Iwinna 13:42 - Edo Bible (E Baibol Ẹdo) Version 1996

⁴² Ugbẹn vbe Pọl kevbe Banabas ghi wa ladian vbe Ọgua ediọn avbe emwa ni keghi khama iran wẹ ne iran vbe dọlegbe gha dee vbe Ẹdẹ Ikẹtin ne ọ lele ẹe, ne iran ye ta ẹmwẹ na ma iran sẹ ayọ.

Iwinna 13:42 ပူးပေါင်းရင်းမြစ်များ

Ezikiẹl 3:6

Akpawẹ avbe uhunmwu ẹvbo nekhua ni zẹ eghọnmighọn ne uwẹ i họn ọ re I giọ bu, iran gha te danmwehọ ruẹ.

Matiu 11:21

“Ọ suẹ Korazin! Ọ suẹ Bẹtsaida! Akpawẹ te a winna iwinna ọyunnuan ne a winnaẹn vbe uwu uwa vbe Taia kevbe Saidọn, ẹ i re eban iran ghẹ ghi viọ osọnmwẹ ukpọn ye egbe, zẹ emuẹn yan uhunmwu ne iran ya rhie ma ighe iran zobọ vbe orukhọ ne iran te ru.

Matiu 19:30

Sokpan ni bun vbe uwu iran ni ke aro nian gha do khian ni ke iyeke, iran ni te ke iyeke ghi do ke odaro.

Matiu 9:18

Vbene Jesu he wa ye guan, olotu avbe Ju ọkpa bu ẹre rre, ọ diguẹ nẹẹn, ọ wẹẹ, “Enọwanrẹn te ovbi mwẹ nokhuo wa da kpan udu na, sokpan, gha dee do rhie obọ ruẹ yan rẹn, ọ gha ye fe.”

Iwinna 10:33

Ọre I na gie ne a tie ruẹ rre ọwarọkpa, wẹ ne ọ maa na wa vbe gha dee. Banbanna nian, odaro Osanobua ma ghi ye na, ma mu egbe ne a ya họn ẹmwẹ ne Nọyaẹnmwa wẹ ne u ta.”

Iwinna 13:14

Iran ghi kpao vbe Pẹga rre, iran na gha die Antiọk ne ọ rre Pisidia, ọ ghi sẹ Ẹdẹ Ikẹtin, iran keghi la uwu Ọgua ediọn ya tota.

Iwinna 28:28

E Pọl keghi rhie tẹe wẹẹ: “Wa ghi rẹn nian wẹ a rhie ẹmwẹ imiẹnfan Osanobua bu iran ne ẹ i re Ju gha khian, iran gha miẹn họn.” [