Iwinna 14:18 - Edo Bible (E Baibol Ẹdo) Version 1996

¹⁸ Egbe i re egbe ne avbe ukọ ya sẹtin ye avbe ẹmwẹ na da emwa nii obọ yi ne iran ghẹ do ru iran.

Iwinna 14:18 ပူးပေါင်းရင်းမြစ်များ

Gẹnẹsis 11:6

Ọna wẹẹ, “Eban nian, iran na hia, ọkpa iran khin, ẹvbo ọkpa iran zẹ. Te iran he da suẹn emwi ne iran gha ru na ẹi ghi rre nian, emwi ne iran wẹ, iran gha ru, iran ghi gele sẹtin ruẹe.

Gẹnẹsis 19:9

Sokpan iran keghi kha wẹẹ, “Kpa hin odaro mwa rre, wẹ ne igbọn na! Vbua khin ne u gha na gha tama ima emwi ne ima gha ru? Deghẹ ẹ i re erriọ, ma gha ru uwẹ emwi ne ọ khọrhiọn sẹ ọghe iran.” Iran keghi sua e Lọt ghe iyeke, iran keghi vẹ ghe odaro ne iran ya gbe urho.

Matiu 13:15

Rhunmwuda ekhọe iran gbin nẹ, iran kan emwi khiẹ ehọ, iran mimi aro gbua. Ne iran ghẹ ya ye aro iran dẹghe, ne ọ ghẹ ya la iran ehọ, ne iran ghẹ ya rẹn otọ ẹre ne iran ghẹ ya fiwerriẹ ne imẹ do ya bọ iran erriọ Osanobua khare.’

Iyẹn ne ọ Maan Ọghe Jọn 6:15

Jesu rẹnrẹn wẹ iran ra do ya ẹtin vbe iwo vbe egbe mu irẹn ma irẹn Ọba, ọ na vbe dọlegbe gha rrie uhunmwu oke, rẹn ọkpa kẹkan.

Iwinna 14:17

Sokpan ẹghẹ hia ọre ọ ya gha rhie maa egbe ọmwa ne irẹn khin vbekpa emwi esi ne ọ ru. Ọ rhọ amẹ ke odukhunmwu ye otọ ne uwa, deba emwiokọ vbe ẹghẹ ne ọ ke yi, ọ rhie evbare ne uwa ne ọ gha ye ẹko sẹ uwa ọyẹnmwẹ.”

Iwinna 14:19

Avbe Ju eso keghi ke Antiọk ne ọ rre otọ Pisidia kevbe Aikọniọm gha dee, iran ruẹn ẹmwẹ ye emwa nii ẹko ya viọ iran ba egbe, iran keghi filo okuta gbe Pọl, iran na hiọrọ ẹe fua hin adesẹ ore ẹvbo rre, iran te ro ighẹ ọ wu nẹ.