Iwinna 14:21 - Edo Bible (E Baibol Ẹdo) Version 1996

²¹ Pọl kevbe Banabas keghi kpe orhu Iyẹn Ne ọ maa vbe Dẹbi, iran keghi miẹn emwa ni bun viọ ba egbe vbe evba. Iran keghi werriegbe gha rrie Listra kevbe Aikọniọm kevbe Antiọk ne ọ rre Pisidia.

Iwinna 14:21 ပူးပေါင်းရင်းမြစ်များ

Matiu 28:19

Wa bu emwa hia gha rrie ehe hia ne uwa ya gha ya iran khian erhuanegbe mwẹ, wa gha samẹ ne iran vbe Eni ọghe Erha, kevbe Ọmọ kevbe ọghe Orhiọn Ne Ọ Huanrẹn.

Iwinna 13:14

Iran ghi kpao vbe Pẹga rre, iran na gha die Antiọk ne ọ rre Pisidia, ọ ghi sẹ Ẹdẹ Ikẹtin, iran keghi la uwu Ọgua ediọn ya tota.

Iwinna 13:51

Avbe ukọ keghi bọnmwẹ ekhae ni rre iran owẹ kua ne iran, iran na gha rrie Aikọniọm.

Iwinna 14:1

Erriọ ọre ọ vbe gha ye vbe Aikọniọm, Pọl kevbe Banabas kegha rrie Ọgua ediọn avbe Ju, iran keghi guan ẹsẹse, sẹrriọ ne avbe Ju ni bun kevbe iran ne ẹ i re Ju na wa yayi.

Iwinna 14:15

“Iho mwa, vbọzẹ ne uwa na ru emwi na yi? Emwa kẹkan vbe ne uwa ye ọre ima vbe khin. Iyẹn Ne ọ maa ọre ima rre do kpe orhu ẹre vbe edinran, ne a miẹn ehe na fi uwa ekhọe werriẹ hin emwi akuọkan na rre ghe Osanobua ne ọ rrọọ, ọmwa ne ọ yi ẹrinmwi kevbe agbọn kevbe okun kevbe emwi hia ni rre uwu iran.

Iwinna 14:19

Avbe Ju eso keghi ke Antiọk ne ọ rre otọ Pisidia kevbe Aikọniọm gha dee, iran ruẹn ẹmwẹ ye emwa nii ẹko ya viọ iran ba egbe, iran keghi filo okuta gbe Pọl, iran na hiọrọ ẹe fua hin adesẹ ore ẹvbo rre, iran te ro ighẹ ọ wu nẹ.

Iwinna 14:26

Evba nii i ọre iran ghi ke gua okọ gha die Antiọk, ehe ne a na ka rhie iran ne ẹsọhẹ Osanobua gha gbe aro ghe vbe uwu iwinna ne iran ghi do winna fo na.

Iwinna 14:6

Emwi na ghi vẹ ne avbe ukọ rẹn, iran keghi lẹ gha rrie Listra kevbe Dẹbi, ẹvbo ni rre otọ Likaonia, kevbe ẹvbo ni lẹga ẹre hia.

Iwinna 14:7

Iran keghi vbe kpe orhu Iyẹn Ne ọ maa vbe odọ nii.

Iwinna 14:8

Okpia ọkpa ne owẹ ọre sikuẹn keghi rre Listra, uke wa nọ ke ẹghẹ ne a ya biẹ ọe gha dee, ọ ma he khian ẹdẹ.

Iwinna 15:36

Ọ ghi kpẹe fua kherhe, Pọl keghi khama Banabas wẹẹ, “Gie ima werriegbe gha rrie ẹvbo hia ne ima na kpe orhu ẹmwẹ Nọyaẹnmwa ne ima ya tuẹ avbe etẹn ne a vbe ghe vbene ẹmwẹ Nọyaẹnmwa ghi ye iran hẹ.”

Iwinna 16:2

Etẹn hia ni rre Listra kevbe Aikọniọm keghi wa gha so eni Timoti ne ọ maa.

Iwinna 2:47

Iran kegha rho Osanobua vbe uyi, agbọn hia keghi wa gha ta ẹmwẹ iran ne ọ maa. Nọyaẹnmwa kegha viọ avbe emwa ne a ra miẹn fan ba otu iran ẹdẹgbegbe.

II Timoti 3:11

Ukpokpo ne a rhie mẹ, kevbe oya ne I re. U rẹn emwi ne ọ sunu vbe egbe mwẹ hia vbe Antiọk, Aikoniọm, kevbe Listra. Ukpokpo nọkhua ne I ya egbe miẹn. Sokpan Nọyaẹnmwa keghi miẹn mwẹ fan vbe ehia.