Iwinna 15:36 - Edo Bible (E Baibol Ẹdo) Version 1996

³⁶ Ọ ghi kpẹe fua kherhe, Pọl keghi khama Banabas wẹẹ, “Gie ima werriegbe gha rrie ẹvbo hia ne ima na kpe orhu ẹmwẹ Nọyaẹnmwa ne ima ya tuẹ avbe etẹn ne a vbe ghe vbene ẹmwẹ Nọyaẹnmwa ghi ye iran hẹ.”

Iwinna 15:36 ပူးပေါင်းရင်းမြစ်များ

Ẹsta 2:11

Ẹdẹgbegbe ọre Modekai yo ya gha gbe ọrrẹrrẹ yo gbe ọrrẹrrẹ rre vbe odaro ẹguae ne ọ miẹn ehe na gha rẹn vbene ọ ye ẹe hẹ kevbe emwi ne ọ ghi ra sunu vbe egbe ẹre.

Ẹksọdọs 4:18

E Mosis keghi dọlegbe bu Jẹtro ne orruan rẹn gha khian, ọ keghi tama rẹn wẹẹ, “Lahọ, gunmwe kpao, I ra bu etẹn mwẹ ni rre Igipt ne I ya ghe a deghẹ iran ye rre agbọn.” E Jẹtro keghi gbe ọ khian ẹdẹ hia nẹẹn.

Jerimaia 23:2

Vbenian, ọ re Nọyaẹnmwa ne Osanobua Izrẹl khare vbekpa ọkaolotu ne ọ te kei ne ọ gha gbearoghe emwa rẹn: “Wa ma gbearoghe emwa mwẹ, wa zagha iran an, wa keghi khulo iran kua. Banbanna nian, I ra do rri uwa oya ye emwi dan ne uwa ru.

Matiu 25:36

I rre irhunmwirhun, wa keghi rhie ukpọn rhuan mwẹ, I khuọnmwi, wa keghi gbe aro ghe mwẹ, I rre uwu eghan, wa keghi do tuẹ mwẹ.’

Matiu 25:43

I re orhunmwuyẹn, wa ma rhie mwẹ la owa rua, I rre irhunmwirhun, wa ma rhie ukpọn rhuan mwẹ, I khuọnmwi, I rre uwu eghan, wa ma do miẹn mwẹ.’

Iwinna 13:12

Enogie ghi miẹn emwi ne ọ sunu, ọ na yayi, emwi ne a ma ẹre re vbe kpa Nọyaẹnmwa keghi wa yan ẹre unu uan.

Iwinna 13:4

Ugbẹn vbe Orhiọn Ne Ọ Huanrẹn ghi gie Banabas kevbe Sọl nẹ, iran kegha rrie Sẹlusia, iran keghi ke evba la okọ gha rrie Saiprọs ne ẹvbo ne amẹ lẹga.

Iwinna 13:51

Avbe ukọ keghi bọnmwẹ ekhae ni rre iran owẹ kua ne iran, iran na gha rrie Aikọniọm.

Iwinna 14:1

Erriọ ọre ọ vbe gha ye vbe Aikọniọm, Pọl kevbe Banabas kegha rrie Ọgua ediọn avbe Ju, iran keghi guan ẹsẹse, sẹrriọ ne avbe Ju ni bun kevbe iran ne ẹ i re Ju na wa yayi.

Iwinna 14:21

Pọl kevbe Banabas keghi kpe orhu Iyẹn Ne ọ maa vbe Dẹbi, iran keghi miẹn emwa ni bun viọ ba egbe vbe evba. Iran keghi werriegbe gha rrie Listra kevbe Aikọniọm kevbe Antiọk ne ọ rre Pisidia.

Iwinna 14:6

Emwi na ghi vẹ ne avbe ukọ rẹn, iran keghi lẹ gha rrie Listra kevbe Dẹbi, ẹvbo ni rre otọ Likaonia, kevbe ẹvbo ni lẹga ẹre hia.

Iwinna 7:23

“Mosis ghi rre ọmọ ukpo iyeva, ọ na wẹ rẹn ra ya miẹn ivbi Izrẹl ne ihua ẹre.

Ebe ne Pọl gbẹẹn gie emwa Rom 1:11

Rhunmwuda, I wa ho ne I miẹn uwa ro ẹsẹse ne I miẹn ehe na gu uwa ghae vbe uwu afiangbe ọghe orhiọn ne ọ ya uwa wo vbe egbe.

II Kọrinti 11:28

Ne a ghẹ ghi zẹdẹ ye unu kan emwi nekpa hia, ẹdẹgbegbe, a i ghi miẹn ẹghẹ ne orhiọn mwẹ ya sẹ otọ ba ẹmwẹ ne i na si osi ye ẹmwẹ esọsi hia.

Filipai 1:27

Banbanna nian, emwi ne a mobọ kha ọrọre ne uyinmwẹ uwa gha re vbene iyẹn ne ọ maa ho ne ọ gha ye, vbene a gha na miẹn wẹ, te I ghi sẹtin rre do miẹn uwa ra I ma sẹtin rre, I ghi gha họn wẹ, wa mudia vbene ekhọe uwa na kugbe vbe ọghe emwi ne uwa ru, wa ghi ku obọ gbe gha gbinna khian ne iyayi, kevbe iyẹn ne ọ maa.

I Tẹsalonaika 3:6

Banbanna nian, e Timoti ke ehe ne uwa ye rre do vba ima nẹ, ọ keghi vbe do na iyẹn esiesi ọghe iyayi kevbe aho ẹmwẹ ọmwa uwa. Ọ tama ima wẹ, ẹko ima wa ma uwa ẹghẹ hia, kevbe wẹ, vbene ima ho ne ima miẹn uwa, erriọ wa vbe ho ne uwa miẹn ima.

II Timoti 1:4

I ye ameve ruẹ rre, I wa ho ne I miẹn ọẹn ẹsẹse, ne a miẹn ehe na ya oghọghọ sẹ mwẹ ọkẹn.