Iwinna 13:6 - Edo Bible (E Baibol Ẹdo) Version 1996

⁶ Iran keghi wa fian ẹvbo ne amẹ lẹga ni rra gha rrie Pafọs, iran keghi dekun ọbo edunna ọkpa ne a tie eni ẹnrẹn Ba-Jesu vbe evba, ovbi e Ju ọkpa ne ọ vbe gha tie egbe ẹre akhasẹ.

Iwinna 13:6 ပူးပေါင်းရင်းမြစ်များ

I Ọba 22:22

Orhiọn nii keghi kha wẹẹ, ‘I gha yo ya ru ẹe ne avbe akhasẹ Ehab hia gha ta ohoghe.’ E Nọyaẹnmwa keghi tama rẹn wẹẹ, ‘Gha khian ya rẹrẹ ọe, u gha sẹtin.’ ”

I Krọnikol 10:13

E Sọl wu rhunmwuda, ọ ma ya ekhọe rhie egbe mu Osanobua. Ọ he iyi Osanobua ye otọ ọ kegha gualọ igiodẹ odẹ ne ọ gha ru emwi la vbe obọ emwa ni wulo nẹ kevbe vbe obọ orhiọn emwa ni

Ẹksọdọs 22:18

“Okhuo ne ọ re oso, wa ghi gbe ẹe rua.

Levitikọs 20:6

“De ghẹ ọmwaikọmwa yo ọghe iran ni gu avbe eniwu nẹ guan, I gha mu aro da ẹre, mẹ i ghi ra vbe ka ẹe ba emwa mwẹ.

Zẹkaraia 13:3

“Ẹghẹ nii, ọmwa ikọmwa ne ọ ghi kha wẹ ẹ i mwẹ vbene ọ ye irẹn hẹ ighe ẹmwẹ akhasẹ, erha kevbe iye ne ọ biẹ ọe ghi tama rẹn te a gha gbe ẹe rua, rhunmwuda ọ khare wẹ ẹmwẹ e Nọyaẹnmwa ọ re irẹn ta, sokpan, ọ na gha ta ohoghe. Ọ gha guan vbe akhasẹ, erha kevbe iye ni biẹ ọe ghi ye agbada bi ẹre gbua.

Matiu 16:17

Jesu wanniẹn wẹẹ, “Saimọn ne ovbi Jona, ọ ma nuẹn ẹsẹse rhunmwuda ẹ i re ọmwa kẹkan ọre ọ rhie ẹmwata na ma ruẹn, obọ Erha mwẹ ne ọ rre ẹrinmwi taara ọre ọ ke bu ruẹ gha dee.

Matiu 24:24

Rhunmwuda, avbe akhasẹ kevbe Mẹzaia ohoghe gha rre. Iran gha winna iwinna ama kevbe iwinna ọyunnuan ni bun ne iran ya rẹrẹ emwa ne Osanobua hannọ zẹ re deghẹ ẹtin iran sọe.

Matiu 7:15

“Wa gha ba avbe akhasẹ ohoghe. Iran gha mu akpa ohuan khuẹrhẹ yọ bu uwa rre, sokpan oduma dan iran wa khọ vbe uwu egbe.

Iyẹn ne ọ Maan Ọghe Mak 10:46

Iran keghi do sẹ Jẹriko. Ugbẹn vbe Jesu ghi khian ke irẹn kevbe erhuanegbe ẹre kevbe emwa ni bun ẹsẹse, okpia ọkpa ne ọ rhu aro, Batimiọs ne ovbi Timiọs keghi tota vbe ọkpẹn odẹ gha vbu evbare.

Iwinna 13:13

Pọl ke ẹe kevbe otu ẹre keghi gua okọ ke Pafọs gha die Pẹga ne ọ rre Pamfilia, sokpan Jọn Mak keghi sẹ iran rae vbe evba, ọ na gha rrie Jerusalẹm.

Iwinna 13:8

Sokpan, Elimas ne ọbo edunna na (erriọ a tie ẹre vbe Grik) keghi gha gbe odan ye iran ẹmwẹ, ọ keghi ho ne ọ rhie ekhọe Enogie hin iyayi ni rre.

II Kọrinti 11:13

Avbe emwa ni i re ukọ ne ukọ, ukọ ohoghe iran khin, iran ni vbe ta ohoghe ye iwinna iran, iran ghi fi egbe werriẹ, ne iran ba do ye vbe ukọ ne ukọ ọghe Kristi.

II Timoti 3:8

Zẹ vbene Janis kevbe Jambres gha gbe odan ghe Mosis, erriọ emwa na gbe odan ghẹ ẹmwata, emwa na, ekhọe iran i ghi winna, iran keghi vbe gbe akuọkan vbe iyayi.

I Jọn 4:1

Wa ne ọse mwẹ ni ghaan, wa ghẹ gha ya iran hia ni kha ighẹ iran mwẹ nene Orhiọn yi, sokpan wa ghi ka danmwẹ ọẹn ghe nẹ ne uwa miẹn ehe na rẹn a deghẹ obọ Osanobua ọre nene orhiọn ne iran mwẹ ke rre. Rhunmwuda avbe akhasẹ ohoghe ni bun wa vẹ gba ehe hia.

Arhie Maan 19:20

A keghi mu aranmwẹ oha nii oghunmwu ke ẹe kevbe akhasẹ ohoghe nii ne ọ winna iwinna ọyunnuan vbe odaro ẹre. (Ama ọyunnuan nii ọre ọ ya rẹrẹ iran re ighẹ iran ni vin ama aranmwẹ oha ni ye egbe, ne iran na vbe gha ye uhunmwu rhanmwẹ otọ ne amazẹ ọre.) Aranmwẹ oha nii ke ẹe kevbe akhasẹ ohoghe nii, a keghi munọ iran ke ẹmwẹ ne unu fi lo ku uwu odighi erhẹn ne ọ giẹn emwi ne ọ ye vbe ugbofi ladian.