Iwinna 15:32 - Edo Bible (E Baibol Ẹdo) Version 1996

³² Judas kevbe Sailas, emwa ni vbe re akhasẹ, keghi rhie ẹghẹ ne ọ taẹn ya gu avbe emwa nii guan, iran keghi rhie udinmwẹ kevbe iwegbe ne iran.

Iwinna 15:32 ပူးပေါင်းရင်းမြစ်များ

Daniẹl 11:1

“Rẹn ọ re a we ne ọ gha yọmwẹ obọ kevbe ne Ọ gha wan ga mwẹ.

Matiu 23:34

Ne I tama uwa nian: I gha gie avbe akhasẹ, umẹwaẹn kevbe emamwaemwi gie uwa. Wa gha gbele eso ua vbọ, wa gha kan eso mu ugbugbe, wa gha gbe eso asan vbe Ọgua ediọn uwa, wa ghi vbe khulo iran ke ẹvbo ọkpa la ọvbehe.

Iyẹn ne ọ Maan Ọghe Luk 11:49

Ọ na ọre ọ si ẹe ne Ẹwaẹn Osanobua na kha wẹ, ‘I gha gie avbe akhasẹ, kevbe odibo mwẹ bu iran, iran gha gbele eso ua vbọ, iran gha zẹ nekpa kpokpo.’

Iwinna 11:23

U gbẹn vbe ọ ghi sẹ evba, ọ keghi miẹn vbene Nọyaẹnmwa fiangbe emwa nii hẹ, ẹko keghi rhiẹnrhiẹn ọẹn ẹsẹse, ọ keghi bu iran ude wẹ ne iran ya ekhọe iran hia mu ẹtin yan Nọyaẹnmwa ne iran vbe gha ga ẹe.

Iwinna 11:27

Ẹghẹ nii avbe akhasẹ eso keghi ke Jerusalẹm gha rrie Antiọk.

Iwinna 13:1

Vbe Esọsi ne ọ rre Antiọk, avbe akhasẹ kevbe avbe emamwaemwi kegha rrọọ: Banabas, Simiọn (ne a vbe tie ẹre Usie,) Lusiọs (ne ovbi e Sairin,) Manaen (ne ọ ka gu Hẹrọd ne ọ khaemwisẹ dia yi,) de ba e Sọl.

Iwinna 14:22

Iran kegha rhie igiẹdu ne emwa ni yayi, iran keghi rhie ude iwegbe ne iran wẹ ne iran mu uhunmwu kọ ẹmwẹ nene iyayi wẹ, “Ẹ i mwẹ ma ma ye egbe miẹn ukpokpo ni bun a te do la Arriọba Osanobua!”

Iwinna 15:1

Emwa eso keghi ke Judia gha die Antiọk, iran keghi suẹn gha ma avbe etẹn emwi wẹẹ, “Vbe ẹ i re te uwa rhuẹre vbene Uhi e Mosis khare, wa i sẹtin miẹn imiẹnfan.”

Iwinna 15:22

Ẹghẹ nii ọre avbe Apọsol kevbe avbe ediọn deba esọsi hia na ghi ta ẹe wẹ ne iran zẹ emwa eso vbe uwu iran ne iran gie iran lele Pọl kevbe Banabas gha rrie Antiọk. Iran keghi zẹ Judas ne a tie ẹre Banabas kevbe Sailas, emwa ne a ye ọghọ na vbe uwu ẹbu avbe etẹn.

Iwinna 15:27

Rhunmwuda ọnii, ọre ima na gie Judas kevbe Sailas, iran gha vbe ye unu ta nene ẹmwẹ ne ima vbe gbẹn ye ebe ma uwa.

Iwinna 15:3

Esọsi keghi do gie iran gha khian, ehe ne iran na la Fonisia kevbe Sameria gberra, iran keghi vbe gha na iyẹn vbene emwa ni ne ẹ i re Ju vbe fiwerriẹ bu Osanobua gha dee hẹ, ẹmwẹ na keghi ye ẹko avbe etẹn hia rhiẹnrhiẹn.

