Iwinna 15:2 - Edo Bible (E Baibol Ẹdo) Version 1996

² Pọl kevbe Banabas keghi gu iran muan imuaẹmwẹ ne ọ wegbe rhunmwuda ẹmwẹ na, ọre a ghi na do ta ẹe wẹ ne Pọl kevbe Banabas deba emwa eso ọvbehe vbe Antiọk do gha rrie Jerusalẹm ne iran ya miẹn avbe ukọ kevbe avbe ediọn ba ẹmwẹ na.

Iwinna 15:2 ပူးပေါင်းရင်းမြစ်များ

Ẹksọdọs 18:23

U gha ru ẹe vbe nian vbene Osanobua yi ẹre iyi, u i khian wiẹn egbe ruẹ ya, a ghi vbe bu ohiẹn iran na hia iran te gha rrie.”

Iwinna 10:23

Pita keghi viọ emwa ni la owa iran na gbe asọn nii vbe evba. Ẹdẹ ghi gbe, rẹn keghi mu egbe, ọ na lele iran, eso vbe uwu avbe etẹn ni rre Jopa kevbe lele ẹe gha khian.

Iwinna 11:12

Orhiọn keghi tama mwẹ wẹ ne I lele iran vbe ne a i na gbe ọkhọn mwẹ ẹ i khọn mwẹ. Avbe etẹn ima ne ehan na vbe lele mwẹ gha rrie Sisaria, ma hia keghi la owa Kọniliọs.

Iwinna 11:30

Iran keghi gele ru vberriọ, iran keghi rhie igho na ne Banabas kevbe Sọl ne iran rhie gie avbe eniwanrẹn esọsi.

Iwinna 15:25

Rhunmwuda ọnii nian, ma ghi miẹn egbe nẹ vbe iko, ma keghi ta ẹe kugbe wẹ ne ima zẹ emwa gie bu uwa gha dee. Iran gha lele avbe Ọse mwa ni ghan ighẹ Banabas kevbe Sọl gha dee.

Iwinna 15:27

Rhunmwuda ọnii, ọre ima na gie Judas kevbe Sailas, iran gha vbe ye unu ta nene ẹmwẹ ne ima vbe gbẹn ye ebe ma uwa.

Iwinna 15:4

Iran ghi sẹ Jerusalẹm, esọsi kevbe avbe ukọ kevbe avbe ediọn keghi wa ghọghọ mu iran, iran keghi na iyẹn emwi ne Osanobua viọ iran ya winna.

Iwinna 16:4

Vbene iran wa lele ẹvbo hia khian nii, iran kegha rhie ilele ne avbe ukọ kevbe ediọn ni rre Jerusalẹm rhie obọ yi ne avbe ivbi iyayi, iran na wẹ ne iran gha yae ru emwi.

Iwinna 21:18

Ẹdẹ ghi gbe, Pọl keghi viọ ima ba egbe ya tue Jems, avbe ediọn esọsi hia kevbe gha rre evba.

I Kọrinti 1:1

E Pọl ne a la ekpa iho Osanobua tie ne ọ do gha re Ukọ ọghe Jesu Kristi, kevbe Sọstenes, ọtẹn mwẹ ne okpia, ọre ọ gbẹn ebe na,

II Kọrinti 11:5

Mẹ ma yayi wẹ odẹ ọkpa rrọ ne imẹ ma ya vba avbe “Ogiete Ukọ” ọghe uwa nii.

Galatia 2:5

Ma ma rhie otọ ne iran vbe ifuanro ọkpa kẹkan, ne a miẹn ehe na da ẹmwata iyẹn ne ọ maa yi ne uwa, vbe na i na mwẹ ẹbe.

Ebe ne Jud gbẹẹn 1:3

Wa ne ọse mwẹ ni ghan, ẹghẹ ne I na wa gha hia ne I gbẹn ebe gie uwa, vbe ekpa imiẹnfan ne ọre ọghe ima hia, ọre ọ na wa do la mwẹ ekhọe ne I gbẹn ebe gie ua, ne I ya rhie igiẹdu ne uwa, ne uwa gha gbinna nẹẹn khian ighẹ iyayi ni ne Osanobua rhie ne emwa rẹn hia uhukpa nii.

I Samuẹl 8:7

E Nọyaẹnmwa keghi tama rẹn wẹẹ, “Danmwehọ ẹmwẹ ne iran rhirhi tama ruẹn, ẹ i re uwẹ ọ re iran he, mẹ ọ re iran he zẹ vbe ọba iran.