Iwinna 15:20 - Edo Bible (E Baibol Ẹdo) Version 1996

²⁰ Emwi ne a gha ru ọrọre wẹ ne a gbẹn ebe gie iran we ne iran ghẹ rri evbare ne ọ ma huan, rhunmwuda ighẹ a yae ru ẹbọ, ne iran gha bi egbe ne alama oghẹ, ne iran ghẹ rrie aranmwẹ ne a ye obobọ kuẹn gbe ua ra esagiẹn.

Iwinna 15:20 ပူးပေါင်းရင်းမြစ်များ

Gẹnẹsis 35:2

Ẹre Jekọb na do khama ẹgbẹe ọre kevbe emwa ni guẹe rre evba wẹẹ, “Wa viọ ẹbọ ẹrrẹe ne uwa mwẹ kua, wa khuẹ egbe uwa huan ne uwa viọ ukpọn nihuanrẹn ye egbe.

Gẹnẹsis 9:4

Emwi ọkpa kẹkan ọre ọ rrọọ ne u i khian re, ọnii ọre emiowo ne esagiẹn ye ye. I mu awua yọ rhunmwuda, esagiẹn ọre orhiọn ye.

Ẹksọdọs 20:23

Wa ghẹ ma amazẹ ẹrọnmwọ ra igoru ne u wa gha vbe gha ga ẹe ba mwẹ.

Ezikiẹl 33:25

“Tama iran vbene imẹ ne Nọyaẹnmwa ne Udazi kha hẹ, wa rri emiowo ke ẹe kevbe esagiẹn. Wa gho ẹbọ. Wa de izigha. De emwi ne ọ ghi ya uwa gha ro yi ighe wa ọ re ọ yan otọ nii?

Ezikiẹl 4:14

Sokpan, mẹ keghi wanniẹn wẹẹ, “Ẹn o, e Nọyaẹnmwa ne Udazi, I ma he mu awua ye egbe mwẹ egbe ẹdẹ, ke ọvbokhan wa gha dee, I ma he rri aranmwẹ ne ọ tobọ ẹre wu ẹdẹ, ra ne aranmwẹ ọvbehe gbe. I ma he rri evbare ne a ka ye ọghe awua ẹdẹ.”

Daniẹl 1:8

E Daniẹl keghi wa yan yọ wẹ rẹn i ra ya egbe hẹ awua vbekpa ne irẹn gha na rri evbare kevbe ne irẹn vbe gha da ayọn ẹguae, ọ keghi rhunmwuda ọnii rinmwian Aspenaz wẹ ne ọ ru iyobọ ne irẹn.

Levitikọs 18:6

E Nọyaẹnmwa keghi mu avbe ilele na ye otọ. Ghẹ gu ọmwa ne ọ re ọtuẹn ru emwi ọdọ vbe amwẹ.

Levitikọs 19:26

“Wa ghẹ rri emiowo ke ẹe kevbe esagiẹn. Ghẹ zẹ ọbo imamase rhọkpa.

Levitikọs 3:17

Ivbi Izrẹl rhọkpa ghẹ rri ẹvbi ra esagiẹn; uhi ne emwa hia gha da yi ke orre yasẹ orre vbe ehe ne iran arhirhi gha ye, ọre ọna khin.”

Nọmbas 25:2

Avbe ikhuo na keghi wẹ ne avbe ikpia na do tuẹ iran vbe emwiukpo izọese, ehe ne iran na gho ẹbọ Moab. Avbe ivbi Izrẹl keghi rri evbare nii, iran na vbe ga nene ẹbọ,

Iwinna 15:29

wa ghẹ rri evbare ne a ya ru ẹbọ, wa ghẹ rri esagiẹn, wa ghẹ rri aranmwẹ ne a ye obobọ kuẹn gbua, wa ghi gha bi egbe hin alama oghẹ rre. Wa gha khian ẹse a deghẹ wa da egbe uwa yi ne a ghẹ ru avbe emwi na. Wa ọ khian ẹdẹ hia.”

Iwinna 21:25

Sokpan zẹ vbe ọghe iran ne ẹ i re Ju ni do yayi, ma gbẹn ebe gie iran nẹ ya kha ma iran wẹ ne iran ghẹ rri emwi ne a ya ru ẹbọ, ra esagiẹn ke sagiẹn, kevbe aranmwẹ ne a kuẹn gbua a, kevbe ne iran gha biegbe ne ẹmwẹ oghẹ.”

