Iwinna 13:50 - Edo Bible (E Baibol Ẹdo) Version 1996

⁵⁰ Sokpan avbe Ju keghi kpikpi avbe ikpia ne a rẹn vbe ẹvbo, ni rre ẹvbo nii, kevbe avbe ikhuo ni hin ukhuaẹn ne ẹ i re Ju, ni ga Osanobua. Iran keghi hẹ ẹmwẹ da Pọl kevbe Banabas, iran na khulo iran hin iwewe ni rre.

Iwinna 13:50 ပူးပေါင်းရင်းမြစ်များ

I Ọba 21:25

(A ma he vbe miẹn ọmwa ne ọ wa rhie egbe ẹre fẹẹrẹ yọ ne ọ wa gha ru emwi ne ọ ma gba vbe odaro e Nọyaẹnmwa zẹ vbe ne Ehab gha ye, ne a miẹn wẹ e Jezibẹl ne amwẹ ọnrẹn gha kpikpi fiọ ne ọ gha ru ẹe.

Aizaia 66:5

Danmwehọ vbene Nọyaẹnmwa kha hẹ, wa ni mu ohan rẹn, ni vbe họn ẹmwẹ ne ẹẹn: “Rhunmwuda ighẹ wa rhie egbe mu mwẹ, eso vbe uwu avbe emwa khọ ẹko uwa, iran i vbe gu uwa mu obọ hiehiere. Iran ya uwa gbe ogiẹ, iran ghi vbe kha wẹẹ, ‘Wa gie Nọyaẹnmwa rhie ukpọlọmwẹ ọnrẹn ma nian, ne ọ miẹn uwa fan, ne ima miẹn ọẹn vbe uwa a gha ghọghọ.’ Sokpan, te a ra fa iran tobọ iran an.

Emọs 7:12

Ẹre Amezaia ghi na khama Emọs wẹẹ, “Ọnii sẹe, akhasẹ, gha rri Juda ne u ya gha kpe orhu vbe odọ.

Matiu 10:23

Deghẹ iran zẹ uwa owẹ vbe ẹvbo ọkpa, wa lẹ gha rrie ọvbehe. Ne I tama uwa, ẹ i kẹ uwa ya winna la otọe Izrẹl hia fo Ovbi Ọmwa ke rre.

Iyẹn ne ọ Maan Ọghe Mak 15:43

Ọmwa kpataki wa nọ vbe uwu Iko ore ẹvbo. Rẹn keghi vbe re ọkpa vbe uwu emwa ni mudia khẹ ẹghẹ ne Arriọba Osanobua gha ya rre. Ọ kegha re ẹdẹ Imuegbe ye otọ (ọnii nọ wẹ, ẹdẹ ne ọ ke aro ne Ẹdẹ Ikẹtin); Josẹf keghi bu Pailet gha khian, ọ nọ rẹn wẹ ne ọ mu ikun Jesu ne irẹn.

Iyẹn ne ọ Maan Ọghe Mak 5:17

Rhunmwuda ọnii, iran rinmwian Jesu ne ọ la hin iwewe ẹvbo iran rre.

Iwinna 13:43

Avbe emwa ghi kpao vbe iko nii rre nẹ, avbe Ju ni bun kevbe emwa ne ẹ i re Ju ni dẹ egbe la e Ju, keghi lele Pọl vbe Banabas. Avbe ukọ keghi bu iran ude, khama irn wẹ ne iran gha rrọọ vbe uwu ẹsọhẹ Osanobua vbe uyinmwẹ ẹdẹ agbọn iran.

Iwinna 13:45

Ugbẹn vbe avbe Ju ghi miẹn ubunmwẹ ẹvbo, igbọvo keghi vuọn iran ekhọe, iran kegha gbe odan ye ẹmwẹ ne Pọl ta, iran na gha ya ukpẹ sakan ẹn.

Iwinna 14:19

Avbe Ju eso keghi ke Antiọk ne ọ rre otọ Pisidia kevbe Aikọniọm gha dee, iran ruẹn ẹmwẹ ye emwa nii ẹko ya viọ iran ba egbe, iran keghi filo okuta gbe Pọl, iran na hiọrọ ẹe fua hin adesẹ ore ẹvbo rre, iran te ro ighẹ ọ wu nẹ.

Iwinna 14:2

Sokpan avbe Ju ni ma yayi keghi bọ iran ne ẹ i re Ju yọ, iran keghi fi iran ekhọe werriẹ mu aro da iran ne etẹn.

Iwinna 14:4

Emwa ẹvbo ni keghi wannọ egbe ye ihe eva, eso kegha rre obọ ọghe avbe Ju, eso vbọ, obọ ọghe avbe ukọ.

Iwinna 14:5

Ẹghẹ nii ọre iran ne Ju kevbe iran ne ẹ i re Ju, deba avbe olotu iran, na wẹ ne iran rri avbe ukọ oya ne iran vbe filo okuta gbele iran uan.

Iwinna 16:14

Ọkpa vbe uwu iran ni họn ẹmwẹ ima keghi re Lidia ne ovbi Tiatira, ukpọn ododo ọre ọ khiẹn. Rẹn keghi re okhuo ne ọ ga Osanobua, Nọyaẹnmwa keghi rhie ẹre ekhọe yọ ne ọ danmwehọ ẹmwẹ ne Pọl ta.

