Iwinna 16:15 - Edo Bible (E Baibol Ẹdo) Version 1996

¹⁵ A keghi sa amẹ ne ẹn ke ẹe kevbe owa ẹre. Rẹn keghi tama ima wẹẹ, “Deghẹ wa gele ka mwẹ ye ọmwa ne ọ ya Nọyaẹnmwa yi vbe ẹmwata, wa do di owa mwẹ ya.” Rẹn keghi rherhe ima viọ gha khian.

Iwinna 16:15 ပူးပေါင်းရင်းမြစ်များ

Gẹnẹsis 19:3

Sokpan rẹn keghi ye gha rhẹrhẹ iran, vbe okiekie, iran na lelẹe gha rrie owa ẹre. E Lọt keghi wẹ ne eguọmwadia ẹre le ebrẹd, ọ na le evbare esiesi ne iran, iran na re.

Gẹnẹsis 33:11

Lahọ, miẹn mwẹ emwi ne i ya guẹ na, Osanobua wa tohan mwẹ, ọ na viọ emwi ne I ho hia mẹ.” E Jekọb keghi kakabọ ye arhẹrhẹ gbagbae ye ọre egbe, ọ te do rhanbọ miẹn iran.

II Ọba 4:8

Ọ ghi sẹ ẹdẹ ọkpa, Elaisia kegha rrie Siunẹm, ehe ne okhuo ne ọ fee ọkpa ye. Okhuo nii keghi tie ẹre sẹ owa ne ọ do rri evbare, ke ẹghẹ nii kpao, eghẹ ne ọ rhirhi ya yo e Siunẹm owa ẹre ọre ọ na rri evbare.

Matiu 10:41

Ọmwa ne ọ miẹn ọguọmwadia Osanobua yi rhunmwuda ighẹ ọguọmwadia Osanobua nọ, ọ gha ghae vbe ere ẹre. Ọmwa ne ọ vbe miẹn ọmwa esi yi rhunmwuda ighẹ ọmwa esi nọ, ọ gha vbe ghae vbe ere ẹre.

Matiu 3:6

Iran miẹn Orukhọ iran kue. Ọ keghi samẹ ne iran vbe ẹzẹ Jọdan.

Iyẹn ne ọ Maan Ọghe Luk 14:23

Arowa nii keghi khama ọguọmwadia nii wẹẹ, ‘Gha rrie ivbiodẹ kevbe odẹ nekhua ọghe ẹvbo na, viọ ẹvbo rre, ne owa mwẹ miẹn ehe na vuọn.

Iyẹn ne ọ Maan Ọghe Luk 24:29

Sokpan iran keghi daeyi wẹẹ, “Gu ima tota, te ebi ghi ra ro, ebiebi vbe so nẹ.” Rhunmwuda ọnii rẹn keghi la owa ne ọ ya tota ke iran.

Iwinna 11:14

Ọ gha gu uẹ guan ẹmwẹ ne uwẹ vbe ẹgbẹe ruẹ gha la miẹn imiẹnfan.’

Iwinna 16:31

Iran tama rẹn wẹ, “Ya Nọyaẹnmwa Jesu Kristi yi, u gha fe, wẹ kevbe ẹgbẹe ruẹ.”

Iwinna 16:33

Vbe asọn ni, eseghan nii keghi viọ iran, ọ na kpe iran ẹwẹn, a keghi vbe sa amẹ ne ẹn, ke ẹe kevbe ẹgbẹe ọre hia vbe ọwarọkpa nii.

Iwinna 16:34

Rẹn keghi viọ Pọl kevbe Sailas la owa ẹre, ọ na ya rhie evbare ne iran re. Rẹn kevbe ẹgbẹe ọre keghi ghọghọ ẹsẹse rhunmwuda ne iran na do ya Osanobua yi.

Iwinna 18:8

Krispọs ne ọre ọka Ọgua ediọn keghi ya Nọyaẹnmwa yi, ke irẹn kevbe ẹgbẹe ọre hia. Emwa ni bun ọvbehe keghi vbe họn iyẹn ne ọ maa ni vbe Kọrinti, iran yayi, a keghi sa amẹ ne iran.

Iwinna 8:12

Sokpan iran ghi ya ikporhu e Filip yi, ikporhu ọghe Iyẹn Ne ọ maa ọghe Arriọba Osanobua kevbe eni Jesu Kristi, a kegha sa amẹ ne iran, ke ikpia kevbe ikhuo.

Iwinna 8:38

Ọka iwinna nii keghi wẹ ne ikẹkẹ okhuae ni mudia. Iran eva, Filip kevbe ọka iwinna nii keghi gba la uwu amẹ, Filip ke sa amẹ nẹ ẹn.

