Iwinna 16:1 - Edo Bible (E Baibol Ẹdo) Version 1996

¹ Pọl kegha rrie Dẹbi kevbe Listra. Ovbi iyayi ọkpa ne a tie ẹre Timoti keghi rre evba, iye ẹe ne ọ vbe re ovbi iyayi keghi re Ju sokpan erha ẹe kegha re Grik.

Iwinna 16:1 ပူးပေါင်းရင်းမြစ်များ

Ẹzra 9:2

Ikpia vbe uwu avbe iran kegha viọ ikhuo ni i re Ju rọnmwẹ rhunmwuda ọnii, emwa ni huanrẹn ọghe Osanobua keghi do gha re ne a ya iruẹn yi. Iran ne ọghọe wa rhia sẹ vbọ kegha re avbe ọkaolotu kevbe iran ni rre asẹ.

Iwinna 14:1

Erriọ ọre ọ vbe gha ye vbe Aikọniọm, Pọl kevbe Banabas kegha rrie Ọgua ediọn avbe Ju, iran keghi guan ẹsẹse, sẹrriọ ne avbe Ju ni bun kevbe iran ne ẹ i re Ju na wa yayi.

Iwinna 14:21

Pọl kevbe Banabas keghi kpe orhu Iyẹn Ne ọ maa vbe Dẹbi, iran keghi miẹn emwa ni bun viọ ba egbe vbe evba. Iran keghi werriegbe gha rrie Listra kevbe Aikọniọm kevbe Antiọk ne ọ rre Pisidia.

Iwinna 14:6

Emwi na ghi vẹ ne avbe ukọ rẹn, iran keghi lẹ gha rrie Listra kevbe Dẹbi, ẹvbo ni rre otọ Likaonia, kevbe ẹvbo ni lẹga ẹre hia.

Iwinna 17:14

Vbe ọwarọkpa nii, avbe etẹn keghi wa rhie Pọl gha rrie eghute, sokpan Sailas kevbe Timoti keghi ye gha rre Bẹrea.

Iwinna 18:5

Ugbẹn vbe Sailas kevbe Timoti ghi ke Masidonia rre, Pọl keghi wa ya ẹghẹ ọre hia gha kpe orhu iyẹn ne ọ maa, ọ na gha tama avbe Ju wẹ Jesu ọrọre Mẹzaia.

Iwinna 19:22

Rhunmwuda ọnii, ọ keghi gie Timoti kevbe Ẹrastọs, eva vbe uwu iran ni ru iyobọ nẹẹn, gha rrie Masidonia, rẹn na wẹ rẹn ra ye rhie ẹghẹ kherhe vbe otọ Esia.

Ebe ne Pọl gbẹẹn gie emwa Rom 16:21

Timoti ne ima gba winna, wẹ uwa do, kevbe Lusiọs, kevbe Sosipata, avbe Ju ne iho mwa.

I Kọrinti 16:10

Deghẹ Timoti do van odọghe uwa, vbene ọ rhirhi gha ye hẹ, wa ghẹ mwẹ wa ma mu ẹre aro ze vbe ehe ne uwa ye, rhunmwuda vbene imẹ winna ne Nọyaẹnmwa ọre irẹn vbe winna.

I Kọrinti 4:17

Rhunmwuda ọnii ọre I ra na gie Timoti bu uwa gha dee. Ọmọ ne ọ ghan kevbe ne ọ gie a mu ẹtin yan, ọre ọ khin mwẹ re vbe uwu Nọyaẹnmwa. Ọ gha ma uwa owẹ ne I vin ne I ru emwi lele vbe ẹdẹ agbọn mwẹ vbe uwu Kristi Jesu, ne I vbe ma emwa re vbe esọsi hia vbe ehe hia.

I Kọrinti 7:14

Rhunmwuda ọdọ ne ọ ma yayi ni ghi do gha re ne Osanobua rhan obọ miẹn rhunmwuda ne a na ku ẹe kugbe ba amwẹ ọnrẹn, amwẹ ne ọ ma yayi ni ghi vbe do gha re ne Osanobua sẹtin rhan obọ miẹn rhunmwuda ne a na ku ẹe gbe ba ọdọ ne ọ yayi. Akpawẹ ẹ i ye vberriọ, te ivbi iran ghẹ gha ye vbe ivbi e ne ọ ma yayi, sokpan vbene ọ ghi ye na, iran khian ne Osanobua sẹtin rhan obọ miẹn.

II Kọrinti 1:1

E Pọl ne ukọ vbene Osanobua ho ẹre yi, kevbe ọtẹn mwa ighẹ Timoti, ọre ọ gbẹn ebe na, gie esọsi Osanobua ne ọ rre Kọrinti kevbe emwa Osanobua hia ni rre Gris.

