Iwinna 13:48 - Edo Bible (E Baibol Ẹdo) Version 1996

⁴⁸ Ugbẹn vbe iran ne ẹ i re Ju ghi họn ẹmwẹ na, iran keghi ghọghua, iran keghi rho ẹmwẹ Nọyaẹnmwa, iran ne a hannọ zẹ ye ẹfe ne ẹ i fo nẹ, keghi do yayi.

Iwinna 13:48 ပူးပေါင်းရင်းမြစ်များ

Psalm 138:2

Mẹ werriẹ aro da Ọgua Osa ruẹ ne ọ huanrẹn, I vbokho egbe rriotọ, I kevbe rho eni ruẹn, rhunmwuda ahoẹmwọmwa ruẹn ne ẹ i beghe, kevbe ẹmwata ruẹ, rhunmwuda, we rhie maa nẹ wẹ, eni ruẹn kevbe iyi ruẹ, ne ẹ i mwẹ ihegbe nọ.

Matiu 25:46

A ghi hẹ iran na gha rrie uwu irrioya ne ẹ i mwẹ ọfo, avbe emwata ghi gha rrie arrọọ etẹbitẹ.”

Matiu 28:16

Avbe erhuanegbe owọrọ ni kegha rrie uhunmwu oke ne Jesu tama iran wẹ ne iran gha rrie vbe Galili.

Iyẹn ne ọ Maan Ọghe Luk 7:8

Rhunmwuda, mẹ tobọ mwẹ, ototọ asẹ emwa ni sẹ mwẹ ọre I ye. Mẹ vbe mwẹ ivbiyokuo vbe ototọ mwẹ. I gha khama ọna wẹ, ‘gha khian’ ọ ghi gele gha khian, I ghi vbe khama ọvbehe wẹ, ‘gha dee,’ ọ ghi gele vbe gha dee. Erriọ ọre I vbe tama ọviẹn mwẹ wẹ, ‘Ru emwi na,’ ọ ghi gele ruẹe.”

Iyẹn ne ọ Maan Ọghe Jọn 10:16

I ye vbe mwẹ avbe ohuan ọvbehe ne ẹ i re oghẹn na. I gha vbe viọ iran rre, iran gha họn urhu mwẹ, ẹghẹ nii, iran ghi do gha re oghẹn ohuan ọkpa, ọsuohuan ọkpa.

Iyẹn ne ọ Maan Ọghe Jọn 11:52

Sokpan ẹ i re ne iran ọkpa, sokpan ne ọ vbe si ivbi Osanobua ni zagha kua koko ye otu ọkpa.)

Iwinna 13:12

Enogie ghi miẹn emwi ne ọ sunu, ọ na yayi, emwi ne a ma ẹre re vbe kpa Nọyaẹnmwa keghi wa yan ẹre unu uan.

Iwinna 13:42

Ugbẹn vbe Pọl kevbe Banabas ghi wa ladian vbe Ọgua ediọn avbe emwa ni keghi khama iran wẹ ne iran vbe dọlegbe gha dee vbe Ẹdẹ Ikẹtin ne ọ lele ẹe, ne iran ye ta ẹmwẹ na ma iran sẹ ayọ.

Iwinna 15:2

Pọl kevbe Banabas keghi gu iran muan imuaẹmwẹ ne ọ wegbe rhunmwuda ẹmwẹ na, ọre a ghi na do ta ẹe wẹ ne Pọl kevbe Banabas deba emwa eso ọvbehe vbe Antiọk do gha rrie Jerusalẹm ne iran ya miẹn avbe ukọ kevbe avbe ediọn ba ẹmwẹ na.

Iwinna 15:31

Avbe emwa nii ghi tie ebe nii nẹ, ẹko iran keghi vuọn ne oghọghọ ye ẹmwẹ igiọdu na.

Iwinna 2:41

Ni bun vbe uwu iran keghi ya ẹmwẹ ọnrẹn yi, a keghi sa amẹ ne iran, emwa ni do ya egbe ba iran vbe ẹdẹrriọ kegha re omwa arriaisẹn eha.

Iwinna 2:47

Iran kegha rho Osanobua vbe uyi, agbọn hia keghi wa gha ta ẹmwẹ iran ne ọ maa. Nọyaẹnmwa kegha viọ avbe emwa ne a ra miẹn fan ba otu iran ẹdẹgbegbe.

Iwinna 20:13

Ma keghi ya la okọ, a na gua gha rrie Asọs, eke ne ima ra na ya mu e Pọl. Otọ ọre iran la gha rrie evba, ọre ọ na wẹ ne ima do mu irẹn vba.