Iwinna 15:31

Avbe emwa nii ghi tie ebe nii nẹ, ẹko iran keghi vuọn ne oghọghọ ye ẹmwẹ igiọdu na.

Iwinna 15:41

Rẹn keghi la Siria kevbe Silisia, ọ na gha rhie igiẹdu ne avbe esọsi.

Iwinna 18:23

Ọ ghi kpẹe vbe evba kherhe, ọ keghi vbe kpao, ọ na khian lele iwewe Galatia kevbe Frigia hia, ọ na gha rhie igiẹdu ne emwa iyayi hia.

Iwinna 2:40

Pita keghi kakabọ gu iran guan, ọ keghi ya ẹmwẹ ni bun bu iran ude wẹẹ, ne iran rhie uhunmwu iran lẹre hin ikhi ne a ra do rria emwa dan na re.

Iwinna 20:2

Ọ keghi lele isoko ni hia gaa, ọ kegha ye ẹmwẹ ni bun rhie igiẹdu ne iran. Ọ keghi ke evba kpao gha die Gris, ehe ne ọ na do gbe uki eha.

Ebe ne Pọl gbẹẹn gie emwa Rom 12:6

Rhunmwuda ọnii, wa gie ima gha lo dọmwadẹ emwi ughughan ne Osa ya we mwa ye omwa ẹsọhẹ ne Osanobua rhie ne ima. Deghẹ ne a gha kpe orhu Osanobua ọrọre emwi ne a ya we mwa, wa gie ima gha ruẹe vbene iyayi mwa sẹe.

Ebe ne Pọl gbẹẹn gie emwa Rom 12:8

Deghẹ ne a gha rhie igiọdu ne emwa ọvbehe nọ, gie a gha ru vberriọ, ọmwa ẹ ọ ghae ne emwa ọvbehe vbe emwi ẹnrẹn, giẹe gha ye ẹkoata ruẹe, ọmwa ne ọ mwẹ asẹ, wẹ ne ọ gha winna ẹsẹse, ọmwa ne ọ tohan emwa ọvbehe, giẹe gha ye aro ne ọ hian rẹn vbe uhunmwu ruẹe.

I Kọrinti 1:8

Rẹn gha ya uwa mudia gbain ya sẹ ufomwẹ, ne a miẹn ehe na miẹn wẹ, ọ gha sẹ Ẹdẹ Jesu Kristi Nọyaẹnmwa, wa ghi gha re emwa ne a miẹn wẹ ẹ i mwẹ abe.

I Kọrinti 14:29

Eva ra eha ne a rhie ẹmwẹ Osanobua nẹẹn ta, ghi gha guan, emwa nekpa ghi gha danmwehọ vbene ẹmwẹ ne iran ta ye hẹ.

I Kọrinti 14:3

Sokpan, ọmwa ne ọ kpe orhu Osanobua, emwa ne agbọn ọre ọ gu guan, ọ ghi gha rhie iyobọ, igiẹdu kevbe ifuẹko ne iran.

I Kọrinti 14:32

Ọ kere ne ọmwa ne a ya ikporhu ẹmwẹ Osanobua we daeyi ye uro ẹsẹse vbe ọ gha guan.

Ẹfisọs 3:5

Vbe ẹghẹ ne ọ gberra, a ma ta oro na ma ọmwa rhọkpa, sokpan banbanna nian, Osanobua la ekpa Orhiọn we ẹre ma avbe ukọ kevbe avbe akhasẹ ọre ni huanrẹn.

I Tẹsalonaika 2:11

Wa rẹnrẹn wẹ, obọ ne erha ya mu ivbi ẹre, ọre ima ya gha mu dọmwadẹ ọghọe vbe uwu uwa.

