Iwinna 13:43 - Edo Bible (E Baibol Ẹdo) Version 1996

⁴³ Avbe emwa ghi kpao vbe iko nii rre nẹ, avbe Ju ni bun kevbe emwa ne ẹ i re Ju ni dẹ egbe la e Ju, keghi lele Pọl vbe Banabas. Avbe ukọ keghi bu iran ude, khama irn wẹ ne iran gha rrọọ vbe uwu ẹsọhẹ Osanobua vbe uyinmwẹ ẹdẹ agbọn iran.

Iwinna 13:43 ပူးပေါင်းရင်းမြစ်များ

Matiu 23:15

“U miẹn agbọn ne uwa ye, enimaemwa Uhi kevbe Farisi, ayunukpaegbe. Wa ghi fian okun rra, wa ghi la ẹvbo hoho fo gha gualọ arhin ọkpa kẹkan ne uwa gha ya khian enọyayi, wa ghẹ ghi miẹn nẹ, wa ghi ya ẹe khian ọmwa ne ọ kei ye ẹrinmwi erhẹn ukhukhu eva sẹ egbe uwa.

Iwinna 11:23

U gbẹn vbe ọ ghi sẹ evba, ọ keghi miẹn vbene Nọyaẹnmwa fiangbe emwa nii hẹ, ẹko keghi rhiẹnrhiẹn ọẹn ẹsẹse, ọ keghi bu iran ude wẹ ne iran ya ekhọe iran hia mu ẹtin yan Nọyaẹnmwa ne iran vbe gha ga ẹe.

Iwinna 13:50

Sokpan avbe Ju keghi kpikpi avbe ikpia ne a rẹn vbe ẹvbo, ni rre ẹvbo nii, kevbe avbe ikhuo ni hin ukhuaẹn ne ẹ i re Ju, ni ga Osanobua. Iran keghi hẹ ẹmwẹ da Pọl kevbe Banabas, iran na khulo iran hin iwewe ni rre.

Iwinna 14:22

Iran kegha rhie igiẹdu ne emwa ni yayi, iran keghi rhie ude iwegbe ne iran wẹ ne iran mu uhunmwu kọ ẹmwẹ nene iyayi wẹ, “Ẹ i mwẹ ma ma ye egbe miẹn ukpokpo ni bun a te do la Arriọba Osanobua!”

Iwinna 14:3

Avbe ukọ kpẹre ẹsẹse vbe evba, iran kegha ta ẹmwẹ Nọyaẹnmwa vbe ne a na fian afianma, Nọyaẹnmwa keghi vbe rhie maa wẹ ẹmwata ọre orhu ẹsọhẹ ọghe ẹe ne iran kpe khin vbe ekpa ne ọ na rhie ẹtin ne iran ya gha winna iwinna ama kevbe ọyunnuan.

Iwinna 16:14

Ọkpa vbe uwu iran ni họn ẹmwẹ ima keghi re Lidia ne ovbi Tiatira, ukpọn ododo ọre ọ khiẹn. Rẹn keghi re okhuo ne ọ ga Osanobua, Nọyaẹnmwa keghi rhie ẹre ekhọe yọ ne ọ danmwehọ ẹmwẹ ne Pọl ta.

Iwinna 17:17

Rhunmwuda ọnii rẹn keghi gu avbe Ju kevbe emwa ne ẹ i re Ju ni vbe ga Osanobua gha muan ẹmwẹ vbe Ọgua ediọn kevbe ada ẹdẹgbegbe, deba emwa ni ghi rrie evba nẹ hiehie.

Iwinna 17:34

Ikpia eso keghi deba ẹre, iran na yayi, ọkpa vbe uwu iran kegha re Diọnisiọs ne ọ vbe rre otu Ariopagọs, kevbe okhuo ọkpa ne a tie eni ẹnrẹn Damaris, kevbe deba emwa ọvbehe eso.

Iwinna 17:4

A keghi fi eso vbe uwu iran werriẹ, iran keghi deba Pọl kevbe Sailas, erriọ ọre ni bun vbe uwu iran ne Grik ni ga Osanobua vbe ru, kevbe eso vbe uwu avbe ikhuo nihiunsi.

Iwinna 18:7

Ọ keghi rhunmwuda ọnii kpao sẹ iran rae, ọ na ya di owa ọmwa ọkpa ne ẹ i re Ju ne a tie eni ẹnrẹn Titiọs Jọstọs ya. Owa ẹre ọre ọ diake Ọgua ediọn.

