Iwinna 16:12 - Edo Bible (E Baibol Ẹdo) Version 1996

¹² Ma keghi vbe ke evba la uwu ẹre gha rrie Filipai, ẹvbo ne ọ rre ototọ Rom. Ma gbe sẹ omwa ikpẹdẹ eso vbe ẹvbo nii.

Iwinna 16:12 ပူးပေါင်းရင်းမြစ်များ

Iwinna 16:10

Vbe ọwarọkpa vbe Pọl ghi miẹn umian na nẹ, ma keghi mu egbe ne a gha rrie Masidonia, rhunmwuda ma khare wẹ te Osanobua tie ima ne a ya kpe orhu Iyẹn Ne ọ maa ma emwa ni rre evba.

Iwinna 16:21

Iran do gha ma emwa uyinmwẹ ne ọ ma gua uhi ima ro, ivbi Rom ma khin, ma i sẹtin lele uyinmwẹ na.”

Iwinna 16:9

Asọn ii, Pọl keghi miẹn umian vbe uwu ne ọ na miẹn ovbi Masidonia ọkpa ne ọ mudia gha rinmwiaẹn wẹẹ, “Gha die Masidonia ne u do yi ma obọ!”

Iwinna 18:5

Ugbẹn vbe Sailas kevbe Timoti ghi ke Masidonia rre, Pọl keghi wa ya ẹghẹ ọre hia gha kpe orhu iyẹn ne ọ maa, ọ na gha tama avbe Ju wẹ Jesu ọrọre Mẹzaia.

Iwinna 19:21

Emwi na ghi sunu nẹ, Pọl na wẹ rẹn ra khian lele Masidonia kevbe Gris ne ọ vbe la odọ gha rrie Jerusalẹm. Ọ keghi kha wẹ, “I gha sẹ evba nẹ, I gha vbe sẹ e Rom.”

Iwinna 19:29

Utumwẹ na keghi wa la ẹvbo khinkhian. Iran ni si ọbọbọ e rhia rua ni, keghi mu Gaiọs kevbe Aristakọs ne ivbi e Masidonia eva ni lele Pọl khian, iran na silo iran gha rrie adesẹ ughe.

Iwinna 20:1

Ugbẹn vbe owogho ghi dọyọ nẹ, Pọl keghi tie ivbi iyayi, ọ keghi ya ẹmwẹ igiẹdu gbe ọkhian ẹdẹ hia ne iran. Rẹn keghi kpao, ọ na gha rrie Masidonia.

Iwinna 20:3

Rẹn ghi te mu egbe ne ọ gha rrie Siria, ọ keghi vẹ nẹ rẹn ighẹ avbe Ju gha si uma ne iran gbe irẹn ruan, ọ na ghi wẹ ne iran ya la Masidonia dọlegbe gha rrie.

Iwinna 20:6

Ma keghi gua okọ kpao vbe Filipai vbe iyeke Emwiukpo Ebrẹd Ne ọ ma hue. Ọ ghi rre ikpẹdẹ isẹn, ma keghi ya vbe iran vbe Troas, ma na gbe uzọla ọkpa vbe evba.

Iwinna 27:2

Ma keghi la okọ vbe Adramitiọm, okọ keghi ra kpao gha rrie eghute otọe Esia ne ọ ke evba gua kpao. Aristakọs ne ovbi e Masidonia ọkpa ne ọ ke Tẹsalonaika rre, keghi deba ima.

Ebe ne Pọl gbẹẹn gie emwa Rom 15:26

Rhunmwuda, avbe esọsi ni rre Masidonia kevbe Gris ya ẹkoata zẹ emwi obọ ne iran ya ye ivbi ogue ni rre uwu emwa Osanobua ni rre Jerusalẹm obọ.

Filipai 1:1

E Pọl kevbe Timoti, emwa ni re eguọmwadia Kristi Jesu, ọre ọ gbẹn ebe ne gie emwa Osanobua hia ni rre Filipai, iran ni ya Jesu Kristi yi, deba avbe olotu esọsi kevbe iran ni ru iyobọ.

Filipai 1:5

Rhunmwuda vbe ne uwa ya ru iyobọ mẹ hẹẹ vbe ẹmwẹ iyẹn ne ọ maa, ke ikpẹdẹ ne okaro dandaandan do sẹ wanwanna.

I Tẹsalonaika 2:2

Wa rẹn vbene a ru ima emwi oya hẹ, ne a na vbe fa ima uan vbe Filipai, ma keghi kpao bu uwa gha die Tẹsalonaika. Ọ rhe ye rriọ, Osanobua keghi ye rhie orhiọn ye ima iwu, ne ima ya kpe orhu iyẹn nii ma uwa, a gha rhe miẹn wẹ, vbe adesẹ igbodan nọkhua nọ.