Iwinna 15:17 - Edo Bible (E Baibol Ẹdo) Version 1996

¹⁷ Erriọ emwa ọvbehe hia gha gualọ Nọyaẹnmwa, emwa ne ẹ i re Ju hia ne I tie ya khian ọghomwẹ.

Iwinna 15:17 ပူးပေါင်းရင်းမြစ်များ

Gẹnẹsis 22:18

Iyaẹvbo agbọn hia ghi wẹẹ ne I fiangbe iran zẹ vbene I fiangbuẹ uniẹn ruẹn, rhunmwuda ne u na họn ẹmwẹ ne I tama ruẹn na.”

Gẹnẹsis 48:16

Te Odibosa ne ọ fanmwẹ hin uwu ẹbe hia rre gha fiangbe iran! Te eni mwẹ deba eni avbe Ebraham kevbe Aizik ne erhamwẹ gha rrọọ khian vbekpa emọ na! Te iran gha biẹlẹ emọ nibun ne iran do khian ọrhẹnrhẹn.”

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

Aizaia 11:10

Ẹdẹ dee ne ọba ọgbọn ne ọ zọ ke uniẹn e Devid ladian, gha na gha re ama ne uhunmwu ẹvbo hia. Iran gha si koko vbe ẹvbo ọba ẹre, iran ghi gha rhie ọghọ ne ẹẹn.

Aizaia 43:7

Emwa mwẹ ọ re iran khin. Te I yii iran ne iran gha re ọghomwẹ.”

Aizaia 63:19

U ke ghi ru ima zẹ vbene a gha a kha ighẹ u ma he ka gha re ogie ima ẹdẹ, vbene a gha a kha ighe ma ma he gha re emwa ruẹn ẹdẹ.

Aizaia 65:1

E Nọyaẹnmwa khare wẹẹ, “Mẹ te mu egbe ne I ya họn erhunmwu avbe emwa mwẹ, sokpan, iran ma na erhunmwu. Mẹ te mu egbe ne iran gualọ mwẹ miẹn, sokpan, iran ma ziga hiehiere. Ẹvbo nii ma na erhunmwu ghe mwẹ, a gha rhe miẹn wẹ, te imẹ mu egbe ne I ya họn erhunmwu. Tama iran wẹẹ, ‘Ghe mwẹ vbe emwana, I gha ye uwa obọ.’

Jerimaia 14:9

Vbọzẹ ne u na ye vbe ọmwa ne emwi yan ẹre unu uan, zẹ vbe ovbiyokuo ne ẹ i mwẹ ẹtin ne ọ gha ya ru iyobọ? Vbe ẹmwata, wẹ rrọọ yaba mwa, Nọyaẹnmwa emwa ruẹn ma khin, ghẹ he mwa yotọ.

Jerimaia 16:19

E Nọyaẹnmwa, wẹ ọrọre ọmwa ne ọ degue mwẹ kevbe ne ọ rhie ẹtin mẹ wẹ ọ re ọ yọmwẹ obọ vbe ọghe ibaro. Avbe uhunmwu ẹvbo gha ke ufomwẹ agbọn bu ruẹ rre do kha wẹẹ, “Avbe erha ima odede i mwẹ emwi rhọkpa gberra ẹbọ ohoghe, emwirhọkpa i rrọọ gberra amazẹ ne ẹ i mwẹ asa.

Daniẹl 4:35

Te irẹn ghe emwi ni rre agbọn na zẹ vbe emwi kẹkan avbe odibosa ni rre ẹrinmwi avbe emwa ni rre agbọn ototọ asẹ ọre ọ re ehia ye. Ọmwa i sẹtin gbodan ye iho ẹre ra ne a nọ rẹn wẹ vbe ọ ru na.’

Daniẹl 9:19

Nọyaẹnmwa, họn ọghomwa, Nọyaẹnmwa, yabọ mwa. Nọyaẹnmwa, họn ọghomwa, ne u guan yọ. Ne emwa hia miẹn ehe na rẹn ighe Osanobua wẹ khin, ghe si ẹe kpee vbe otọ Nọyaẹnmwa. Ẹvbo na kevbe emwa na, ọwuẹ ehia khin.”

Hozia 2:23

I gha gbe emwa ẹkun sotọ vbe otọe nii, I ghi vbe gie agbọn maa iran, I gha ho ẹmwẹ emwa ne a te tie ẹre “Na ma ho ẹmwẹ ọnrẹn,” iran ne a te tae da wẹẹ, “Iran-ire-emwa-mwẹ.” I ghi kha wẹẹ, “Emwa-mwẹ-wa-khin.” Iran ghi vbe wanniẹn wẹẹ, “Wẹ ọrọre Osanobua mwa.”

Joẹl 2:32

Sokpan, iran hia ni kpe tie Nọyaẹnmwa, a gha miẹn iran fan. Zẹ vbene Nọyaẹnmwa khare, ‘Eso vbe iran ni rre Jerusalẹm, gha lẹ fe, iran ne imẹ hannọ zẹ gha miẹn uhunmwu.’ ”

Emọs 9:12

Rhunmwuda ọnii, ivbi Izrẹl gha khọn mu ehe ne ọ ghi te kẹe vbe Idọm, kevbe avbe uhunmwu ẹvbo hia ni ka re ọghomwẹ dee yi vbe ẹghẹ ọkpa,” erriọ e Nọyaẹnmwa ne ọ ra gie emwi na sunu khare.

Maika 5:7

Ivbi Izrẹl ni miẹn uhunmwu vbọ, gha yevbe evbu ne ọ fu ọmwa egbe rre ne Nọyaẹnmwa gie gie uhunmwu ẹvbo nibun, zẹ vbe amẹ ne ọ rhọ yan emwiokọ ne ọ da zọ dee. Iran gha ye egbe yan Osanobua ighe ẹ i re ọmwa kẹkan.

Zẹkaraia 2:11

Ọ gha sẹ ẹghẹ nii, uhunmwu ẹvbo nibun gha bu e Nọyaẹnmwa rre iran ghi khian emwa rẹn. Rẹn gha yin ehe ne uwa ye, wa gha vbe rẹn wẹ rẹn ọ re ọ gie mwẹ bu uwa gha dee.

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Nọmbas 24:23

E Balam keghi vbe ta ẹmwẹ akhasẹ na ọ wẹẹ: “De emwa ni si egbe koko vbe odẹ okuọ na yi?

Nọmbas 6:27

E Nọyaẹnmwa keghi kha wẹẹ, “Iran gha so enii mwẹ ya na erhunmwu na vbe iran gha na erhunmwu ne ivbi Izrẹl, I gha fiangbe iran.”

Diuteronomi 28:10

Ẹghẹ nii, emwa ni rre agbọn na hia ghi do miẹn wẹ te Nọyaẹnmwa zẹ uwa ne uwa gha re emwa obọ ẹre, ohan uwa ghi gha mu iran.

Jems 2:7

Iran ọrọre emwa ni ya ukpẹ sakan eni esiesi nii, ne a rhie ne uwa.