Iwinna 14:17 - Edo Bible (E Baibol Ẹdo) Version 1996

¹⁷ Sokpan ẹghẹ hia ọre ọ ya gha rhie maa egbe ọmwa ne irẹn khin vbekpa emwi esi ne ọ ru. Ọ rhọ amẹ ke odukhunmwu ye otọ ne uwa, deba emwiokọ vbe ẹghẹ ne ọ ke yi, ọ rhie evbare ne uwa ne ọ gha ye ẹko sẹ uwa ọyẹnmwẹ.”

Iwinna 14:17 ပူးပေါင်းရင်းမြစ်များ

I Ọba 18:1

Ọ ghi kpee fua kherhe, vbe ọ ghi rre ukpo eha ne amẹ ma ghi rhọ, e Nọyaẹnmwa keghi tama Elaija wẹẹ, “Ya ye egbe ne Ehab ne ọba miẹn, I gha gie amẹ rhọ.”

Nehimaia 9:25

Emwa ruẹn khọn avbe ẹvbo ne a gbe ekẹn gaa, otọe esiesi kevbe, owa ni vuọn ne emwi ẹfe, avbe uhae ne a fian ye otọ nẹ. Avbe erhan oliv, erhan ni mọ ọmọ kevbe avbe ogba azara iran rri evbare nẹ ọ khọn iran, iran na gha ti ye egbe, iran ke ya emwi ne u viọ ne iran gha ku obọ ye uwa.

Job 36:31

Erriọ ọ re ọ ya koko avbe emwa, ọ ghi vbe viọ evbare ọrhẹnrhẹn rre.

Job 37:6

Ọ giẹ wẹ ne esia dele ye otọ, ọ kevbe giẹ orogho amẹ ne ọ ro gue emwi hia.

Job 5:10

Ọ ghi rhọ amẹ ye otọe nii. Ọ ghi gbe amẹ khakha uwu oha.

Psalm 145:9

Te irẹn wa maa ne emwa hia, ọ vbe tohan emwi hia ne irẹn yi.

Psalm 4:7

Sokpan, oghọghọ ne uwẹ rhie mẹ nẹ, kpọlọ sẹ ne iran gha sẹtin miẹn ẹdẹdẹmwẹdẹ, egbe ne iran rhe ya mwẹ ọka kevbe ayọn.

Psalm 52:1

Okpọmwa, vbọzẹ ne u na ya emwi dan rhuọ yi? Aho ẹmwẹ ọmwa Osanobua; etẹbitẹ nọ.

Aizaia 22:13

Sokpan, ne uwa gha na te ru vberriọ, wa keghi gha giẹ, wa na gha gbe iza-bọbọ, wa na gha gbele ẹmila kevbe ohuan re, wa kegha da ayọn wa keghi kha wẹẹ, “Ma sẹtin gha re ne a vbe gha da! Akhuẹ, ma gha wulo.”

Aizaia 40:21

Wẹ ma rẹn ra? A ma tama ruẹn ke ẹkpo nii gha dee? Wẹ ma he họn vbene agbọn ya suẹn hẹ?

Aizaia 5:6

I gha gie irunmwu sọn rhu ẹe, I i ra viọ azara ni abọ ra ne I vulo otọ ẹre. Sokpan, I gha gie igban kevbe ọkọsọ ma rhu ẹe. I gha wa vbe tama iso ne ọ ghẹ gie amẹ rhọ yọ.”

Jerimaia 14:22

Ọkpa ne ọ sẹtin si amẹ i rre avbe amazẹ avbe uhunmwu ẹvbo, iso i sẹtin ye ẹtin obọ ẹre wẹ ne amẹ rhọ. Wẹ ọre ima mu ẹtin idaehọ mwa yan, e Nọyaẹnmwa Osanobua mwa rhunmwuda, wẹ ọrọre ọmwa ne ọ ru avbe emwi na hia.

