Iwinna 13:40 - Edo Bible (E Baibol Ẹdo) Version 1996

⁴⁰ Rhunmwuda ọnii, wa mwẹ ẹwaẹn ne ẹmwẹ ne akhasẹ tae ghẹ do sunu vbe egbe uwa:

Iwinna 13:40 ပူးပေါင်းရင်းမြစ်များ

Aizaia 29:14

Rhunmwuda ọnii, I gha runran iran, vbe ne I gha na kinmwi iran yan egbe yan egbe vbe a ma ro a ma kọ. Iran ni te wan gha khian akpa, ẹwaẹn ne iran wẹ iran wan hia ghi do khian ekẹkan.”

Ezikiẹl 33:9

U gha bu ọmwa dan ude ighe ọ ma dobọ orukhọ yi, ọ gha wu ye orukhọ ẹre, sokpan, wẹ tobọ ruẹ gha miẹn uhunmwu.

Habakọk 1:5

E Nọyaẹnmwa tama emwa rẹn wẹẹ, “Wa gbe aro ke otọ vbe egbe ẹvbo ni lẹga uwa, emwi ne uwa miẹn gha wa yan uwa unu uan. I khian ru emwi eso ne uwẹ i ra yayi vbe u gha họn ẹn.

Malakai 3:2

Sokpan, de ọmwa ne egbe ẹre gha rrọ ẹdẹ ne ọ ra rre? De ọmwa ne ọ gha miