Iwinna 15:25 - Edo Bible (E Baibol Ẹdo) Version 1996

²⁵ Rhunmwuda ọnii nian, ma ghi miẹn egbe nẹ vbe iko, ma keghi ta ẹe kugbe wẹ ne ima zẹ emwa gie bu uwa gha dee. Iran gha lele avbe Ọse mwa ni ghan ighẹ Banabas kevbe Sọl gha dee.

Iwinna 15:25 ပူးပေါင်းရင်းမြစ်များ

Matiu 11:26

Erriọ wa nọ, Evba vba, vbene ọ yẹ ruẹ kevbe vbene ọ ke ekhọe ruẹ rre ọre u ru ẹe.

Iyẹn ne ọ Maan Ọghe Luk 1:3

Banbanna nian, Evbavba, vbene imẹ ghi na vbe gbe aro ke otọ gualọ otọ avbe emwi na hia ke omuhẹn ọnrẹn gha dee, I yayi wẹ emwi ne ọkere nọ ne I mwamwa ehia ọsegbe ọsegbe gbẹnnẹ ye ebe guẹ.

Iwinna 1:14

Iran keghi kugbe zẹẹ vbe otu ọkpa, ne iran gha na erhunmwu vbe ẹghẹ hia, deba okhuo nọkpa nii, kevbe Meri ne iye Jesu, kevbe etiọnrẹn ne ikpia.

Iwinna 15:2

Pọl kevbe Banabas keghi gu iran muan imuaẹmwẹ ne ọ wegbe rhunmwuda ẹmwẹ na, ọre a ghi na do ta ẹe wẹ ne Pọl kevbe Banabas deba emwa eso ọvbehe vbe Antiọk do gha rrie Jerusalẹm ne iran ya miẹn avbe ukọ kevbe avbe ediọn ba ẹmwẹ na.

Iwinna 15:22

Ẹghẹ nii ọre avbe Apọsol kevbe avbe ediọn deba esọsi hia na ghi ta ẹe wẹ ne iran zẹ emwa eso vbe uwu iran ne iran gie iran lele Pọl kevbe Banabas gha rrie Antiọk. Iran keghi zẹ Judas ne a tie ẹre Banabas kevbe Sailas, emwa ne a ye ọghọ na vbe uwu ẹbu avbe etẹn.

Iwinna 15:35

Pọl kevbe Banabas keghi gbe omwa ẹghẹ eso vbe Antiọk. Iran keghi deba emwa ni bun ọvbehe, iran kegha ma emwa emwi, iran na gha kpe orhu ẹmwẹ Nọyaẹnmwa.

Iwinna 15:6

Avbe ukọ kevbe avbe ediọn keghi do iko ne iran ghe ẹmwẹ na ghe.

Iwinna 2:1

Ugbẹn vbe ọ ghi sẹ ẹdẹ Pẹntikọst, iran ni yayi hia keghi si egbe koko ye ihe ọkpa.

Iwinna 2:46

Ẹdẹgbegbe, iran keghi ya gha mi egbe vbe uwu Ọgua Osa zẹ vbe otu ọkpa. Iran keghi gba gha rri evbare iran kugbe vbe owa, vbe ọyẹnmwẹ kevbe amu egbe rriotọ.

Ebe ne Pọl gbẹẹn gie emwa Rom 16:12

Wa giotuẹ Trifaena kevbe Trifosa mẹ, emwa ni winna vbe uwu iwinna Nọyaẹnmwa kevbe Pasis ne ọse mwẹ ne ọ ghan ne ọ winnaẹn ẹsẹse ne Nọyaẹnmwa.

I Kọrinti 1:10

I ya ẹtin Nọyaẹnmwa Jesu Kristi rinmwian uwa etẹn, ne uwa gie ẹmwẹ uwa hia ha gu egbe ro vbe ẹmwẹ ne uwa ta, ne iwannegbe ghẹ gha rre ẹkpo uwa, wa gha re ọkpa vbe iro ne uwa zẹ, kevbe emwi ne uwa họ ne uwa ru.

Galatia 2:9

Jems Pita vbe Jọn, ni ye vbe avbe ọkaolotu, wa miẹn wẹ, te Osanobua rhie iwinna kpataki na mẹ, iran keghi so imẹ vbe Banabas obọ, zẹ vbe ogieva egbe, ma keghi tae wẹ ma gha winna vbe uwu avbe iran ne ẹ i re Ju, ne iran gha winna vbe uwu avbe Ju.

Ẹfisọs 6:21

Taikikọs ọtẹn mwa ne ọ ghan kevbe ọguọmwadia ne ekhọe esi vbe uwu iwinna Nọyaẹnmwa, ọre ọ ghi na iyẹn vbene I ye hẹ ma uwa ne uwa miẹn ehe na rẹn vbene I ghi ye egbe khian hẹ.

Kọlose 4:7

Taikikọs ne ọtẹn mwa ne ọ ghan, ogieva mwẹ ne ekhọe esi, ọmwa ne ima gba re ọguọmwadia vbe uwu iwinna Nọyaẹnmwa, gha ta vbene emwi hia ghi ye mwẹ hẹ ma uwa.

Kọlose 4:9

Onisimọs, ne ọtẹn mwa ne ekhọe esi, ne ọ ghan ne ọ vbe rre otu uwa, lele ẹe dee. Iran gha tama uwa vbene emwi hia ye hẹ vbe edinran.

Failimọn 1:16

Rhunmwuda, vbe wanwan na nian, ẹ i ghi re ọviẹn kẹkan, ọ sẹe ọnii nẹ, ọtẹn ne ọ ghan vbe uwu Kristi ghi nọ. U miẹn ehe ne ọ ghi ye mẹ nian! Inuinu ọre ehe ne ọ ye ne uwẹ gha ya sẹẹ, zẹ vbe ọviẹn kevbe zẹ vbe ọtẹn vbe uwu Nọyaẹnmwa!

II Pita 3:15

Wa gha ka i ziengbe Nọyaẹnmwa ye ẹkpo otọ ne ọ rhie ne uwa, ne a ya miẹn uwa fan, zẹ vbene ọtẹn mwa ighẹ Pọl ya ẹwaẹn ne Osanobua rhie nẹẹn gbẹn ebe ẹre gie uwa.