Iwinna 14:7 - Edo Bible (E Baibol Ẹdo) Version 1996

⁷ Iran keghi vbe kpe orhu Iyẹn Ne ọ maa vbe odọ nii.

Iwinna 14:7 ပူးပေါင်းရင်းမြစ်များ

Iwinna 11:19

Ukpokpo ne ọ suẹn rẹn vbe iran gbe Stivin nẹ, kegha zagha emwa ni hia kua. Eso vbe uwu iran keghi khian ya sẹ Fonisia, Saiprọs kevbe Antiọk, iran kegha kpe orhu ma avbe Ju ọkpa.

Iwinna 14:15

“Iho mwa, vbọzẹ ne uwa na ru emwi na yi? Emwa kẹkan vbe ne uwa ye ọre ima vbe khin. Iyẹn Ne ọ maa ọre ima rre do kpe orhu ẹre vbe edinran, ne a miẹn ehe na fi uwa ekhọe werriẹ hin emwi akuọkan na rre ghe Osanobua ne ọ rrọọ, ọmwa ne ọ yi ẹrinmwi kevbe agbọn kevbe okun kevbe emwi hia ni rre uwu iran.

Iwinna 14:21

Pọl kevbe Banabas keghi kpe orhu Iyẹn Ne ọ maa vbe Dẹbi, iran keghi miẹn emwa ni bun viọ ba egbe vbe evba. Iran keghi werriegbe gha rrie Listra kevbe Aikọniọm kevbe Antiọk ne ọ rre Pisidia.

Iwinna 16:10

Vbe ọwarọkpa vbe Pọl ghi miẹn umian na nẹ, ma keghi mu egbe ne a gha rrie Masidonia, rhunmwuda ma khare wẹ te Osanobua tie ima ne a ya kpe orhu Iyẹn Ne ọ maa ma emwa ni rre evba.

Iwinna 17:2

Zẹ vbene ọ wa ru ẹe, Pọl kegha rrie nene Ọgua ediọn. Ẹdẹ Ikẹtin eha ọre ọ ya gu emwa gha muan ẹmwẹ ke uwu Ebe rre vbe evba.

Iwinna 8:4

Avbe emwa ni yayi ni zagha lele ehe hia nii kegha kpe orhu ẹmwẹ nii.

I Tẹsalonaika 2:2

Wa rẹn vbene a ru ima emwi oya hẹ, ne a na vbe fa ima uan vbe Filipai, ma keghi kpao bu uwa gha die Tẹsalonaika. Ọ rhe ye rriọ, Osanobua keghi ye rhie orhiọn ye ima iwu, ne ima ya kpe orhu iyẹn nii ma uwa, a gha rhe miẹn wẹ, vbe adesẹ igbodan nọkhua nọ.

II Timoti 4:2

Gha kpe orhu nene ẹmwẹ, mu yan rẹn wẹ, ne a gha ta ẹe, deghẹ ẹghẹ ke yọ, ra ọ ma ke yọ ne u gha yae la emwa ekhọe, ne u gha gu ọmwa gui, ne u gha rhie igiẹdu ne emwa, kevbe ne u gha ye i ziengbe ma emwa emwi.