Iwinna 14:14 - Edo Bible (E Baibol Ẹdo) Version 1996

¹⁴ Ugbẹn vbe Banabas kevbe Pọl ghi họn emwi ne iran ra do ru, iran keghi yanghan ukpọn iran an, iran keghi rhulẹ la uwu ẹbu nii, iran kegha goo wẹẹ,

Iwinna 14:14 ပူးပေါင်းရင်းမြစ်များ

II Ọba 18:37

Ẹre Eliaikim, Siebna kevbe Joa na sọ ukpọn iran an vbe akhiẹ, iran na ya na iyẹn ẹmwẹ ne ekaokuo Asiria do ta ma rẹn.

II Ọba 5:7

Ọba Izrẹl ghi tie ebe nii, ọ keghi sọọ ukpọn rẹn uan rhunmwuda ọ ye egbe wọ ọre, ọ kevbe fian ẹre afianma. Ọ keghi kha wẹẹ, “Vbe ọba e Siria na wẹ ne I sinmwi ọmwa na hẹ yi? Te irẹn ro ighẹ Osanobua ne ọ mwẹ ẹtin vbe uhunmwu arrọọ kevbe uwu mẹ khin ra? U ma miẹn ighẹ ẹmwẹ ọ re ọ ho mwẹ re na.”

Jerimaia 36:24

Sokpan ke ọba kevbe avbe ekhaẹmwẹ ọnrẹn ne ọ họn ẹmwẹ na hia, ọkpa ne ohan vbe mu, ra ne ọ vbe rhie ma wẹ ọ da iran ẹ i rrọọ.

Nọmbas 14:6

E Jọsua ne ovbi e Nọn kevbe Kelẹb ne ovbi e Jefunẹ na ye akhiẹ sọ ukpọn iran an.

Matiu 26:65

Ugbẹn vbe Ogie Ohẹn ghi họn ọna, ọ sọ ukpọn rẹn uan. Ọ wẹẹ, “Ọ rhoro, ma i ghi vbe gualọ osẹe ọvbehe. Wa tobọ uwa họn ẹmwẹ dan ne ọ guan rẹn.

Iyẹn ne ọ Maan Ọghe Mak 14:63

Ogie Ohẹn keghi sọ ẹwu ẹre ua, ọ wẹẹ, “Ma i ghi gualọ osẹe ọvbehe.

Iwinna 14:4

Emwa ẹvbo ni keghi wannọ egbe ye ihe eva, eso kegha rre obọ ọghe avbe Ju, eso vbọ, obọ ọghe avbe ukọ.

I Kọrinti 9:1

Ẹ i re ọdakha egbe mwẹ mẹ ye? Ẹ i re ukọ mẹ khin? Mẹ ma miẹn Jesu ra? Ẹ i re ere ne a miẹn vbe iwinna ne I ya obọ mwẹ winna ne Nọyaẹnmwa wa khin.