Iwinna 15:29 - Edo Bible (E Baibol Ẹdo) Version 1996

²⁹ wa ghẹ rri evbare ne a ya ru ẹbọ, wa ghẹ rri esagiẹn, wa ghẹ rri aranmwẹ ne a ye obobọ kuẹn gbua, wa ghi gha bi egbe hin alama oghẹ rre. Wa gha khian ẹse a deghẹ wa da egbe uwa yi ne a ghẹ ru avbe emwi na. Wa ọ khian ẹdẹ hia.”

Iwinna 15:29 ပူးပေါင်းရင်းမြစ်များ

Gẹnẹsis 9:4

Emwi ọkpa kẹkan ọre ọ rrọọ ne u i khian re, ọnii ọre emiowo ne esagiẹn ye ye. I mu awua yọ rhunmwuda, esagiẹn ọre orhiọn ye.

Levitikọs 17:14

Rhunmwuda ighẹ esagiẹn ọre orhiọn emwi hia nii rre agbọn ye, e Nọyaẹnmwa keghi tama ivbi Izrẹl wẹ ne iran ghẹ rri aranmwẹ rri esagiẹn, kevbe wẹ ọmwa ne ọ ru ẹe, rẹn i ghi ra ka ẹe ba emwa irẹn.

Iyẹn ne ọ Maan Ọghe Luk 9:61

Ọmwa ọvbehe vbe tama rẹn wẹẹ, “I gha lele uẹ Enọwanrẹn, sokpan, gunmwẹ ya gbe ọ khian ẹdẹ hia ne emwa mwẹ.”

Iwinna 15:20

Emwi ne a gha ru ọrọre wẹ ne a gbẹn ebe gie iran we ne iran ghẹ rri evbare ne ọ ma huan, rhunmwuda ighẹ a yae ru ẹbọ, ne iran gha bi egbe ne alama oghẹ, ne iran ghẹ rrie aranmwẹ ne a ye obobọ kuẹn gbe ua ra esagiẹn.

Iwinna 18:21

Sokpan, ọ ghi ra kpao ọ tama iran wẹ, “A deghẹ Osanobua ho ro, I gha dọlegbe bu uwa rre,” ọ na la okọ kpao vbe Ẹfisọs.

Iwinna 21:25

Sokpan zẹ vbe ọghe iran ne ẹ i re Ju ni do yayi, ma gbẹn ebe gie iran nẹ ya kha ma iran wẹ ne iran ghẹ rri emwi ne a ya ru ẹbọ, ra esagiẹn ke sagiẹn, kevbe aranmwẹ ne a kuẹn gbua a, kevbe ne iran gha biegbe ne ẹmwẹ oghẹ.”

Iwinna 23:30

A ghi ya ha mwẹ ehọ ighẹ avbe Ju khuan ye otọ khẹ ọre, I na wẹ ne I rhie ẹre bu ruẹ gha dee. I tama iran ni gu ẹe gui ne iran do gu ẹe gui vbe ehe ne u ye.”

II Kọrinti 11:9

Ẹghẹ ne I na gha rre ehe ne uwa ye, a deghẹ igho i gue mwẹ, I ma vbe ya ye uwa egbe, rhunmwuda, etẹn ni ke Masidonia rre viọ emwi ne I i te mwẹ hia gun mwẹ. Zẹ vbe ne I ka ru ẹe, vbe ẹghẹ ne ọ gberra, erriọ I ra ye gha ru ẹe vbe ẹghẹ ne a ọ dee. I i ra kun enegbe mwẹ yan uwa.

II Kọrinti 13:11

Banbanna nian, etẹn mwẹ, wa ọ khian ẹdẹ ọkpa. Wa gha ru ẹe ne ọ gba ne uwa, wa gha rhie ẹmwẹ mwẹ ye ehọ wa gie ẹmwẹ uwa gha gue kugbe, wa gha rrọọ vbe uwu ọfumwegbe. Osanobua aho ẹmwẹ ọmwa kevbe ọfumwegbe gha vbe gu uwa gha rrọọ.

Diuteronomi 12:16

Sokpan wa ghẹ rri esagiẹn iran; wa ghi hihiẹ ọe ku otọ zẹ vbe amẹ.

I Timoti 5:22

Ghẹ tua viọ obọ yan ọmwaikọmwa uhunmwu, ye iwinna Nọyaẹnmwa, ghẹ mwẹ obọ vbe orukhọ ẹrrẹe, da egbe ruẹ yi vbe ne a i na mwẹ iruẹn.

Jems 1:27

Emwi ne Osanobua ne Erha tie ẹre iyayi ẹmwata ne ọ gbae ọre ọna khin, ne a gha koko avbe emọ ne ẹ i mwẹ erha kevbe ikhuo ni de ẹgbẹ vbe uwu usẹ ne iran ye, kevbe ọmwa bi egbe, ne agbọn na ghẹ mu ẹn rhia.

I Jọn 5:21

Ivbi mwẹ, wa gha lẹ ne ẹbọ ohoghe.

Ebe ne Jud gbẹẹn 1:24

Rọẹn ni ne ọ gha sẹtin da uwa yi ne uwa ghẹ de, ne ọ gha viọ uwa mudia vbe odaro uyi ẹre, zẹ vbe emwa ne ẹ i mwẹ ozan, kevbe ne ọ sẹ ọyẹnmwẹ.

Arhie Maan 2:14

Sokpan, ghe ibozẹghẹ vbe uwu emwi ne I gui ẹzọ ruẹ baa, eso vbe uwu emwa ni lele iruẹmwi Balam wa guẹ rre evba, ọmwa nọ ma Balak vbene a gha ya ye ivbi izrẹl ru orukhọ hẹ, vbe ekpa ne iran na rri evbare ne a ya ru ẹbọ, kevbe ne iran na gha gbe alama oghẹ.

Arhie Maan 2:20

Sokpan ẹzọ ruẹ ne I gui ọre ọna khin wẹ, u keghi rhie otọ ne khuo ni ighẹ Jezibẹl, ọmwa ne ọ tie egbe ẹre ukọ Osanobua. Rẹn gha ma avbe emwa ẹre, ọ ghi vbe gha silo iran fi uwu alama oghẹ kevbe ne iran gha rri evbare ne a ya ru ẹbọ.