I Kọrinti 5:11

Emwi ne i kha ọrọre wẹ, wa gha miẹn ọmwa ne ọ tie egbe ẹre ọtẹn, ne ọ yayi, ọ na gha gbe alama, ọ zuan, ọ ga ẹbọ, ọ ta ọtakhọ, ọ da ayọ gbe egbe, ra ọ gbe olighi, wa ghẹ gu ẹe mu obọ, wa ghẹ kue gu ọmwa vberriọ rri evbare.

I Kọrinti 6:13

Ọmwa ọvbehe sẹtin kha wẹẹ, “Ẹko ọ yan evbare, evbare ọ yan ẹko.” Ẹmwata nọ, sokpan Osanobua gha rhie ufomwẹ ye e eva. A ma rhie egbe ne ọmwa ne ọ yagha gbe alama oghẹ, sokpan ne ọ gha ga Nọyaẹnmwa. Nọyaẹnmwa vbe kpehe ne egbe.

I Kọrinti 6:18

Wa gha lẹ ne oghẹ, orukhọ ke orukhọ ọvbehe ne ọmwa a rhirhi ru, ẹ i mwẹ emwi ne ọ ru ikinnegbe re, sokpan ọmwa ne ọ ru oghẹ, ikinnegbe ẹre ọre ọ ru khọ.

I Kọrinti 6:9

Sokpan, wa rẹnrẹn ighẹ Arriọba Osanobua i ra sẹ emwa dan obọ. Wa ghẹ rẹrẹ egbe uwa: Avbe ni gbe alama, iran ni ga ẹbọ, iran ni ghẹẹ, ikpia ni tie ikpia ne ihua iran ovbe.

I Kọrinti 7:2

Sokpan, ugbẹn vbe a ghi miẹn nian wẹ ẹmwẹ oghẹ tua gbe, ọ kere ne dọmwadẹ okpia gha mwẹ amwẹ, kevbe ne dọmwadẹ okhuo vbe gha mwẹ ọdọ ẹre.

I Kọrinti 8:1

Vbe ekpa emwi ne a ya ru ẹbọ: Ẹmwata nọ wẹ, “ma hia ọre ọ rẹn emwi,” zẹ vbe ne itan kha re. Sokpan egbe irẹnmwi vberriọ, uhiomwẹ ọre ọ si ye ọmwa egbe, sokpan ahọ ẹmwẹ ọmwa ọre ọ de ọmwa igiẹ.

II Kọrinti 12:21

Afianma fian mwẹ I gha ghi dọlegbe rre, Osanobua mwẹ gha wa sirra uwa hia fa mwẹ uan, I ghi gha viẹ egbe ba ẹmwẹ emwa ni bun ni ru orukhọ vbe ẹghẹ ne ọ gberra, ne ọma he ye ro iro fi uyinmwẹ werriẹ, vbe uyinmwẹ osọnnọ ne iran yin, alama oghẹ kevbe orriarria.

Galatia 5:19

Ọwarọkpa ọre a ya rẹn emwi ne egbe ru, ehe ne a na miẹn ọẹn ọrọre uyinmwẹ alama oghẹ, iruẹn kevbe osọnnọ,

Ẹfisọs 5:3

Vbene a na miẹn wẹ emwa Osanobua wa khin, ẹ i re emwi ne ọ gbae ne a zẹdẹ gha họn ẹmwẹ alama oghẹ, ra ohọhọ ra uzuanmwẹ, vbe ehe ne uwa ye.

Diuteronomi 12:16

Sokpan wa ghẹ rri esagiẹn iran; wa ghi hihiẹ ọe ku otọ zẹ vbe amẹ.

Diuteronomi 14:21

“Ghẹ rri aranmwẹ ne uwu ẹhi gbe. U sẹtin gie avbe erhunmwuyẹn ni rre ẹbu uwa rri ọe ra ne u khiẹn ọẹn ne avbe erhunmwuyẹn ọvbehe. Sokpan ọghe Nọyaẹnmwa Osanobua uwa ọ re uwa khin, emwa ẹnrẹn wa khin, ghẹ lẹ ovbi ohuan ra ovbi ẹwe vbe uwu ẹwẹn iye ẹe.

Diuteronomi 15:23

Sokpan, wa ghẹ rri esagiẹn iran, wa ghi hihiẹ ọe ku otọe zẹ vbe amẹ.

Kọlose 3:5

Rhunmwuda ọnii, wa ghi gbe ẹe ua ighẹ orriarria emwi agbọn na ne ọ rre uwu uwa, avbe oghẹ, ohọhọ, ufifimwẹ, aro ne ọ viẹn ye emwi kevbe arovbẹmwẹ (rhunmwuda, te arovbẹmwẹ vbe ye vbe ẹbọ ne a gho.)

