Iwinna 14:2 - Edo Bible (E Baibol Ẹdo) Version 1996

² Sokpan avbe Ju ni ma yayi keghi bọ iran ne ẹ i re Ju yọ, iran keghi fi iran ekhọe werriẹ mu aro da iran ne etẹn.

Iwinna 14:2 ပူးပေါင်းရင်းမြစ်များ

Iyẹn ne ọ Maan Ọghe Jọn 3:36

Ọmwaikọmwa ne ọ ya ọmọ yi mwẹ arrọọ ne ẹ i fo, ọmwa ne ọ ma ya ẹmwẹ Ọmọ ru emwi, ẹ i khian gha mwẹ arrọọ, sokpan izohu Osanobua gha rrọọ ẹre uhunmwu ẹdẹdẹmwẹdẹ.

Iwinna 1:15

Vbe iyeke ikpẹdẹ eso, iran ni yayi keghi si koko ye ehe ọkpa, ehia keghi gha re iyehan (120), Pita keghi kpaegbe, ọ na gha guan, ọ wẹẹ,

Iwinna 13:45

Ugbẹn vbe avbe Ju ghi miẹn ubunmwẹ ẹvbo, igbọvo keghi vuọn iran ekhọe, iran kegha gbe odan ye ẹmwẹ ne Pọl ta, iran na gha ya ukpẹ sakan ẹn.

Iwinna 13:50

Sokpan avbe Ju keghi kpikpi avbe ikpia ne a rẹn vbe ẹvbo, ni rre ẹvbo nii, kevbe avbe ikhuo ni hin ukhuaẹn ne ẹ i re Ju, ni ga Osanobua. Iran keghi hẹ ẹmwẹ da Pọl kevbe Banabas, iran na khulo iran hin iwewe ni rre.

Iwinna 14:19

Avbe Ju eso keghi ke Antiọk ne ọ rre otọ Pisidia kevbe Aikọniọm gha dee, iran ruẹn ẹmwẹ ye emwa nii ẹko ya viọ iran ba egbe, iran keghi filo okuta gbe Pọl, iran na hiọrọ ẹe fua hin adesẹ ore ẹvbo rre, iran te ro ighẹ ọ wu nẹ.

Iwinna 14:4

Emwa ẹvbo ni keghi wannọ egbe ye ihe eva, eso kegha rre obọ ọghe avbe Ju, eso vbọ, obọ ọghe avbe ukọ.

Iwinna 14:5

Ẹghẹ nii ọre iran ne Ju kevbe iran ne ẹ i re Ju, deba avbe olotu iran, na wẹ ne iran rri avbe ukọ oya ne iran vbe filo okuta gbele iran uan.

Iwinna 17:13

Sokpan ugbẹn vbe avbe Ju ni rre Tẹsalonaika ghi họn ighẹ Pọl vbe kpe orhu ẹmwẹ Osanobua vbe Bẹrea, iran keghi vbe do bọọ emwa nii ye ẹmwẹ ne a ru.

Iwinna 17:5

Sokpan avbe Ju keghi suẹn gha gbe ọvo iran. Iran ye obọ khan avbe ahẹghogho ne ẹwobi vbe adesẹ ore, iran keghi suẹn otu ẹrhia. Iran keghi si okokoko ye ore ẹvbo hia, iran na mu igbinna gha rrie owa Jasin, iran te ho ne iran miẹn Pọl kevbe Sailas ne iran viọ iran ladian bu avbe emwa gha dee.

Iwinna 18:12

A ghi ma Galio ne ọ khaemwisẹ ne ovbi e Rom yan Gris nẹ, avbe Ju keghi si uma, iran keghi mu Pọl, iran na si ẹe gha rrie iko.

I Tẹsalonaika 2:14

Etẹn mwẹ, emwi ne ọ vbe sunu vbe egbe esọsi Osanobua ni rre Judia, ọre ọ vbe sunu vbe egbe uwa, zẹ vbe iran ni re emwa Kristi Jesu ni rre ẹvbo nii. Ukpokpo ne emwa ẹvbo uwa vbe hẹ lele uwa, ọre emwa e Ju vbe hẹ lele iran.