Iwinna 14:11 - Edo Bible (E Baibol Ẹdo) Version 1996

¹¹ Emwa ni gbe ẹbu ye evba ghi miẹn emwi ne Pọl ru, iran kegha ye ẹvbo iran ne Likaonia go wẹẹ, “Avbe ẹrinmwi mu akpa emwa ne agbọn yọ tuorre bu ima gha dee!”

Iwinna 14:11 ပူးပေါင်းရင်းမြစ်များ

Ezikiẹl 3:5

Ẹire emwa ni zẹ eghọnmighọn ọ re I giọ bu sokpan, ivbi Izrẹl nọ.

Iwinna 12:22

Iran keghi gha kha wẹẹ, “Ẹ i re ọmwa kẹkan ọre ọ guan ẹbọ ọkpa nọ.”

Iwinna 14:12

Iran kegha tie Banabas Ziọs, iran na vbe gha tie Pọl Hẹmẹs rhunmwuda ighẹ rẹn ọre ọ mobọ guan vbọ.

Iwinna 14:6

Emwi na ghi vẹ ne avbe ukọ rẹn, iran keghi lẹ gha rrie Listra kevbe Dẹbi, ẹvbo ni rre otọ Likaonia, kevbe ẹvbo ni lẹga ẹre hia.

Iwinna 28:6

Iran kegha ghe ẹre wẹ ẹ i ghi rre ọ hinmwiaẹn ra ne ọ de fianmwẹ otọ ne ọ wu. Iran ghi zẹ khẹ vbe ne emwi rhọkpa ne ọsughe ma na sunu vbe egbe ẹre, iran keghi fi unu werriẹ wẹ, “Ẹrinmwi oko na khin!”

Iwinna 8:10

Emwa hia ni rre ore ẹvbo ni, ke egbe ibiẹka ya sẹ egbe eniwanrẹn, keghi wa gha danmwehọ ẹre ẹsẹse. Iran kegha kha wẹẹ, “Rẹn ọrọre ẹtin ọghe Osanobua ọkpa ne a tie ẹre ‘Ẹtin Nọkhua.’ ”