Iwinna 14:23 - Edo Bible (E Baibol Ẹdo) Version 1996

²³ Iran keghi mannọ ọdiọn lele dọmwadẹ esọsi ne iran. Iran keghi ye aguẹ kevbe erhunmwu rhie iran yan Nọyaẹnmwa ne iran mu ẹtin yan obọ.

Iwinna 14:23 ပူးပေါင်းရင်းမြစ်များ

Matiu 17:21

Sokpan erhunmwu kevbe aguẹ ọkpa ọre ọ sẹtin khu egbe ọna ladian, emwi ọvbehe i rrọọ ne ọ gha sẹtin.]”

Iyẹn ne ọ Maan Ọghe Mak 3:14

Rẹn keghi hannọ iran iweva, ọ keghi tie iran Ukọ, ọ tama iran wẹẹ, “Te I zẹ uwa ne uwa tota ke mwẹ, I gha vbe gha gie uwa ne uwa ya gha kpe orhu.

Iyẹn ne ọ Maan Ọghe Luk 2:37

Ọdọ re ghi vbe wu nẹ, ọ keghi vbe ya ukpo enẹ yan iyenẹ ru ẹgbẹ. Ẹ ghi kpao vbe Ọgua Osa rre. Asọn vbe avan ọre ọ ya ga Osanobua vbe aguẹ kevbe erhunmwu.

Iyẹn ne ọ Maan Ọghe Luk 23:46

Jesu keghi ya urhu ne ọ la datu wẹẹ, “Evbavba, obọ ruẹ ọre I rhie orhiọn mwẹ yi!” Ọ ghi tae vberriọ nẹ, ọ keghi kpan udu.

Iwinna 1:24

Rhunmwuda ọnii iran keghi na erhunmwu wẹẹ, “Nọyaẹnmwa wẹ rẹn ekhọe emwa hia. Rhunmwuda ọnii Nọyaẹnmwa rhie ne u hannọ zẹ vbe uwu iran eva na ma ima.

Iwinna 11:30

Iran keghi gele ru vberriọ, iran keghi rhie igho na ne Banabas kevbe Sọl ne iran rhie gie avbe eniwanrẹn esọsi.

Iwinna 14:26

Evba nii i ọre iran ghi ke gua okọ gha die Antiọk, ehe ne a na ka rhie iran ne ẹsọhẹ Osanobua gha gbe aro ghe vbe uwu iwinna ne iran ghi do winna fo na.

Iwinna 15:23

Iran keghi rhie ebe na ne iran rhie gha khian: “Avbe ukọ kevbe ediọn, ne etẹn uwa gie otuẹ uwa hia ne etẹn mwa ne iran ne ẹ i re Ju biẹlẹe, ni rre Antiọk kevbe Siria kevbe Silisia.

Iwinna 15:4

Iran ghi sẹ Jerusalẹm, esọsi kevbe avbe ukọ kevbe avbe ediọn keghi wa ghọghọ mu iran, iran keghi na iyẹn emwi ne Osanobua viọ iran ya winna.

Iwinna 15:6

Avbe ukọ kevbe avbe ediọn keghi do iko ne iran ghe ẹmwẹ na ghe.

Iwinna 20:17

Pọl keghi gie uhunmwu ke Mailitọs gha rrie Ẹfisọs, ọ na wẹ ne avbe ediọn esọsi do miẹn irẹn vbe evba.

Iwinna 20:32

“Wanwanna, I viọ uwa ne Osanobua gha su deba ẹmwẹ ẹsọhẹ ọghọe. Rẹn gha sẹtin ye uwa digiẹ, ọ ghi vbe rhie afiangbe ne ọ viọ khẹ emwa rẹn hia ne uwa.

II Kọrinti 8:19

Ye vbe sẹ ọnii, te esọsi hia wa hannọ ẹn zẹ ne ọ gha lele ima khian vbe ehe ne ima na winna iwinna aho ẹmwẹ ọmwa na, ne uyi ọghe Nọyaẹnmwa, kevbe ne a vbe rhie maa ighẹ ma mu egbe ne a ya ru iyobọ.

