Iwinna 13:45 - Edo Bible (E Baibol Ẹdo) Version 1996

⁴⁵ Ugbẹn vbe avbe Ju ghi miẹn ubunmwẹ ẹvbo, igbọvo keghi vuọn iran ekhọe, iran kegha gbe odan ye ẹmwẹ ne Pọl ta, iran na gha ya ukpẹ sakan ẹn.

Iwinna 13:45 ပူးပေါင်းရင်းမြစ်များ

Gẹnẹsis 37:11

Etẹn Josẹf nikpia kegha guẹe mu ohu sokpan erha ẹe kegha rria ẹmwẹ nii hia vbe ekhọe.

Asan-Ibo 4:4

I vbe rẹn emwi ne ọ si ẹe nẹ, ne emwa na miẹn ẹsọn sẹrriọ vbe agbọn na, ne ọ miẹn ehe na dunna ne iran: emwi ne ọ siẹe ọrọre wẹ emwi ne ogieva iran mwẹ viẹn ye iran aro, sokpan, ọna i vbe mwẹ esa, te ọ yevbe ne a khu ẹhoho khian.

Aizaia 26:11

Avbe eghian ruẹn ma rẹn, ighe u gha rri iran oya Nọyaẹnmwa, ye ekhue mu iran, ne u gie iran rri oya. Gie iran rri oya ne u mwamwa yotọ khẹ iran rhie ma iran vbene u kakabọ ho ẹmwẹ emwa ruẹn hẹ.

Nọmbas 11:29

E Mosis keghi wanniẹn wẹẹ, “Ohanmwẹ i to uwẹ ra? Ọ gha wa ye mwẹ akpawẹ e Nọyaẹnmwa gha rhie orhiọn na ne emwa rẹn hia ne iran hia gha guan zẹ vbe akhasẹ.”

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [

Matiu 27:18

Rẹn wa rẹn ighe ikhuiwu ọre iran ya si Jesu gie irẹn.

Iwinna 13:50

Sokpan avbe Ju keghi kpikpi avbe ikpia ne a rẹn vbe ẹvbo, ni rre ẹvbo nii, kevbe avbe ikhuo ni hin ukhuaẹn ne ẹ i re Ju, ni ga Osanobua. Iran keghi hẹ ẹmwẹ da Pọl kevbe Banabas, iran na khulo iran hin iwewe ni rre.

Iwinna 14:19

Avbe Ju eso keghi ke Antiọk ne ọ rre otọ Pisidia kevbe Aikọniọm gha dee, iran ruẹn ẹmwẹ ye emwa nii ẹko ya viọ iran ba egbe, iran keghi filo okuta gbe Pọl, iran na hiọrọ ẹe fua hin adesẹ ore ẹvbo rre, iran te ro ighẹ ọ wu nẹ.

Iwinna 14:2

Sokpan avbe Ju ni ma yayi keghi bọ iran ne ẹ i re Ju yọ, iran keghi fi iran ekhọe werriẹ mu aro da iran ne etẹn.

Iwinna 14:4

Emwa ẹvbo ni keghi wannọ egbe ye ihe eva, eso kegha rre obọ ọghe avbe Ju, eso vbọ, obọ ọghe avbe ukọ.

Iwinna 14:5

Ẹghẹ nii ọre iran ne Ju kevbe iran ne ẹ i re Ju, deba avbe olotu iran, na wẹ ne iran rri avbe ukọ oya ne iran vbe filo okuta gbele iran uan.

Iwinna 17:5

Sokpan avbe Ju keghi suẹn gha gbe ọvo iran. Iran ye obọ khan avbe ahẹghogho ne ẹwobi vbe adesẹ ore, iran keghi suẹn otu ẹrhia. Iran keghi si okokoko ye ore ẹvbo hia, iran na mu igbinna gha rrie owa Jasin, iran te ho ne iran miẹn Pọl kevbe Sailas ne iran viọ iran ladian bu avbe emwa gha dee.

Iwinna 18:6

Ugbẹn vbe iran ghi suẹn gha gbe odan ye ọre owẹ, ne iran na vbe gha ya ukpẹ sakan ẹn, ọ keghi bọnmwẹ ukpọn rẹn ku iran ọ wẹẹ, “A deghẹ wa ghi fuan, uhunmwu uwa ọre uwa gha ya muẹn, I ma rẹn ọkpa I ma rẹn eva vbọ. Ke ẹghẹ na gha rae, I ra bu iran ne ẹ i re Ju.”

