Iwinna 13:46 - Edo Bible (E Baibol Ẹdo) Version 1996

⁴⁶ Sokpan Pọl kevbe Banabas keghi dọlegbe ya udinmwẹ tua unu muẹn wẹẹ, “Emwi ne ọ kere ẹsẹse te nọ wẹ, wa ọre a gha ka ta ẹmwẹ Osanobua ma, sokpan vbe ne uwa ma ghi na rhan obọ miẹn rẹn nian, wa na wẹ, wa ma ka egbe uwa ye emwa ni ke ye ẹfe ne ẹ i fo, ma gha sẹ uwa rae ne ima bu iran ne ẹ i re Ju.

Iwinna 13:46 ပူးပေါင်းရင်းမြစ်များ

Itan 28:1

Ọmwa dan ghi gha lẹ, vbene ọmwa rhọkpa ma na khu ẹe, sokpan ọmwa esi ghi din zẹ vbe oduma.

Aizaia 55:5

Banbanna nian, wa gha gie ne a tie avbe uhunmwu ẹvbo ọvbehe; vbe ẹghẹ ọkpa, iran ma te rẹn uwa sokpan, eban nian, iran gha ya ulẹ rre do deba uwa. Mẹ ne Nọyaẹnmwa ne Osanobua ruẹ, Osanobua nọhuanrẹn ọghe Izrẹl ọre ọ ra ru ẹe ne emwi na hia sunu. I gha rhie ọghọ kevbe uyi ne uwa.”

Ezikiẹl 2:5

A deghẹ iran ne etẹ nii ghi họn ra iran ma họn, iran gha rẹn wẹ, akhasẹ rre ehe ne iran ye.

Matiu 10:6

Wa bu ohuan ni wiri ni rre ivbi Izrẹl gha khian.

Matiu 21:41

Iran wanniẹn wẹẹ, “Te ọ ra gbele emwa dan ni uan, ọ ghi mu ugbo ni ne emwa ọvbehe ni gha viọ emwi ne ọ sẹ irẹn egbe ne ẹn vbe ẹghẹ, vbe iran a rhọ emwiorhọ.”

Matiu 21:43

Jesu keghi gbẹe wanniẹn wẹẹ, “Ne I tama uwa, a gha miẹn uwa Arriọba Osanobua, a ghi rhie ne emwa ọvbehe ni gha sẹtin mọ ọmọ ladian vbe ne ọ kei yi. [

Matiu 25:46

A ghi hẹ iran na gha rrie uwu irrioya ne ẹ i mwẹ ọfo, avbe emwata ghi gha rrie arrọọ etẹbitẹ.”

Iyẹn ne ọ Maan Ọghe Luk 24:47

Kevbe wẹẹ, eni ẹnrẹn ọre a gha ya kpe orhu a roiro fi uyinmwẹ werriẹ kevbe a yabọ orukhọ ma uhunmwu ẹvbo hia, Jerusalẹm ọre a gha ke suẹ ọnrẹn.

Iyẹn ne ọ Maan Ọghe Jọn 1:11

Rẹn kegha die ẹvbo irẹn tobọ ẹre, sokpan avbe emwa rẹn ma rhan obọ miẹn rẹn.

Iyẹn ne ọ Maan Ọghe Jọn 4:22

Wa ne ivbi e Sameria ma mobọ rẹn ọmwa ne uwa ga. Ma ne Ju rẹn ọmwa ne ima ga rhunmwuda obọ avbe Ju ọre imiẹnfan ke rre.

Iwinna 13:14

Iran ghi kpao vbe Pẹga rre, iran na gha die Antiọk ne ọ rre Pisidia, ọ ghi sẹ Ẹdẹ Ikẹtin, iran keghi la uwu Ọgua ediọn ya tota.

Iwinna 13:26

“Wa ne etẹn mwẹ, ivbi uniẹn Ebraham, kevbe uwa ne ẹ i re Ju, vbe emwa na, ni vbe ga Osanobua, ma ọre a gie uhunmwu imiẹnfan na gie.

Iwinna 13:5

Iran ghi sẹ Salamis, iran kpe orhu ẹmwẹ Osanobua vbe Ọgua ediọn avbe Ju, iran keghi rhie Jọn mwẹ obọ ne ọ gha ru iyobọ ne iran vbe iwinna.