Iwinna 22:10

Mẹ keghi nọ wẹẹ, ‘Vbe i a gha ru yi Nọyaẹnmwa?’ Nọyaẹnmwa keghi tama mwẹ wẹ, ‘Kpaegbe ne u gha rrie Damaskọs, odọ nii a gha na tama ruẹn emwi ne Nọyaẹnmwa mwamwa ye otọ khẹ ruẹ ne u gha ru.’

Iwinna 28:23

Rhunmwuda ọnii, iran keghi bu ẹdẹ ne Pọl. Emwa ni bun sẹ ọnii ẹsẹse keghi rrie ehe ne Pọl dia ẹdẹ nẹdẹrriọ ke owiẹ ya sẹ asọn, ọ keghi rhan otọ ẹre ma iran, ọ kegha ta ẹmwẹ Arriọba Osanobua ma iran. Ọ keghi te gha ho ne ọ fi iran ekhọe werriẹ ghe ẹmwẹ Jesu vbekpa ne ọ na gha tie ebe Uhi Mosis kevbe emwi ne avbe akhasẹ gbẹnnẹ ye otọ ma iran.

Iwinna 8:8

Oghọghọ nọkhua keghi wa gha rre Sameria.

Ebe ne Pọl gbẹẹn gie emwa Rom 11:7

Vbe a ghi tae hẹ na yi? Obọ ivbi Izrẹl ma vba emwi ne iran te gualọ. Omwa ibozẹghe ne Osanobua hannọ zẹ ọre ọ miẹn ọẹn. Iran nekpa keghi yin ehọ vbe Osanobua tie iran.

Ebe ne Pọl gbẹẹn gie emwa Rom 13:1

Ọ kere ne emwa hia gha họn ẹmwẹ ne avbe ukọ ẹvbo, rhunmwuda asẹ ọkpa i sẹtin gha rrọọ vbe ẹ i re te Osanobua ye obọ yọ, avbe emwa ni rre asẹ hia, Osanobua ọre ọ viọ iran ye evba.

Ebe ne Pọl gbẹẹn gie emwa Rom 8:28

Ma rẹnrẹn wẹ vbe uwu emwi hia, te Osanobua yaba emwa ni ho ẹmwẹ ọnrẹn ru emwi ne ọ ma an, avbe emwa ne irẹn tie re zẹ vbene ọ mwamwa ẹn.

I Kọrinti 16:15

Wa rẹn Stefanas kevbe ẹgbẹe ọre, iran ọre emwa ni ka gha yayi vbe Gris, iran keghi wa mu egbe ye ẹmwẹ ne a gha ga emwa Osanobua. Wa lahọ etẹn mwẹ,

Ẹfisọs 1:11

Rhunmwuda, vbene Osanobua we emwi gha ye ọre ọ ye, Osanobua keghi zẹ mwa wẹ ne ima gha re emwa irẹn, vbe uwu a ya egbe ba Kristi, rhunmwuda, emwamwa ne irẹn mwamwa ẹn zẹ vbene ọ ta ẹe ke omuhẹn gha dee.

Ẹfisọs 1:19

Kevbe vbene ẹtin ẹnrẹn ne ọ winna vbe uwu ima ni yayi kpọlọ sẹ hẹ. Ne ne ẹtin nọ rre uwu ima na, ọre ọ vbe re ẹtin nọkhua ni.

Ẹfisọs 1:4

Vbe a te do yi agbọn, Osanobua hannọ ima zẹ nẹ ne ima gha re ọghe ẹe vbe uwu Kristi, ne ima sẹtin gha re ne ọ huanrẹn kevbe ne ẹ i mwẹ abe vbe odaro ẹre. Rhunmwuda aho ẹmwẹ ọmwa rẹn.

Ẹfisọs 1:5

Osanobua tae nẹ wẹ vbe ekpa Jesu Kristi, rẹn gha silo ima rrie egbe ne ima do gha re ivbi ẹre, vbene ọ yẹ ọre, kevbe vbene ọ mwamwa ẹn ọre ọna khin.

II Tẹsalonaika 3:1

Vbe okiekie ehia etẹn mwẹ, wa gha na erhunmwu ne ima, ne ẹmwẹ Nọyaẹnmwa miẹn ehe na sẹtin zẹgiẹ gha vẹ khian, ne ọ vbe gha mwẹ uyi zẹ vbe ne ọ gha ye vbe ehe ne uwa ye.