Iwinna 17:12

Ni bun vbe uwu iran keghi yayi. Ikhuo ni bun ni hin usi vbe uwu avbe Grik, kevbe ikpia Grik ni bun kevbe yayi.

Iwinna 17:13

Sokpan ugbẹn vbe avbe Ju ni rre Tẹsalonaika ghi họn ighẹ Pọl vbe kpe orhu ẹmwẹ Osanobua vbe Bẹrea, iran keghi vbe do bọọ emwa nii ye ẹmwẹ ne a ru.

Iwinna 17:17

Rhunmwuda ọnii rẹn keghi gu avbe Ju kevbe emwa ne ẹ i re Ju ni vbe ga Osanobua gha muan ẹmwẹ vbe Ọgua ediọn kevbe ada ẹdẹgbegbe, deba emwa ni ghi rrie evba nẹ hiehie.

Iwinna 17:4

A keghi fi eso vbe uwu iran werriẹ, iran keghi deba Pọl kevbe Sailas, erriọ ọre ni bun vbe uwu iran ne Grik ni ga Osanobua vbe ru, kevbe eso vbe uwu avbe ikhuo nihiunsi.

Iwinna 18:7

Ọ keghi rhunmwuda ọnii kpao sẹ iran rae, ọ na ya di owa ọmwa ọkpa ne ẹ i re Ju ne a tie eni ẹnrẹn Titiọs Jọstọs ya. Owa ẹre ọre ọ diake Ọgua ediọn.

Iwinna 2:5

Avbe Ju keghi rre Jerusalẹm, emwa ni ke dọmwadẹ ẹvbo vbe otọ agbọn gha dee do ru ugamwẹ.

Iwinna 21:27

Ọ ghi bu ẹghẹ ne ikpẹdẹ ihinrọn ni gha ya gba, avbe Ju eso ni ke otọe Esia rre keghi miẹn e Pọl vbe uwu Ọgua Osa, iran na kpe emwa nii ekpe ye ọre egbe, iran na mu e Pọl.

Iwinna 28:17

Vbe ikpẹdẹ ne ogieha, e Pọl keghi tie iko avbe olotu e Ju ni rre ẹvbo ni. Iran ghi si koko nẹ, ọ tama iran wẹẹ, “Etẹn mwẹ: Jerusalẹm ọre a na mu mwẹ zẹ vbe oleghan, a na rhie mwẹ ne emwa Rom, vbe ne ma na ru abaku ru ghe ọmwaikọmwa ra iyi avbe erha mwa odede.

Iwinna 6:12

Erriọ iran ya ruẹn ẹmwẹ ye avbe emwa kevbe avbe ediọn kevbe iran ni ma emwa Uhi ẹko. Iran na bu Stivin gha dee, iran mu ẹn, iran na rhie ẹre gha die odaro Iko.

Iwinna 8:1

Ọ keghi wa yẹ Sọl wẹ a gbe ẹe rua. Ẹdẹ ne ẹdẹrriọ zẹẹ ọre esọsi ne ọ rre Jerusalẹm suẹn gha miẹn ukpokpo. Emwa ni yayi hia keghi zagha lele iwewe Judia kevbe Sameria hia, avbe ukọ ọre ọ ghi de kẹe.

Ebe ne Pọl gbẹẹn gie emwa Rom 10:2

Rhunmwuda I gha wa sẹ osẹe ne iran. wẹ ẹmwẹ Osanobua wa rre iran ekhọe ẹsẹse. Sokpan, vbene ẹmwẹ ọnrẹn rre iran ekhọe ma lele uviẹn ọghe ọmwa ne ọ rẹn emwi ẹse.

II Kọrinti 11:26

Vbe okhian ni bun ni yo, I rhie uhunmwu mwẹ atataobọ vbe ẹzẹ ne ọ rro kevbe vbe obọ avbe izigan, vbe obọ avbe Ju ne iho mwa, kevbe avbe iran ne ẹ i re Ju, I rhie uhunmwu da ẹbe vbe adesẹ ore ẹvbo, ẹbe vbe otọe oha, ẹbe vbe ẹzẹ, ẹbe vbe obọ avbe ọse ne akọn giẹ.

I Tẹsalonaika 2:14

Etẹn mwẹ, emwi ne ọ vbe sunu vbe egbe esọsi Osanobua ni rre Judia, ọre ọ vbe sunu vbe egbe uwa, zẹ vbe iran ni re emwa Kristi Jesu ni rre ẹvbo nii. Ukpokpo ne emwa ẹvbo uwa vbe hẹ lele uwa, ọre emwa e Ju vbe hẹ lele iran.

II Timoti 3:11

Ukpokpo ne a rhie mẹ, kevbe oya ne I re. U rẹn emwi ne ọ sunu vbe egbe mwẹ hia vbe Antiọk, Aikoniọm, kevbe Listra. Ukpokpo nọkhua ne I ya egbe miẹn. Sokpan Nọyaẹnmwa keghi miẹn mwẹ fan vbe ehia.