Iwinna 19:9

Sokpan eso vbe uwu iran keghi ze utun vbe ehọ, iran ma yayi, iran kegha filo unu gie Odẹ ọghe Nọyaẹnmwa sirra emwa nii hia. Pọl keghi rhunmwuda ọnii sẹ iran rae, ọna viọ avbe erhuanegbe nii, ọ kegha ma emwa emwi ẹdẹgbegbe vbe owa iruẹmwi ọghe Tiranọs.

Iwinna 5:17

Ẹghẹ ni ọre ogie ohẹn kevbe ivbi otu ẹre, deba otu emotọ ọghe avbe Sadusi, na wa kakabọ gha gbe ọvo avbe ukọ, iran na ghi wẹ, iran gha gualọ odẹ ne iran gha la iran re.

Ebe ne Pọl gbẹẹn gie emwa Rom 1:29

Uyinmwẹ dan hia wa gua iran obọ ro, ọkhọ, orriarria, iba, uwu igbọvo iran wa ye, izigha, igbinna, erẹrẹ, kevbe irriakhuẹ.

I Kọrinti 3:3

Rhunmwuda emwi agbọn na he wa ye gu uwa obọ ro. Ugbẹn vbe a miẹn wẹ, wa ye gbe ọvo egbe, wa gu egbe gui, ẹ i re te ọnii rhie maa ighẹ emwa kẹkan ọ ghe agbọn na ọre uwa he ye khin, wa keghi wa yin zẹ vbene iran guẹe.

II Kọrinti 11:26

Vbe okhian ni bun ni yo, I rhie uhunmwu mwẹ atataobọ vbe ẹzẹ ne ọ rro kevbe vbe obọ avbe izigan, vbe obọ avbe Ju ne iho mwa, kevbe avbe iran ne ẹ i re Ju, I rhie uhunmwu da ẹbe vbe adesẹ ore ẹvbo, ẹbe vbe otọe oha, ẹbe vbe ẹzẹ, ẹbe vbe obọ avbe ọse ne akọn giẹ.

Galatia 5:21

Iran ghi gha gbe ọvo egbe, iran ghi gha da ayọn gbe egbe, iran ghi gha gbe izabọbọ ẹwia kevbe avbe emwi ni khọ vberriọ. I vbe gie uwa rẹn nian, zẹ vbene I ka vbe ta ẹe yi wẹ, iran ni ru avbe emwi na, iran i sẹtin rhan obọ miẹn Arriọba Osanobua.

I Tẹsalonaika 2:16

Iran te ra da ima obọ yi wẹ ne ima ghẹ kpe orhu ẹre ma emwa ne ẹ i re Ju, ighẹ ẹmwẹ nii ne ọ gha rhie imiẹnfan gie iran. Evba ehia ghi na do yi uhunmwu ighẹ orukhọ ne iran ru ke ẹghẹ ni gha dee. Obọ izohu Osanobua he ghi do vba iran.

II Timoti 3:11

Ukpokpo ne a rhie mẹ, kevbe oya ne I re. U rẹn emwi ne ọ sunu vbe egbe mwẹ hia vbe Antiọk, Aikoniọm, kevbe Listra. Ukpokpo nọkhua ne I ya egbe miẹn. Sokpan Nọyaẹnmwa keghi miẹn mwẹ fan vbe ehia.

Jems 4:5

Ghẹ gha ro ighẹ, ẹ i mwẹ otọ emwi ne a ya ẹe kha ighẹ ne ebe ne kha wẹẹ, “Orhiọn ne Osanobua rhie ye uwu ima, orriarria ọbanabe ọre ọ vuọn rẹn.”

I Pita 4:4

Wanwanna nian, te ọ ghi yan iran ni ga ẹbọ unu uan ighẹ wa i ghi gu iran mwẹ obọ vbe uyinmwẹ akuọkan kevbe epiankhanrhan nii, iran ghi gha ye ukpẹ sakan uwa.

Ebe ne Jud gbẹẹn 1:10

Sokpan, iran na ghi gha ya unu salọ emwi ne iran ma rẹn otọ ẹre, avbe emwi nii ne egbe ma iran ẹre, zẹ vbe aranmwẹ oha, ọrọre emwi ne ọ vbe fuẹn iran uan.