I Tẹsalonaika 4:3

Emwi ne Osanobua mwamwa ẹn ne uwa ọna khin, ọ ho ne uwa gha re ne ọ huanrẹn kevbe ne ẹ i mwẹ obọ vbe emwi alama oghẹ hiehiere.

Hibru 12:16

Wa mwẹ ẹwaẹn, ne ọmwaikọmwa ghẹ ya khian ne ọ gbe alama ra ne ẹ i zẹ ye ẹmwẹ orhiọn, zẹ vbe ne Isọ gha ye, ne ọ na rhunmwuda ekan unu ọkpa mu ukpo ọmọ ọdiọn ne ọ ye khiẹn.

Hibru 13:4

Ọ kere ne emwa hia gha ye ọghọ ne orọnmwẹ, ọdọ vbe amwẹ ghi gha re emwa ne ẹ i fi owẹ ye oha, Osanobua gha bu ohiẹn iran ni gbe alama kevbe ni ru oghẹ.

I Pita 4:3

Rhunmwuda, wa lo ẹghẹ ne ọ taẹn sẹ nẹ, ne uwa ya gha ru vbene avbe enimayayi ru. Ẹdẹ agbọn uwa kegha re ne a lo ye uyinmwẹ iruẹn ufifimwẹ, ayọn ne a da gbe egbe, ohọhọ, ẹbu idayọn, kevbe iruẹbọ nẹ ọ hu ọmwa ẹko.

Arhie Maan 10:2

Ọ keghi rhie ovbi ebe ne ọ gia kii, ọ keghi rhan rẹn rhie mwẹ obọ. Ọ keghi rhie owẹ erha ọmwa yan okun, ọ keghi rhie owẹ iye ọmwa ẹnrẹn ye otọ ne ọ kae.

Arhie Maan 10:8

Iyeke ọnii, urhu ne I ka họn vbe ọ ke ẹrinmwi guan rre, keghi dọlegbe gun mwẹ guan wẹ, “Ya rhie ebe ne ọ gia ki nii ne ọ rre obọ odibosa nii ne ọ rhie owẹ ye okun kevbe otọe kẹkan.”

Arhie Maan 2:14

Sokpan, ghe ibozẹghẹ vbe uwu emwi ne I gui ẹzọ ruẹ baa, eso vbe uwu emwa ni lele iruẹmwi Balam wa guẹ rre evba, ọmwa nọ ma Balak vbene a gha ya ye ivbi izrẹl ru orukhọ hẹ, vbe ekpa ne iran na rri evbare ne a ya ru ẹbọ, kevbe ne iran na gha gbe alama oghẹ.

Arhie Maan 2:20

Sokpan ẹzọ ruẹ ne I gui ọre ọna khin wẹ, u keghi rhie otọ ne khuo ni ighẹ Jezibẹl, ọmwa ne ọ tie egbe ẹre ukọ Osanobua. Rẹn gha ma avbe emwa ẹre, ọ ghi vbe gha silo iran fi uwu alama oghẹ kevbe ne iran gha rri evbare ne a ya ru ẹbọ.

Arhie Maan 9:20

Emwa ne agbọn ni dekẹe, iran ne egboghogbogho na ma he gbele ua, iran ma zobọ vbe emwi ne iran tobọ iran ru. Iran ma zobọ vbe esu ne iran ga kevbe avbe amazẹ igoru, esiliva, oze, okuta kevbe erhan, emwi ne ẹ i sẹtin bẹghe ra ne ọ ye owẹ khian ra ne ọ họn ẹmwẹ.

I Samuẹl 14:32

Iran keghi rhunmwuda onii de rhu emwi ne iran khọn viọ vbe obọ avbe eghian iran, iran keghi viọ avbe ohuan, ẹmila kevbe ivbi ẹmila, iran keghi gbele ehia vbe evba dandaandan, iran rri emiowo ẹre ke ẹe kevbe esagiẹn.

I Samuẹl 14:33

Iran keghi ya tama e Sọl wẹẹ, “Ghe vbe avbe emwa nii gha ru khọ ghe e Nọyaẹnmwa vbe kpa ne iran na rri emiowo ke ẹe kevbe esagiẹn.” E Sọl keghi datu wẹẹ, “Etẹ wa khin, wa werriẹ okuta nọkhua ọkpa bu mwẹ gha die emwa.”