Iwinna 15:10 - Edo Bible (E Baibol Ẹdo) Version 1996

¹⁰ Rhunmwuda ọnii nian, de emwi ne ọ ghi si ẹe ne uwa na danmwẹ Osanobua ghee vbe ekpa ne uwa gha na kun ihẹ ne a vbe erha mwa odede, ra ma tobọ mwa ma sẹtin mu yan ivbi yayi uhunmwu?

Iwinna 15:10 ပူးပေါင်းရင်းမြစ်များ

Ẹksọdọs 17:2

Iran kegha gu e Mosis gui wẹẹ, “Rhie amẹ ne ima wọn.” E Mosis wanniẹn tama iran wẹẹ, “Vbọzẹ ne uwa na gunmwẹ gui yi? Vbọzẹ ne uwa na danmwẹ e Nọyaẹnmwa ghe?”

Aizaia 7:12

Ehaz keghi wanniẹn wẹẹ, “Mẹ i ra nọ ama. Mẹ i sẹtin danmwẹ e Nọyaẹnmwa ghe.”

Matiu 23:4

Iran ghi kun ihẹ ne ọ khuaa mu yan emwa uhunmwu sokpan ukpẹ ihen obọ iran ọkpa i dekan ihẹ nii ne iran ya kpa emwa ihẹ.

Matiu 4:7

Jesu keghi vbe wanniẹn tama rẹn wẹẹ, “Sokpan ebe nọhuanrẹn vbe tae nẹ wẹẹ, ‘Ghẹ danmwẹ Osanobua Nọyaẹnmwa ruẹn ghe.’ ”

Iwinna 5:9

Rhunmwuda ọnii, Pita tama rẹn wẹẹ, “Vbọzẹ ne uwẹ vbe ọdafọn na gha si uma wẹ, ne uwa do danmwẹ Orhiọn Nọyaẹnmwa ghee? Iran ni ya tọn ọdafọn ye otọ wa rre onurho nian, iran gha vbe mu uwẹ ladian ba ẹre.”

Galatia 4:9

Sokpan wanwan na nian, vbene uwa ghi na rẹn Osanobua nẹ, ra ne I wa kha wẹ, vbene Osanobua ghi na rẹn uwa nẹ, vbe ọ zẹ ne uwa na ho ne uwa dọlegbe bu avbe orhiọn ẹwobi ne vburriẹ, ni khaemwisẹ ni, gha khian yi? Vbe ọ zẹ ne uwa na dọlegbe ho ne uwa gha re eviẹn iran?

Galatia 5:1

Ọdakha egbe mwa ma ye. Kristi rhan ima nẹ. Rhunmwuda ọnii nian, wa mudia zẹ vbe emwa ni rre ọdakha egbe iran, ne uwa ghẹ ghi gie a dọlegbe ya uwa khian eviẹn.

Hibru 3:9

Osanobua khare wẹ, “Evba ọre avbe erha uwa odede na gha danmwẹ mwẹ ghe, vbe gualọ mwẹ ẹmwẹ ne unu. Egbe ne iran rhe ya miẹn ne I ru, vbe ọwara ukpo iyeva.

Hibru 9:9

Ọna keghi re ama emwi ne ya gie ẹghẹ na ye na. Ọ rhie maa wẹ, emwi imuohan kevbe avbe aranmwẹ ne a ya zọ ese ghe Osanobua, ẹ i sẹtin ye ekhọe emwa ni ga khian ne ọ gbae.