II Kọrinti 1:19

Rhunmwuda, Jesu Kristi, ne Ovbi Osanobua ne Timoti Sailas kevbe imẹ kpe orhu ẹre ma uwa, ẹ i re ọmwa nọ re “Ẹn” kevbe “Ẹn o.” Sokpan rẹn ọrọre “Erriọ nọ” ọghe Osanobua.

Filipai 1:1

E Pọl kevbe Timoti, emwa ni re eguọmwadia Kristi Jesu, ọre ọ gbẹn ebe ne gie emwa Osanobua hia ni rre Filipai, iran ni ya Jesu Kristi yi, deba avbe olotu esọsi kevbe iran ni ru iyobọ.

Filipai 2:19

I mu ẹtin yan Nọyaẹnmwa Jesu Kristi ighẹ I gha sẹtin gie Timoti bu uwa gha dee, vbe ọ ma he kpẹe wan, ne ẹmwẹ uwa ne I họẹn miẹn ehe na rhie igiẹdu mẹ.

Kọlose 1:1

E Pọl, ọmwa ne ọre ukọ ọghe Kristi vbe ekpa iho ọghe Osanobua, kevbe Timoti, ọre ọ gbẹn ebe na.

I Tẹsalonaika 1:1

E Pọl, Sailas kevbe Timoti, ọre ọ gbẹn ebe na gie emwa esọsi ni rre Tẹsalonaika, emwa ni re ọghe Osanobua ne Erha kevbe Nọyaẹnmwa Jesu Kristi, ẹsọhẹ kevbe ọfumwegbe ọre ogha re ọwua.

I Tẹsalonaika 3:2

Ne ima gie Timoti bu uwa gha dee, ọtẹn mwa, ọmwa ne ọ gu ima winna ne Osanobua vbe ekpa ne ọ na kpe orhu nene Iyẹn Ne ọ maa ọghe Kristi. Ma gi ẹe bu uwa gha dee ne ọ do yi uwa obọ kevbe ne ọ vbe rhie iyobọ ne iyayi uwa.

I Tẹsalonaika 3:6

Banbanna nian, e Timoti ke ehe ne uwa ye rre do vba ima nẹ, ọ keghi vbe do na iyẹn esiesi ọghe iyayi kevbe aho ẹmwẹ ọmwa uwa. Ọ tama ima wẹ, ẹko ima wa ma uwa ẹghẹ hia, kevbe wẹ, vbene ima ho ne ima miẹn uwa, erriọ wa vbe ho ne uwa miẹn ima.

II Tẹsalonaika 1:1

E Pọl, Sailas kevbe Timoti ọre ọ gbẹn ebe na gie emwa esọsi ne ọ rre Tẹsalonaika, emwa ni re ọghe Osanobua ne Erha mwa kevbe Nọyaẹnmwa Jesu Kristi.

I Timoti 1:18

E Timoti ne ovbi mwẹ, te I ka iyi na yuẹ obọ, zẹ vbe ẹmwẹ akhasẹ ne a guan ye otọ vbe ekpa ruẹ ẹghẹ nii. U ghi gie avbe ẹmwẹ nii, gha re emwi igbinna vbe obọ ruẹ, vbe u a gha gbinna igbinna esi nii khian.

I Timoti 1:2

Gie Timoti ovbi mwẹ ne ovbi mwẹ vbe uwu iyayi Osanobua ne Evbavba kevbe Kristi Jesu Nọyaẹnmwa, ne ọ rhie ẹsọhẹ itohan kevbe ọfumwegbe nuẹn.

II Timoti 1:2

Gie Timoti, ovbi mwẹ ne ọ ghan: Osanobua ne Erha kevbe Kristi Jesu ne ọ rhie ẹsọhẹ nuẹn kevbe itohan kevbe ọfumwegbe.

II Timoti 1:5

I ye iyayi ẹmwata ne u mwẹ rre, egbe ne edede ruẹ gha mwẹ ighẹ Luis, kevbe Yunis ne iye uẹ vbe gha mwẹ, mẹ yayi ighẹ wẹ vbe mwẹ ọnrẹn.

II Timoti 3:11

Ukpokpo ne a rhie mẹ, kevbe oya ne I re. U rẹn emwi ne ọ sunu vbe egbe mwẹ hia vbe Antiọk, Aikoniọm, kevbe Listra. Ukpokpo nọkhua ne I ya egbe miẹn. Sokpan Nọyaẹnmwa keghi miẹn mwẹ fan vbe ehia.

Failimọn 1:1

E Pọl ne ọ rhunmwuda Kristi Jesu re oleghan kevbe ọtẹn mwa ighẹ Timoti, ọre ọ gbẹn ebe na gie uẹ, Failimọn ne ogieva ima ne ima gba winna.

Hibru 13:23

I ho ne I gie uwa rẹn ighẹ a fan ọtẹn mwa ighẹ Timoti fua nẹ vbe eghan. A deghẹ ọ rherhe rre, I gha rhie ẹre ba egbe vbe i a ra do miẹn uwa.