Iwinna 14:1 - Edo Bible (E Baibol Ẹdo) Version 1996
1 Erriọ ọre ọ vbe gha ye vbe Aikọniọm, Pọl kevbe Banabas kegha rrie Ọgua ediọn avbe Ju, iran keghi guan ẹsẹse, sẹrriọ ne avbe Ju ni bun kevbe iran ne ẹ i re Ju na wa yayi.
Avbe Ju kegha gu egbe guan wẹẹ, “De ehe ne ọ khian gha rrie ne ima i ra na miẹn ọẹn yi? Te ọ khian bu avbe Ju ni rre ẹvbo avbe Grik ra ne ọ ya gha ma iran ne Grik emwi?
Avbe emwa ghi kpao vbe iko nii rre nẹ, avbe Ju ni bun kevbe emwa ne ẹ i re Ju ni dẹ egbe la e Ju, keghi lele Pọl vbe Banabas. Avbe ukọ keghi bu iran ude, khama irn wẹ ne iran gha rrọọ vbe uwu ẹsọhẹ Osanobua vbe uyinmwẹ ẹdẹ agbọn iran.
Sokpan Pọl kevbe Banabas keghi dọlegbe ya udinmwẹ tua unu muẹn wẹẹ, “Emwi ne ọ kere ẹsẹse te nọ wẹ, wa ọre a gha ka ta ẹmwẹ Osanobua ma, sokpan vbe ne uwa ma ghi na rhan obọ miẹn rẹn nian, wa na wẹ, wa ma ka egbe uwa ye emwa ni ke ye ẹfe ne ẹ i fo, ma gha sẹ uwa rae ne ima bu iran ne ẹ i re Ju.
Avbe Ju eso keghi ke Antiọk ne ọ rre otọ Pisidia kevbe Aikọniọm gha dee, iran ruẹn ẹmwẹ ye emwa nii ẹko ya viọ iran ba egbe, iran keghi filo okuta gbe Pọl, iran na hiọrọ ẹe fua hin adesẹ ore ẹvbo rre, iran te ro ighẹ ọ wu nẹ.
Pọl kevbe Banabas keghi kpe orhu Iyẹn Ne ọ maa vbe Dẹbi, iran keghi miẹn emwa ni bun viọ ba egbe vbe evba. Iran keghi werriegbe gha rrie Listra kevbe Aikọniọm kevbe Antiọk ne ọ rre Pisidia.
Pọl kegha rrie Dẹbi kevbe Listra. Ovbi iyayi ọkpa ne a tie ẹre Timoti keghi rre evba, iye ẹe ne ọ vbe re ovbi iyayi keghi re Ju sokpan erha ẹe kegha re Grik.
Rhunmwuda ọnii rẹn keghi gu avbe Ju kevbe emwa ne ẹ i re Ju ni vbe ga Osanobua gha muan ẹmwẹ vbe Ọgua ediọn kevbe ada ẹdẹgbegbe, deba emwa ni ghi rrie evba nẹ hiehie.
A keghi fi eso vbe uwu iran werriẹ, iran keghi deba Pọl kevbe Sailas, erriọ ọre ni bun vbe uwu iran ne Grik ni ga Osanobua vbe ru, kevbe eso vbe uwu avbe ikhuo nihiunsi.
Krispọs ne ọre ọka Ọgua ediọn keghi ya Nọyaẹnmwa yi, ke irẹn kevbe ẹgbẹe ọre hia. Emwa ni bun ọvbehe keghi vbe họn iyẹn ne ọ maa ni vbe Kọrinti, iran yayi, a keghi sa amẹ ne iran.
Ugbẹn vbe avbe Ju kevbe iran ne ẹ i re Ju ni rre Ẹfisọs họn ẹmwẹ na, ohan keghi mu iran ẹsẹse. Eni Nọyaẹnmwa Jesu keghi khian ne a ye ọghẹ na ẹsẹse sẹ ayọ.
Pọl keghi la Ọgua ediọn, ọ keghi ya uki eha mobọ gu avbe emwa ni guan, ọ keghi gu iran gha muan ẹmwẹ, ọ kegha ho ne ọ fi iran ekhọe werriẹ ghe ẹmwẹ Arriọba Osanobua.
Iran ne Ju kevbe iran ne ẹ i re Ju, te I si agbada vbe unu ya tama emwa hia wẹẹ ne iran zobọ vbe orukhọ, ne iran bu Osanobua gha dee kevbe ne iran ya Nọyaẹnmwa Jesu yi.
Iran kegha go kha wẹ, “Ivbi Izrẹl, wa bu rre, wa ghe okpia ne ọ lele ehe hia khian ya gha tama emwa hia wẹ ne iran ghẹ zẹ ye ẹmwẹ ivbi Izrẹl ra Uhi e Mosis kevbe Ọgua Osa. Ghe vbe ọ vbe hẹ emwa ne ẹ i re Ju la uwu Ọgua Osa ne ọ do ya mu awua la ehe ne ọ huanrẹn na!”
Emwa hia ọre a kha, rhunmwuda alughaẹn i rrọọ ne Ju ra iran ne ẹ i re Ju, Osanobua ọrọre Nọyan ehia, ọ ghi vbe gha fiangbe iran hia ni datie ẹre wọrhọwọrhọ.
Rhunmwuda ọnii, alughaẹn ne egbe i rrọọ vbe ẹkpo avbe Ju kevbe avbe iran ne ẹ i re Ju, eviẹn kevbe ne ẹ i re eviẹn, ikpia ra ikhuo, ọkpa wa hia khin vbe uwu a ya egbe ba Kristi Jesu.
Rhunmwuda ọnọna nian, ọmwa ne ẹ i re Ju ra ọmwa ne ọ re Ju i ghi rrọọ, ne ọ rhuẹre ra ne ọ ma rhuẹ, ighọnmighọn, edigue aranmwẹ oha, eviẹn ra iran ni yan egbe iran ẹ i ghi rrọọ, sokpan Kristi ọrọre ehia, Kristi rre uwu iran hia!
Ukpokpo ne a rhie mẹ, kevbe oya ne I re. U rẹn emwi ne ọ sunu vbe egbe mwẹ hia vbe Antiọk, Aikoniọm, kevbe Listra. Ukpokpo nọkhua ne I ya egbe miẹn. Sokpan Nọyaẹnmwa keghi miẹn mwẹ fan vbe ehia.