Iwinna 2:10

Ke Frigia Pamfilia, kevbe Igipt kevbe iwewe Libya, ọkpẹn Sairin kevbe Rom rre.

Iwinna 28:23

Rhunmwuda ọnii, iran keghi bu ẹdẹ ne Pọl. Emwa ni bun sẹ ọnii ẹsẹse keghi rrie ehe ne Pọl dia ẹdẹ nẹdẹrriọ ke owiẹ ya sẹ asọn, ọ keghi rhan otọ ẹre ma iran, ọ kegha ta ẹmwẹ Arriọba Osanobua ma iran. Ọ keghi te gha ho ne ọ fi iran ekhọe werriẹ ghe ẹmwẹ Jesu vbekpa ne ọ na gha tie ebe Uhi Mosis kevbe emwi ne avbe akhasẹ gbẹnnẹ ye otọ ma iran.

Iwinna 6:5

Iro ne avbe ukọ zẹe na keghi yẹ iran hia, rhunmwuda ọnii, iran keghi zẹ Stivin, ọmwa ne ọ vuọn ne Iyayi ke Orhiọn Ne Ọ Huanrẹn, ke Filip, Prokorọs, Nikanọ, Timọn, Pamenas, Nikolas ne ovbi Antiọk, ne ẹ i te re Ju ne ọ ghi degbe la e Ju.

Ebe ne Pọl gbẹẹn gie emwa Rom 11:6

Itohan rẹn ọre ọ lele zẹ emwa ne ọ hannọ zẹ ighẹ ẹ i re rhunmwuda uyinmwẹ iran. Rhunmwuda, akpawẹ rhunmwuda uyinmwẹ emwa ọre Osanobua ya hannọ emwa zẹ, itohan rẹn i ghẹ ghi gha re itohan ẹmwata.

Ebe ne Pọl gbẹẹn gie emwa Rom 3:24

Sokpan vbekpa ẹsọhẹ Osanobua ne a rhie ne emwa vbe ọhẹ, a keghi la ekpa Jesu Kristi ne ọ fannọ iran ye otọ ye ehia khian ọmwata vbe odaro ẹre.

Ebe ne Pọl gbẹẹn gie emwa Rom 5:2

Rẹn keghi ye iyayi viọ ima gha die uwu ẹse ọhẹ Osanobua, ehe ne ima ghi mudia yi na. Rhunmwuda ọnii nian, te ima ghi ghọghọ vbe idanwehọ wẹ ma gha ghae vbe uwu uyi ọghe Osanobua.

Ebe ne Pọl gbẹẹn gie emwa Rom 5:21

Erriọ vbe nọ, zẹ vbene orukhọ gha ya uwu khaemwisẹ, erriọ zẹẹ ọre ẹsọhẹ Osanobua vbe ya ẹmwata gha khaemwisẹ, ọ ghi gha su ima rrie arrọọ ẹtẹbitẹ vbekpa Jesu Kristi Nọyaẹnmwa.

II Kọrinti 5:11

Ma rẹn emwi ne a yae kha wẹ, ne a gha mu ohan Nọyaẹnmwa, ma keghi rhunmwuda ọnii ho ne a gha bọ emwa yọ. Osanobua rẹn ima fo fẹẹrẹ, mẹ vbe yayi wẹ, vbe uwu ekhọe uwa, wa vbe rẹn mwẹ.

II Kọrinti 6:1

Vbe uwu iwinna ne ima vbe Osanobua gba winna, ma rinmwian uwa khekherriọ, wa miẹn ẹsọhẹ Osanobua rhie nẹ, wa ghẹ i gi ẹe gha re ne a mu rhia.

Galatia 5:1

Ọdakha egbe mwa ma ye. Kristi rhan ima nẹ. Rhunmwuda ọnii nian, wa mudia zẹ vbe emwa ni rre ọdakha egbe iran, ne uwa ghẹ ghi gie a dọlegbe ya uwa khian eviẹn.

Galatia 5:4

Wẹ ne ọ ho ne uwa la ekpa a ru vbene nene Uhi khare ya egbe uwa khian ne ọ mudia ẹse vbe odaro Osanobua, wa wannegbe uwa fua hin Kristi rre nẹ. Wa lahin obọ ẹsọhẹ Osanobua rre nẹ.

Ẹfisọs 2:8

Rhunmwuda, ẹsọhẹ ọghe Osanobua ọre a ya miẹn uwa fan vbe ekpa iyayi, ẹ i re emwi ne uwa ru, sokpan ẹse Osanobua nọ.