Iwinna 19:9

Sokpan eso vbe uwu iran keghi ze utun vbe ehọ, iran ma yayi, iran kegha filo unu gie Odẹ ọghe Nọyaẹnmwa sirra emwa nii hia. Pọl keghi rhunmwuda ọnii sẹ iran rae, ọna viọ avbe erhuanegbe nii, ọ kegha ma emwa emwi ẹdẹgbegbe vbe owa iruẹmwi ọghe Tiranọs.

Iwinna 22:21

Nọyaẹnmwa keghi tama mwẹ wẹ, ‘Gha khian, rhunmwuda mẹ gha gie uwẹ gha rrie odẹ ne ọ rrei, bu avbe iran ne ẹ i re Ju.’ ”

Iwinna 26:20

I keghi suẹn gha kpe orhu, okaro vbe Damaskọs, vbe iyeke ọnii vbe Jerusalẹm kevbe la otọ Judia hia kevbe ma iran ne ẹ i re Ju wẹ ne iran fi uyinmwẹ werriẹ vbe ọghe orukhọ ne iran ru, ne iran bu Osanobua gha dee ne iran vbe gha ru emwi ne ọ gha rhie ma ighẹ iran gele fiwerriẹ.

Iwinna 28:28

E Pọl keghi rhie tẹe wẹẹ: “Wa ghi rẹn nian wẹ a rhie ẹmwẹ imiẹnfan Osanobua bu iran ne ẹ i re Ju gha khian, iran gha miẹn họn.” [

Iwinna 3:26

Ọnii ọ si ẹe ne Osanobua ghi na zẹ Ọguọmwadia ẹre nẹ, ọ keghi ka gie ẹe bu uwa gha dee ne ọ do fiangbe uwa vbe ekpa ne ọ gha na ya uwa hia fi iyeke gbe odẹ dan ne uwa te la khian.”

Iwinna 4:13

Unu keghi mobọ yan emwa ni rre Iko nii vbe iran miẹn vbene Pita kevbe Jọn din hẹ, sẹe hia vbe iran ghi vbe do rẹn wẹ emwa kẹkan ni ma ruẹ ebe ọre iran khin. Ẹkpo nii ọre iran na do yerre wẹ Jesu ọre iran ka gha lele khian.

Iwinna 7:51

“Wa na ni zẹ udu gbee! Wẹ ne ekhọe ibisi, wa ni kan igban khiọ ehọ, ne ẹ i họn ẹmwẹ Osanobua. Vbene avbe erha uwa gha ye ọre uwa vbe ye. Orhiọn Ne Ọ Huanrẹn ọre uwa gu suan ẹdẹ.

Iwinna 9:20

Ọ keghi wa gha lele Ọgua ediọn iran khian, ọ na gha kpe orhu Jesu, ọ wẹẹ, “Rẹn ọrọre Ovbi Osanobua.”

Ebe ne Pọl gbẹẹn gie emwa Rom 1:16

I wa mu ẹtin yan iyẹn ne ọ maa, ẹtin ne Osanobua ya miẹn iran ni yayi fan nọ, okaro, avbe Ju sokpan kevbe iran ne ẹ i re Ju ba ẹre.

Ebe ne Pọl gbẹẹn gie emwa Rom 2:10

Sokpan Osanobua gha rhie uyi, ọghọ, kevbe ọfumwegbe ne iran ne ẹ i re Ju.

Diuteronomi 32:21

Emwa na ye amazẹ iran ye ohu mu mwẹ ẹbọ ohoghe iran na ya mwẹ gha ruẹ. I gha ye ẹvbo akpa ye iran mu ohu, I ghi ye ẹvbo ne ẹ i mwẹ esa ya iran gha ruẹ.

Filipai 1:14

Ne I na rre eghan na, keghi vbe rhie udinmwẹ ne etẹn ne ikpia ni bun vbe uwu Kristi, sẹrriọ wẹ edẹgbedẹgbe ọre iran ghi ya din yọ vbe ne iran na kpe orhu ẹmwẹ ni vbe ne a i na fian afianma.

Hibru 11:34

Iran dọ ogidi erhẹn yọ, iran lẹ fe vbe obọ umozo ne ọ tera gbele iran uan. Te iran te vburriẹ, sokpan iran keghi do wo vbe egbe. Iran zẹ uza vbe okuo, iran keghi khọn ivbiyokuo etẹ muotọ.