I Timoti 5:1

Ghẹ gu ọmwa ne ọwan sẹ ruẹ gui, sokpan heko gu ẹe guan vbene a miẹn wẹ erha a nọ. Gha ya obọ mu iran ne u wan sẹẹ, zẹ vbe etuẹn ne ikpia,

I Timoti 5:22

Ghẹ tua viọ obọ yan ọmwaikọmwa uhunmwu, ye iwinna Nọyaẹnmwa, ghẹ mwẹ obọ vbe orukhọ ẹrrẹe, da egbe ruẹ yi vbe ne a i na mwẹ iruẹn.

II Timoti 1:12

Ọnii ọre ọ zẹẹ ne I na rri oya emwi na hia. Sokpan ekhọe mwẹ ma he beghe hiehiere, rhunmwuda, mẹ rẹn ọmwa ne I mu ẹtin yan, aro mwẹ da ẹe wẹ, ọ gha sẹtin rhie ẹre mwẹ vbe ne a i na mwẹ ẹbe ighẹ emwi ne ọ ka yọ mwẹ obọ, rhinrin ya sẹ Ẹdẹ ne ẹdẹrriọ.

II Timoti 2:2

U ghi viọ avbe ẹmwẹ nii ne u họẹn vbe I kpe orhu ẹre vbe odaro osẹe ni bun, u ghi viọ ne emwa ne u gha sẹtin mu ẹtin yan viọ mwẹ, emwa ni gha vbe sẹtin ma emwa ọvbehe re.

Taitọs 1:5

Te I sẹ uẹ rae vbe Kret ne u miẹn ehe na dọlọ avbe emwi ne a ma he ru fo vbe evba nii yi, kevbe ne u vbe gha zẹ ediọn esọsi ye dọmwadẹ esọsi. U ghi yerre vbene I ta ẹe hẹ:

Jems 5:14

Ne ọyẹnmwẹ sẹ rrọ ra? Wẹ ne ọ so ihuan urhomwẹ. Orhiọnkpa rrọọ ne egbe ma rran ra? Wẹ ne ọ tie eniwanrẹn iko ne iran na erhunmwu nẹẹn, iran ghi vbe ya eni Nọyaẹnmwa nọnọ ori ye ọre uhunmwu.

I Pita 5:1

I mu egbe rri otọ rinmwian avbe ediọn esọsi ni rre uwu uwa, mẹ tobọ mwẹ ne ọ vbe re ediọn, aro mwẹ sẹ oya ne Kristi re, ọ gha vbe sẹ mwẹ obọ vbe uwu uyi ne a gha rhie maa, I mu egbe rri otọ rinmwian uwa.

I Pita 5:10

Sokpan, u ghẹ ghi rri oya la ẹghẹ eso vberriọ nẹ, Osanobua ẹsọhẹ hia, ọmwa ne ọ tie ruẹ ne u do ghae vbe uyi etẹbitẹ ọghọe, vbe uwu a yegbe ba Kristi, gha tobọ ẹre ya uwẹ khian ne ọ gbae, ọ ghi rhie a mudia gbain nuẹn, ẹtin kevbe ẹyotọ ne ọ de ziẹn.

II Jọn 1:1

Ọmwa nii ne ọre Ediọn ọre ọ gbẹn ebe na gie okpokhuo nii, ke ẹe kevbe ivbi ẹre ne I ho ẹmwẹ ọnrẹn ẹsẹse. Ẹ i re mẹ ọkpa, sokpan emwa hia ne ọ ghi rẹn ẹmwata nẹ, ọre ọho ẹmwẹ ruẹn.

III Jọn 1:1

Ọmwa ni ne ọre Ediọn, ọre ọ gbẹn ebe na gie Gaiọs mwẹ ne ọ ghaan, ọmwa ne I họ ẹmwẹ ọnrẹn vbe ẹmwata.