Iwinna 14:27 - Edo Bible (E Baibol Ẹdo) Version 1996
27 Iran ghi sẹ Antiọk, iran si emwa esọsi koko, iran keghi na iyẹn emwi ne Osanobua viọ iran ya winna ma iran kevbe vbene ọ vbe kie ne iran ne ẹ i re Ju hẹ ne iran do yayi.
Ugbẹn vbe iran ghi họn ẹmwẹ na, iran keghi dobọ ẹzọ na gui yi, iran keghi rho Osanobua vbe uyi wẹẹ, “Ọnii rhie maa ighẹ Osanobua vbe rhie otọ ne iran ne ẹ i re Ju ya fiwerriẹ ne iran ghẹ wulo.”
Emwa hia keghi wa gbẹdọ ne iran ya danmwehọ vbe Banabas vbe Sọl na iyẹn ọyunnuan kevbe iwinna ama ne Osanobua la ekpa iran winna vbe uwu ẹbu emwa ne ẹ i re Ju.
I gha si agbada vbe unu guan kan ẹmwẹ emwi ọkpa kẹkan, ọnii ọrọre emwi ne Kristi ru, ne ọ na ya mwẹ viọ iran ne ẹ i re Ju do gha họn ẹmwẹ ne Osanobua, la ekpa ẹmwẹ ne a guan kevbe emwi na ru.
A deghẹ esọsi ghi si egbe koko, agbọn hia na wa suẹn gha ya urhu ne a ma rẹn guan, a deghẹ ọmwa kẹkan ra eni ma yayi eso la owa, ẹ i re te ọ ra kha ighẹ te uwa hia mwẹmwẹ?
Sokpan vbe ekpa ẹsọhẹ Osanobua ọre I na re emwi ne I khin na, ẹsọhẹ ne ọ rhie mẹ, a ma vbe muẹn rhia. Vbe ẹmwata, mẹ kakabọ winna sẹ avbe ukọ nekpa hia, a gha rhe miẹn wẹ ẹ i re ẹtin obọ mwẹ vbe ẹ i re ẹsọhẹ Osanobua ne ọ yaba mwẹ winna.
Vbe uwu ẹre nii, wa. vbe gha na erhunmwu ne ima, wẹ ne Osanobua rhie ẹkpotọ ne ọ maa ne ima ya kpe orhu iyẹn ne ọ maa ọghọe, ne a miẹn ehe na ta oro ẹmwẹ Kristi, rhunmwuda, ọnii ọ zẹe ne I na rre uwu eghan na.