Filipai 3:16

Vbene ọnii a rhirhi gha ye hẹ, wa gie ima rhie owẹ lele ukpowẹ ne ima la de usin do sẹ wanwan na.

Filipai 4:1

Rhunmwuda ọnii nian, wa ne etẹn mwẹ, etẹn mwẹ ni ghan mẹ ẹsẹse, ẹmwẹ uwa wa da mwẹ, wa keghi ka ye ẹko mwẹ rhiẹnrhiẹn ẹsẹse, te imẹ ghi ye uwa ghan nian, etẹn mwẹ nighan, erriọ zẹẹ ọre ọ kere ne uwa mudia gbain vbe ẹdẹ agbọn uwa vbe uwu Nọyaẹnmwa.

Kọlose 1:23

Ne ẹ i mwẹ a ma ru nọ khekherriọ, ne uwa gha mwẹ iyayi khian vbe uhunmwu ẹyotọ ne ọ de ziẹn kevbe ne gbain, ne uwa ghẹ gie a bẹghe uwa hin idaehọ ne uwa miẹn rhie ẹghẹ ne uwa na họn iyẹn ne ọ maa. Iyẹn ne ọ maa na ọre imẹ ne Pọl khian ọguọmwadia ẹre, iyẹn ne ọ maa na ne a kpe orhu ẹre ma emwa hia ni rre agbọn na nẹ.

Kọlose 1:28

Rhunmwuda ọnii, ọre ima na kpe orhu Kristi ma emwa hia, ma ghi gha tama emwa hia ye otọ, ma ghi gha ma iran emwi vbe odẹ ẹwaẹn hia, ne a sẹtin lo, ne a miẹn ehe na rhie edọmwadẹ ọghọe gha die odaro Osanobua zẹ vbe ọmwa ne ọ si uwan nẹ, vbe uwu a ya egbe ba Kristi.

Taitọs 2:11

Rhunmwuda, Osanobua rhie ẹsọhẹ ọghọe ne a miẹn nẹ, vbe ekpa ọghe imiẹnfan emwa hia.

Hibru 12:15

Wa khẹ ye egbe, ne ọmwaikọmwa ghẹ ya fi iyeke gbe ẹsọhẹ Osanobua. Wa mwẹ ẹwaẹn, ne ọmwaikọmwa ghẹ ya khian utẹzi ne ọ gha wan nẹ, ọ ghi ye obi ẹre gha kpokpo emwa ni bun.

Hibru 13:9

Wa ghẹ gie iruẹmwi ughughan ne a ma he ka rẹn, bi uwa hin urodẹ ẹmwata rre. Ọ kere ne a ya ẹsọhẹ Osanobua ye orhiọn ima khian ni wo vbe egbe, i ghẹ ẹ i re a ru emwi ne uhi kha re vbe ekpa evbare, iran ni ka ru vbene avbe uhi nii khare yi, ma miẹn emwi ọkpa ne iran miẹn vbọ.

I Pita 5:12

Sailas, ọmwa ne ima ka ye ọtẹn ne ẹ i hiẹ ọmwa, ọre ọ gun mwẹ gbẹn ehe ne kherhe na gie uwa, I ho ne I rhie igiẹdu ne uwa, ne I vbe ya unu mwẹ ta ẹe ma uwa zẹ vbe ẹmwẹ obọ mwẹ wẹ, ẹsọhẹ ọghe Osanobua, ọre ọ na khin. Wa mudia yọ gbain.

II Pita 3:14

Rhunmwuda ọnii, wa ne ọse mwẹ vbe uwu ne uwa na mudia khẹ Ẹdẹ ne ẹdẹrriọ, wa ziga ne uwa gha re ni hianrẹn kevbe ne ẹ i mwẹ okan vbe odaro Osanobua, ne uwa guẹe gha rrọọ vbe ọfumwegbe.

I Jọn 2:28

Erriọ nọ, wa ne ivbi mwẹ, wa mudia vbe uwu irẹn, ne afianma ghẹ fian ima vbe ẹdẹ ne ọ gha ya egbe ladian, ne ima ghẹ ya ya ekhọe lẹre hin ehe ne ọ ye rre, vbe Ẹdẹ ne ọ gha rre.

II Jọn 1:9

Ọmwaikọmwa ne ọ ma rhie owẹ lele emwi ne Jesu ma emwa ẹre, sokpan ọ keghi fian yan rẹn, ẹ i mwẹ Osanobua. Sokpan ọmwa ne ọ rhie owẹ lele emwi ne ọ ma emwa ẹre, ọ mwẹ Erha kevbe Ọmọ.