Jerimaia 5:24

Wa ma he zẹ ọe vbe iro ẹdẹ wẹ, wa gha ya ọghọ mẹ, vberriọ, mẹ ọ re ọ giẹ amẹ ahọ orhọ kevbe ahọ uyunmwu rre, I ghi vbe gha rhie ẹghẹ emwiorhọ ne uwa vbe ukpukpo.

Ezikiẹl 34:26

I gha fiangbe iran, I ghi vbe gie iran gha rre ehe ne ọ lẹga oke mwẹ nọhuanrẹn. Evba nii ọ re I gha na gha ye amẹ ne ọ rhọ fiangbe iran vbe ẹghẹ ne iran ya gualọ ẹe.

Joẹl 2:23

“Ivbi e Zaiọn, wa gha ghọghọ wa hia ghọghọ ye emwi ne Osanobua uwa ru ne uwa. Ọ giee amẹ ne ọ sẹ ihe gie uwa vbe ẹghẹ vbe orhọ ma he suẹn, ọ bu amẹ fua ne uwa vbe okhuakhua, kevbe ẹghẹ orhọ, vbene ọ ka rhọ dee ẹdẹ.

Levitikọs 26:4

I gha gie amẹ gie uwa vbe ẹghẹ ne ọ khẹ ke, vbene otọ gha na gha ma emwiokọ, avbe erhan ghi vbe gha mọ ọmọ.

Matiu 5:45

Ne uwa miẹn ehe na gha re ivbi erha uwa ne ọ rre ẹrinmwi. Rhunmwuda, ọ gie ovẹn ọnrẹn gha yunmwu ne emwa esi kevbe emwa dan, ọ ghi vbe gie amẹ gha rhọ ne iran ni ru emwi esi kevbe ni ru emwi dan.

Iyẹn ne ọ Maan Ọghe Luk 6:35

Ẹ i re rriọ! Gha ho ẹmwẹ eghian ruẹn, vbe gha ru iran ẹse, rhie ne emwa mọmọ, ghẹ ghi vbe rhie aro ye odẹ khẹ emwi rhọkpa. A gha san ruẹn ẹse nọkhua, u ghi vbe gha re ovbi Osanobua Ne Ọ Yo Sẹ, rhunmwuda te irẹn maa ne emwa ẹse oghodan kevbe emwa dan.

Iwinna 14:18

Egbe i re egbe ne avbe ukọ ya sẹtin ye avbe ẹmwẹ na da emwa nii obọ yi ne iran ghẹ do ru iran.

Iwinna 17:26

Ke uwu ọmwa ọkpa rre, ọre ọ na yi emwi otọ ughughan ne iran gha rre otọ agbọn hia. ke odaro emwi hia, rẹn ọre ọ tobọ ẹre mwa ẹghẹ ne iran gha ya gha rrọ, ọ keghi ye uwu yi ehe ne iran gha ye vbọ.

Diuteronomi 11:14

Wa gha ru vberriọ, ọ gha gie amẹ rhọ ye otọ uwa vbe ẹghẹ ne ọ khẹ ke, vbe ẹghẹ ahọ orhọ kevbe ahọ uyunmwu, ne uwa miẹn ehe na gha mwẹ ọka, ayọn kevbe ofigbọn ọliv.

Diuteronomi 28:12

Ọ gha gie amẹ ke aza ọghe ọe vbe ẹrinmwi gha dee vbe ẹghẹ ọ re, ọ ghi fiangbe iwinna obọ uwa hia, sẹrriọ wẹ wa gha viọ ne ẹvbo ni bun mọmọ sokpan wa i ra rhie mọmọ vbe obọ iran rhọkpa.

I Timoti 6:17

Tama iran ni fe vbe emwi agbọn na wẹ, ne iran ghẹ tọn egbe mu, kevbe wẹ, ne iran ghẹ mu ẹtin yan egbe emwi ne ọ mu yo mu rre vbe ne ẹfe ye, sokpan ne iran mu ẹtin yan Osanobua, ọmwa ne ọ viọ emwi hia ne ima wọrhọwọrhọ ne a ya gha zọmọ.