Iwinna 15:35 - Edo Bible (E Baibol Ẹdo) Version 1996

³⁵ Pọl kevbe Banabas keghi gbe omwa ẹghẹ eso vbe Antiọk. Iran keghi deba emwa ni bun ọvbehe, iran kegha ma emwa emwi, iran na gha kpe orhu ẹmwẹ Nọyaẹnmwa.

Iwinna 15:35 ပူးပေါင်းရင်းမြစ်များ

Iwinna 12:25

Banabas kevbe Sọl ghi winna iwinna ne a gie iran ẹre fo nẹ, iran keghi werriegbe ke Jerusalẹm gha dee, iran keghi rhie Jọn Mak ba egbe gha dee.

Iwinna 13:1

Vbe Esọsi ne ọ rre Antiọk, avbe akhasẹ kevbe avbe emamwaemwi kegha rrọọ: Banabas, Simiọn (ne a vbe tie ẹre Usie,) Lusiọs (ne ovbi e Sairin,) Manaen (ne ọ ka gu Hẹrọd ne ọ khaemwisẹ dia yi,) de ba e Sọl.

Iwinna 13:12

Enogie ghi miẹn emwi ne ọ sunu, ọ na yayi, emwi ne a ma ẹre re vbe kpa Nọyaẹnmwa keghi wa yan ẹre unu uan.

Iwinna 14:28

Iran keghi gu ivbi iyayi tota kpẹe vbe evba ẹsẹse.

Iwinna 15:34

Sokpan Sailas keghi gu iran tota.]

Iwinna 28:31

Ọ kegha kpe orhu ẹmwẹ Arriọba Osanobua, ọ na gha ma emwa emwi vbekpa Nọyaẹnmwa Jesu Kristi, ọ kegha ye unu hia ta ẹe vbe ne a i na mwẹ khian se evba.

Iwinna 8:4

Avbe emwa ni yayi ni zagha lele ehe hia nii kegha kpe orhu ẹmwẹ nii.

Kọlose 1:28

Rhunmwuda ọnii, ọre ima na kpe orhu Kristi ma emwa hia, ma ghi gha tama emwa hia ye otọ, ma ghi gha ma iran emwi vbe odẹ ẹwaẹn hia, ne a sẹtin lo, ne a miẹn ehe na rhie edọmwadẹ ọghọe gha die odaro Osanobua zẹ vbe ọmwa ne ọ si uwan nẹ, vbe uwu a ya egbe ba Kristi.

I Timoti 2:7

Ọna ọre ọ vbe zẹ ne a na gie mwẹ zẹ vbe ukọ kevbe ọmamwaemwi avbe iran ne ẹ i re Ju, ne I ya gha kpe orhu iyayi kevbe ẹmwata. Ẹ i re ohoghe I ta, ẹmwata I ta.

II Timoti 4:2

Gha kpe orhu nene ẹmwẹ, mu yan rẹn wẹ, ne a gha ta ẹe, deghẹ ẹghẹ ke yọ, ra ọ ma ke yọ ne u gha yae la emwa ekhọe, ne u gha gu ọmwa gui, ne u gha rhie igiẹdu ne emwa, kevbe ne u gha ye i ziengbe ma emwa emwi.