Iwinna 15:14 - Edo Bible (E Baibol Ẹdo) Version 1996

¹⁴ Saimọn ta ẹe wan vbe ne Osanobua ka ya rhie maa hẹ ighẹ rẹn vbe zẹ ye iran ne ẹ i re Ju re vbe ekpa ne ọ na viọ emwa eso vbe uwu iran ya ru ọghe irẹn.

Iwinna 15:14 ပူးပေါင်းရင်းမြစ်များ

Aizaia 43:21

Avbe emwa ni yii ne egbe mwẹ iran khin iran gha vbe so ihuan urhomwẹ mwẹ.”

Iyẹn ne ọ Maan Ọghe Luk 1:68

“Wa gie a rho Nọyaẹnmwa Osanobua ọghe Izrẹl. Rhunmwuda ọ do ye emwa rẹn obọ, ọ keghi fan iran vbe irri.

Iyẹn ne ọ Maan Ọghe Luk 1:78

Rhunmwuda ọmẹhẹ ne ọmwa itohan ọre Osanobua mwa khin. Rẹn gha gie uwanmwẹ imiẹnfan wan mu ima hia.

Iyẹn ne ọ Maan Ọghe Luk 2:25

Vbe ẹghẹ na, okpia ọkpa ne a tie ẹre Simiọn keghi rre Jerusalẹm. Rẹn keghi re ọmwa esiesi ne ọ mu ohan Osanobua kevbe ne ọ vbe rhie aro ye odẹ gha khẹ ẹghẹ ne a gha ya miẹn Izrẹl fan, orhiọn Ne ọ huanrẹn keghi rrọọ yaba ẹre.

Ebe ne Pọl gbẹẹn gie emwa Rom 1:5

Obọ ẹre ọre Osanobua la ru mwẹ ẹse wẹ ne I gha re Ukọ Osanobua vbekpa Kristi, ne I sẹtin ye emwa hia ni rre uhunmwu ẹvbo hia yayi kevbe ne iran vbe gha họn ẹmwẹ.

Ebe ne Pọl gbẹẹn gie emwa Rom 11:36

Rhunmwuda rẹn ọre ọ yi emwi hia, rhunmwuda ẹre ọre emwi hia na rrọọ, rẹn iran vbe rrọọ na: Uyi ọre ọghe Osanobua ẹdẹdẹmwẹdẹ. Isẹ!

II Pita 1:1

E Saimọn Pita ne ọguọmwadia kevbe ukọ Jesu Kristi, ọre ọ gbẹn ebe na gie avbe emwa ni ne a la ekpa ẹmwata Osanobua mwa kevbe Jesu Kristi Ọmiọnmwafan mwa rhie iyayi ighobioye ne ọ vbe ye vbe ọghomwa na nẹ.