Iwinna 15:40 - Edo Bible (E Baibol Ẹdo) Version 1996

⁴⁰ Pọl keghi zẹ Sailas, ọ na kpao, avbe etẹn keghi rhie ẹre yan ẹsọhẹ Osanobua obọ ne ọ gha gbe aro ghe ẹre.

Iwinna 15:40 ပူးပေါင်းရင်းမြစ်များ

Iwinna 11:23

U gbẹn vbe ọ ghi sẹ evba, ọ keghi miẹn vbene Nọyaẹnmwa fiangbe emwa nii hẹ, ẹko keghi rhiẹnrhiẹn ọẹn ẹsẹse, ọ keghi bu iran ude wẹ ne iran ya ekhọe iran hia mu ẹtin yan Nọyaẹnmwa ne iran vbe gha ga ẹe.

Iwinna 13:3

Iran keghi yo aguẹ, iran na na erhunmwu, iran ghi viọ obọ yan iran uhunmwu nẹ, iran na wẹ ne iran gha khian.

Iwinna 14:26

Evba nii i ọre iran ghi ke gua okọ gha die Antiọk, ehe ne a na ka rhie iran ne ẹsọhẹ Osanobua gha gbe aro ghe vbe uwu iwinna ne iran ghi do winna fo na.

Iwinna 15:22

Ẹghẹ nii ọre avbe Apọsol kevbe avbe ediọn deba esọsi hia na ghi ta ẹe wẹ ne iran zẹ emwa eso vbe uwu iran ne iran gie iran lele Pọl kevbe Banabas gha rrie Antiọk. Iran keghi zẹ Judas ne a tie ẹre Banabas kevbe Sailas, emwa ne a ye ọghọ na vbe uwu ẹbu avbe etẹn.

Iwinna 15:32

Judas kevbe Sailas, emwa ni vbe re akhasẹ, keghi rhie ẹghẹ ne ọ taẹn ya gu avbe emwa nii guan, iran keghi rhie udinmwẹ kevbe iwegbe ne iran.

Iwinna 16:19

Ugbẹn vbe iran ni yan rẹn ghi miẹn wẹ, emwi ne iran te ya miẹn igho rrie, iran keghi de obọ mu Pọl kevbe Sailas, iran na silo iran bu avbe eghaẹvbo vbe ihueada ẹvbo hoho.

Iwinna 17:4

A keghi fi eso vbe uwu iran werriẹ, iran keghi deba Pọl kevbe Sailas, erriọ ọre ni bun vbe uwu iran ne Grik ni ga Osanobua vbe ru, kevbe eso vbe uwu avbe ikhuo nihiunsi.

Iwinna 20:32

“Wanwanna, I viọ uwa ne Osanobua gha su deba ẹmwẹ ẹsọhẹ ọghọe. Rẹn gha sẹtin ye uwa digiẹ, ọ ghi vbe rhie afiangbe ne ọ viọ khẹ emwa rẹn hia ne uwa.

I Kọrinti 15:10

Sokpan vbe ekpa ẹsọhẹ Osanobua ọre I na re emwi ne I khin na, ẹsọhẹ ne ọ rhie mẹ, a ma vbe muẹn rhia. Vbe ẹmwata, mẹ kakabọ winna sẹ avbe ukọ nekpa hia, a gha rhe miẹn wẹ ẹ i re ẹtin obọ mwẹ vbe ẹ i re ẹsọhẹ Osanobua ne ọ yaba mwẹ winna.

II Timoti 4:22

Te Nọyaẹnmwa gha yaba orhiọn uwa. Te ẹsọhẹ Osanobua gha gu uwa hia gha rrọọ.

Taitọs 3:15

Iran hia ni rre ehe ne I ye we uẹ do. We avbe ọse ima vbe uwu iyayi hia do. Te ẹsọhẹ Osanobua gha gu uwa hia gha rrọọ.