Ebe ne Pọl gbẹẹn gie emwa Rom 16:23

Gaiọs ne imẹ di owa ẹre ya, ọmwa ne a do esọsi vbe owa ẹre we uwa do, Ẹrastọs ne ọ da igho yi ne ẹvbo kevbe ọtẹn mwa Kuatọs we uwa do. [

II Kọrinti 12:11

Te I ghi ru emwi vbe akpa, sokpan wa ọre ọ si ẹe yọmwẹ egbe. Wa ọre ọ te kei ne ọ gha so igie ye ẹmwẹ ne egbe mwẹ. Rhunmwuda, gie a kha I gele zẹdẹ mwẹ esa ne I ye, emwi ne avbe “Ogiete” ukọ uwa ni ya sẹmwẹ ẹ i rrọ.

II Kọrinti 5:14

Rhunmwuda, aho ẹmwẹ ọmwa ne Kristi mwẹ ghe mwa, ọre ọ da kha yan mwa, ugbẹn vbe ima ghi do rẹn nẹ nian wẹ, orhiọnkpa wu ne emwa hia, ne ọ rhie maa wẹ, emwa hia mwẹ oghae vbe uwu ẹre.

Galatia 6:10

Rhunmwuda ọnii, ẹghẹikẹghẹ ne a ya miẹn otọ, wa gie a gha ru emwa hia ẹse, sokpan sẹe hia sẹẹ hia, iran ne ima gba re ọkpa vbe ẹgbẹe iyayi.

Ẹfisọs 1:1

E Pọl, ọmwa ne ọ re ukọ Osanobua ne ọ winna ne Kristi Jesu vbe ekpa iho Osanobua, ọre ọ gbẹn ebe na gie emwa Osanobua ni rre Ẹfisọs, iran ni mudia ẹse vbe uwu ẹdẹ agbọn iran vbe uwu Kristi Jesu.

Filipai 1:7

Ẹmwẹ uwa i lahin ekhọe mwẹ rre, rhunmwuda ọnii, emwi ne ọ kere nọ ne ẹmwẹ uwa gha ye rriọ vbe ekhọe mwẹ. Rhunmwuda, wa hia gun mwẹ ghae vbe emwi ne Osanobua ya mu ọghọ yọ mwẹ egbe na, kevbe ẹghẹ ne I na rre uwu eghan na, kevbe ẹghẹ ne idobo i na rrọọ mẹ, vbe i a gha mu ẹmwẹ iyẹn ne ọ maa gui, kevbe I a vbe gha ya ẹre igiẹ mu otọ.

Failimọn 1:17

Rhunmwuda ọnii, a deghẹ u gele ka mwẹ ye ogieva ruẹ, rhan obọ miẹn rẹn la owa, zẹ vbe ne u gha vbe rhan obọ miẹn imẹ la owa.

Hibru 13:2

Wa gha rhie orhunmwuyẹn la owa. Emwa eso rrọọ ni ru vberriọ, iran na viọ, avbe odibo Osa la owa, vbene iran ma na rẹn.

I Pita 5:12

Sailas, ọmwa ne ima ka ye ọtẹn ne ẹ i hiẹ ọmwa, ọre ọ gun mwẹ gbẹn ehe ne kherhe na gie uwa, I ho ne I rhie igiẹdu ne uwa, ne I vbe ya unu mwẹ ta ẹe ma uwa zẹ vbe ẹmwẹ obọ mwẹ wẹ, ẹsọhẹ ọghe Osanobua, ọre ọ na khin. Wa mudia yọ gbain.

II Jọn 1:10

Rhunmwuda ọnii, ọmwa gha bu ruẹ la owa vbe ne a na miẹn wẹ, ọ ma rhie iruẹmwi na rre, ghẹ giẹe la owa. Ghẹ kue zẹdẹ kha ma rẹn wẹ, “Ọfumwegbe nọ nuẹn.”

III Jọn 1:5

Ọse mwẹ ne ọ ghaan, u mobọ wa mu aro ye ẹmwẹ iwinna ne u winna ne avbe etẹn, uhin vbe a vbe miẹn wẹ, erriọvbe ọre iran khin.

III Jọn 1:8

Rhunmwuda ọnii, ọ kere ne ima ni re eniyayi gha ye avbe emwa na obọ, ne ima miẹn ehe na gha mwẹ oghae vbe iwinna ne iran winna ne ẹmwata.

I Samuẹl 28:23

E Sọl keghi he ọ na wẹ rẹn i rri emwi rhọkpa, sokpan, emwa rẹn keghi vbe rherhe ọe ne ọ rri evbare. Vbe okiekie, ọ keghi khuẹnniẹn yọ, ọ keghi kpao vbe otọ, ọ na tota ye ukpo.