I Tẹsalonaika 3:2

Ne ima gie Timoti bu uwa gha dee, ọtẹn mwa, ọmwa ne ọ gu ima winna ne Osanobua vbe ekpa ne ọ na kpe orhu nene Iyẹn Ne ọ maa ọghe Kristi. Ma gi ẹe bu uwa gha dee ne ọ do yi uwa obọ kevbe ne ọ vbe rhie iyobọ ne iyayi uwa.

I Tẹsalonaika 4:1

Vbe okiekie ehia, etẹn mwẹ, wa ruẹ re vbe obọ ima vbene uwa gha ru emwi hẹ, ne uwa gha na yẹ Osanobua. A rẹnrẹn wẹ, erriọ wa wa yin ke ẹghẹ ni gha dee. Wanwanna nian, ma ye eni Nọyaẹnmwa Jesu rinmwian uwa, ma vbe tua ẹre mu unu ma uwa, ne uwa ru gberra vbene uwa ka ru de yi.

I Tẹsalonaika 5:14

Ma kakabọ tua unu muẹn ma uwa etẹn mwẹ, wa gha ye obọ sa ekhae ne iran ni si oroho, wa gha rhie udinmwẹ ne iran ni ma din, wa gha ye iran ni ma wo vbe egbe obọ, wa gha mu ẹmwẹ emwa hia wo egbe.

I Tẹsalonaika 5:20

Wa ghẹ gha kpọzọ ẹe rua ighe ẹmwẹ ne a ye aguakpao orhiọn ta.

II Tẹsalonaika 3:12

Eni Nọyaẹnmwa Jesu Kristi ọre ima ya yi iyi ne iran an, a keghi vbe ya obọ sa ekhae ne iran wẹ, ne iran gha ru emwi uhẹn, kevbe ne iran gha winna khuan ekhuan unu iran.

I Timoti 2:1

Ke odaro ehia, I tua unu mu ẹn ta ẹe wẹ, ne a gha rinmwian, ne a gha na erhunmwu, ne a gha vbu vbe obọ ẹre, kevbe ne a gha rhie ekpọnmwẹ ne Osanobua ne emwa hia.

II Timoti 4:2

Gha kpe orhu nene ẹmwẹ, mu yan rẹn wẹ, ne a gha ta ẹe, deghẹ ẹghẹ ke yọ, ra ọ ma ke yọ ne u gha yae la emwa ekhọe, ne u gha gu ọmwa gui, ne u gha rhie igiẹdu ne emwa, kevbe ne u gha ye i ziengbe ma emwa emwi.

I Pita 5:1

I mu egbe rri otọ rinmwian avbe ediọn esọsi ni rre uwu uwa, mẹ tobọ mwẹ ne ọ vbe re ediọn, aro mwẹ sẹ oya ne Kristi re, ọ gha vbe sẹ mwẹ obọ vbe uwu uyi ne a gha rhie maa, I mu egbe rri otọ rinmwian uwa.

I Pita 5:10

Sokpan, u ghẹ ghi rri oya la ẹghẹ eso vberriọ nẹ, Osanobua ẹsọhẹ hia, ọmwa ne ọ tie ruẹ ne u do ghae vbe uyi etẹbitẹ ọghọe, vbe uwu a yegbe ba Kristi, gha tobọ ẹre ya uwẹ khian ne ọ gbae, ọ ghi rhie a mudia gbain nuẹn, ẹtin kevbe ẹyotọ ne ọ de ziẹn.

I Pita 5:12

Sailas, ọmwa ne ima ka ye ọtẹn ne ẹ i hiẹ ọmwa, ọre ọ gun mwẹ gbẹn ehe ne kherhe na gie uwa, I ho ne I rhie igiẹdu ne uwa, ne I vbe ya unu mwẹ ta ẹe ma uwa zẹ vbe ẹmwẹ obọ mwẹ wẹ, ẹsọhẹ ọghe Osanobua, ọre ọ na khin. Wa mudia yọ gbain.