19

Ugbẹn vbe iran ni yan rẹn ghi miẹn wẹ, emwi ne iran te ya miẹn igho rrie, iran keghi de obọ mu Pọl kevbe Sailas, iran na silo iran bu avbe eghaẹvbo vbe ihueada ẹvbo hoho.

Iwinna 19:24

Okpia ne ogun ẹrọnmwọ, ne a tie eni ẹnrẹn Demetriọs, kegha ya ẹrọnmwọ dunmwu ivbi owa ne a ya ta owa ne iran bọ ne ẹbọ ne okhuo ọkpa ne a tie eni ẹnrẹn Atemis, iwnna rẹn na keghi gha ya igho la iran ni winnaẹn obọ.

Galatia 5:20

ẹbọ ne a gho kevbe azẹn, emwa ghi ya eghian so egbe, iran ghi gha gbinna, oya iran ghi gha da egbe, okuo kevbe oguegue. Iran ghi gha ghae egbe ye otu kevbe oka.

I Timoti 6:10

Rhunmwuda aho ẹmwẹ igho ọre emwi dan ughughan ke zọ ladian. Ẹmwẹ ne a gha mwẹ ọnrẹn mu emwa eso sẹrriọ wẹ, te iran ghi fi iyeke gbe iyayi, iran keghi ya akhiẹ ni bun guọghọ ekhọe iran uan.

II Timoti 3:8

Zẹ vbene Janis kevbe Jambres gha gbe odan ghe Mosis, erriọ emwa na gbe odan ghẹ ẹmwata, emwa na, ekhọe iran i ghi winna, iran keghi vbe gbe akuọkan vbe iyayi.

II Pita 2:3

Vbe uwu uzuanmwẹ iran, avbe emamwaemwi ohoghe na ghi gha ya okha ne iran tobọ iran ya rre, miẹn uwa emwi. Ọ kpẹre ne Ne ọ bu ohiẹn iran ghi mu egbe ye otọ. Ne ọ ra fuẹn iran uan i vbe vbiẹ hiehiere.

I Samuẹl 28:3

Vbe ẹghẹ na, e Samuẹl wu nẹ, ivbi Izrẹl ghi khiẹ ọre nẹ, iran na re ẹre ye Rama ne ẹvbo ẹre. E Sọl khulo iran ni fi iha kevbe iran ni miẹn ẹrinmwi hin otọ Izrẹl rre nẹ.

I Samuẹl 28:7

Ẹre Sọl ghi na khama emwa rẹn wẹẹ, “Wa gunmwẹ gualọ okhuo ne ọ miẹn ẹrinmwi, I gha yo ya gualọ otọ emwi vbe obọ ẹre.” Iran wanniẹn tama rẹn wẹẹ, “Ọkpa rre Ẹndọ.”