Iwinna 15:18 - Edo Bible (E Baibol Ẹdo) Version 1996

¹⁸ Erriọ Nọyaẹnmwa, ne ọta ẹe nẹkpo i mwẹ arria gha dee khare.’ ”

Iwinna 15:18 ပူးပေါင်းရင်းမြစ်များ

Aizaia 44:7

Ọmwa ọvbehe ne ọ gha te sẹtin ru emwi ne imẹ ru rrọọ ra? De ọmwa ne ọ gha te sẹtin tae yotọ yi ighẹ avbe emwi ni gha sunu ke omuhẹn emwi hia gha dee do sẹ ufomwẹ ọnrẹn?

Aizaia 45:21

Wa larre, wa do ta ne unu uwa vbe iko, wa tama iran ne a gu ẹzọ ne iran mu iro vba egbe. Gha ọ ta emwi ne ọ gha he kue sunu yotọ ke ẹkpo nii gha dee? Ẹre mẹ ne Nọyaẹnmwa nọ, mẹ ne Osanobua ne ọ miẹn emwa rẹn fan? Osa ọvbehe i rrọọ.

Emọs 9:12

Rhunmwuda ọnii, ivbi Izrẹl gha khọn mu ehe ne ọ ghi te kẹe vbe Idọm, kevbe avbe uhunmwu ẹvbo hia ni ka re ọghomwẹ dee yi vbe ẹghẹ ọkpa,” erriọ e Nọyaẹnmwa ne ọ ra gie emwi na sunu khare.

Zẹkaraia 14:7

Amawẹ amẹ ne ọ rhọ vbe evbu, ra ebiebi ke ebiebi, uwanmwẹ ẹdẹ ghi gha rrọ uhin vbe a rhe gha rre asọn. E Nọyaẹnmwa ọkpa ọ re ọ rẹn ẹghẹ ne emwi na hia gha ya sunu.

Nọmbas 23:19

Osanobua i ye vbe emwa ne agbọn, ni ta ohoghe; rẹn i re ọmwa kẹkan ne ọ gbe yo gbe rre. Emwi ne ọ rhirhi ta, ọre ọ ru; ọ gha guan, a ghi ru ẹe.

Matiu 13:35

Ọ ru ọna ne ẹmwẹ ne akhasẹ tae miẹn ehe na sẹ wẹẹ, “Mẹ gha kpa itan ya gu iran guan, emwi ne a ma he te rẹn, ke omuhẹn agbọn gha dee, i gha tae ma iran.”

Matiu 25:34

Ọba ghi tama iran ni rre obọ erha ọmwa wẹẹ, ‘Wa larre, wa ne erha mwẹ fiangbe, wa do mu arriọba ne a kpehe ẹre ye otọ khẹ uwa ke ne a ya yi agbọn gha dee.

Iwinna 17:26

Ke uwu ọmwa ọkpa rre, ọre ọ na yi emwi otọ ughughan ne iran gha rre otọ agbọn hia. ke odaro emwi hia, rẹn ọre ọ tobọ ẹre mwa ẹghẹ ne iran gha ya gha rrọ, ọ keghi ye uwu yi ehe ne iran gha ye vbọ.

Ẹfisọs 1:11

Rhunmwuda, vbene Osanobua we emwi gha ye ọre ọ ye, Osanobua keghi zẹ mwa wẹ ne ima gha re emwa irẹn, vbe uwu a ya egbe ba Kristi, rhunmwuda, emwamwa ne irẹn mwamwa ẹn zẹ vbene ọ ta ẹe ke omuhẹn gha dee.

Ẹfisọs 1:4

Vbe a te do yi agbọn, Osanobua hannọ ima zẹ nẹ ne ima gha re ọghe ẹe vbe uwu Kristi, ne ima sẹtin gha re ne ọ huanrẹn kevbe ne ẹ i mwẹ abe vbe odaro ẹre. Rhunmwuda aho ẹmwẹ ọmwa rẹn.

Ẹfisọs 3:9

Kevbe ne I ma emwa hia vbene a ra ya mu ẹn sẹ hẹ ighẹ emwamwa ẹkhokho ne Osanobua mwamwa ẹn. Osanobua ne Ayi ne ọ yi emwi hia keghi rhie emwamwa ẹkhokho ọghọe na lẹre ke ne ẹkpo mwẹ arria gha dee.

II Tẹsalonaika 2:13

Ẹ i mwẹ ma ma gha kpọnmwẹ Osanobua ne uwa vbe ẹghẹ hia, etẹn mwẹ, wa ne Nọyaẹnmwa ho ẹmwẹ ọnrẹn. Rhunmwuda, te Osanobua hannọ uwa zẹ, zẹ vbe emwa ne okaro ne a gha ya ẹtin nene Orhiọn miẹnfan, ne a miẹn ehe na ya uwa khian emwa ni re ọghe Osanobua tobọ ẹre, kevbe rhunmwuda iyayi ne uwa mwẹ ye ẹmwata.

I Pita 1:20

Osanobua zọ ẹe ye otọ nẹ a te do yi agbọn, rhunmwuda uwa, ọre ọ na do rhie ẹre ladian ne a miẹn vbe ẹdẹ okiekie na.

Arhie Maan 13:8

Emwa ni rre agbọn hia gha ya uhunmwu rhanmwẹ otọ nẹẹn, ọnii nọ wẹ, avbe emwa hia ne a ma he gbẹnnẹ eni iran vbe agbọn te do suẹn, ye ebe emwa ni rrọọ, iran ni re ọghe Oteghe Ohuan ne a te gbe ua.

Arhie Maan 17:8

Aranmwẹ oha ne u bẹghe nii, te ka gha rre agbọn yi, sokpan, banbanna nian, ẹ i ghi rrọọ ọvbehe, ọ wu nẹ, te ọ ghi ra ke uwu uvun ne ẹ i mwẹ otọ ladian na, ọ ghi ladian ne a ya fuẹn ọnrẹn uan. Emwa ni rre agbọn ne a ma he gbẹnnẹ eni ẹnrẹn ye ebe ẹfe emwa ni rrọọ, ni ma he wu vbe a te do suẹn agbọn, unu gha yan iran ẹsẹse vbe iran a miẹn aranmwẹ oha nii. Rhunmwuda, ọ te ka gha rre agbọn yi, sokpan, ẹ i ghi rre agbọn ọvbehe, sokpan ọ gha ye dọlegbe ya egbe ladian.