Iwinna 15:13 - Edo Bible (E Baibol Ẹdo) Version 1996

¹³ Ugbẹn iran ghi dobọ ẹmwẹ ne a guan yi, Jems keghi kha wẹẹ, “Etẹn, wa danmwehọ mwẹ.

Iwinna 15:13 ပူးပေါင်းရင်းမြစ်များ

Iyẹn ne ọ Maan Ọghe Mak 15:40

Ikhuo eso keghi vbe mudia ye urria gha ghe ughe. Usun iran ọre ọ ye ighe Salomẹ, kevbe Meri Magdalen kevbe Meri iye Jems ne ọvbokhan kevbe Jose.

Iwinna 12:17

Ọ keghi ye obọ gbe iran ekhakha wẹ ne iran gie a họn ẹmwẹ ọ keghi do rhan otọ vbene Nọyaẹnmwa ya rhie irẹn ke uwu ẹwẹdọ ladian hẹ ma iran. Ọ keghi tama iran we wa ghi na iyẹn ma Jems kevbe iran ne etẹn nekpa. Rẹn keghi kpao gha rrie ehe ọvbehe.

Iwinna 15:14

Saimọn ta ẹe wan vbe ne Osanobua ka ya rhie maa hẹ ighẹ rẹn vbe zẹ ye iran ne ẹ i re Ju re vbe ekpa ne ọ na viọ emwa eso vbe uwu iran ya ru ọghe irẹn.

Iwinna 2:14

Ẹghẹ ni ọre Pita ghi na guakpao, ke irẹn kevbe avbe Ukọ ne owọrọ nekpa, ọ keghi tọn urhu mu ya gu iran guan: “Wa ne Ju ne ihomwa, kevbe uwa hia ni rre Jerusalẹm, wa danmwehọ, ne I tama uwa emwi ne a ya avbe emwi na kha.

Iwinna 2:22

“Wa danmwehọ ẹmwẹ na, wa ne ivbi Izrẹl. Jesu ne ovbi Nazarẹt keghi re ọmwa ne Osanobua gie ẹre uhunmwu kpataki, ne ọ miẹn ehe na gie uwa rẹn ighe ẹmwata nọ, Osanobua keghi la ekpa ẹre winna iwinna ọyunnuan, iwinna ọ yan aro ua kevbe ama, wa tobọ uwa vbe rẹn vberriọ, rhunmwuda, sirra uwa hia ọre a na ru emwi na.

Iwinna 2:29

“Wanwanna etẹn mwẹ, I gha rhan otọ ẹmwẹ Devid ne erhamwa odede ma uwa. Ọ wu, a keghi re ẹre. Idin ẹnrẹn ye gu ima rre emwa do sẹ ẹdẹ ne ẹre na.

Iwinna 21:18

Ẹdẹ ghi gbe, Pọl keghi viọ ima ba egbe ya tue Jems, avbe ediọn esọsi hia kevbe gha rre evba.

Iwinna 22:1

“Ikpia, etẹn ne ikpia kevbe avbe erha mwa, wa danmwehọ mwẹ ne I zẹ ene unu mwẹ ma uwa!”

Iwinna 7:2

Stivin keghi wanniẹn, ọ wẹẹ, “Wa ne etẹn mwẹ kevbe erha mwẹ, wa danmwehọ mwẹ. Osanobua ọghe uyi rhie egbe ma Ebraham ne erha mwa odede vbe ẹghẹ ne irẹn na gha rre Mẹsopotamia, vbe ọ ma he si gha rrie Haran.

Galatia 1:19

Ima ghi vbe miẹn ukọ ọvbehe rhọkpa gberra Jems ne ọtẹn Nọyaẹnmwa.

Galatia 2:12

Ẹghẹ ne emwa ne Jems gie rre na ma he rre, e Pita kegha gu iran ne etẹn mwa ne ẹ i re Ju rri evbare. Sokpan, ugbẹn vbe iran na ghi rre nẹ, ọ na ban rrie, ọ ma ghi gu iran rri evbare, rhunmwuda, ohan avbe iran ne ọ ho ne a gha rhuẹ iran ne ẹ i re Ju mu ẹn.

Galatia 2:9

Jems Pita vbe Jọn, ni ye vbe avbe ọkaolotu, wa miẹn wẹ, te Osanobua rhie iwinna kpataki na mẹ, iran keghi so imẹ vbe Banabas obọ, zẹ vbe ogieva egbe, ma keghi tae wẹ ma gha winna vbe uwu avbe iran ne ẹ i re Ju, ne iran gha winna vbe uwu avbe Ju.

Jems 1:1

E Jems ne ọguọmwadia Osanobua, kevbe ọghe Nọyaẹnmwa Jesu Kristi; ọre ọ gbẹn ebe na rre. I tuẹ emwa Osanobua hia ni tagha gba uhunmwu otọ agbọn hia.

Jems 1:19

Wa ghi ye ọna rre o, wa ne etẹn mwẹ ni ghan, Dọmwadẹ ọghọe, vbe uwu uwa, wa ghi gha re ne ọ rherhe danmwehọ ẹmwẹ, sokpan ne ẹ i rherhe guan, kevbe ne ẹ i rherhe mu ohu.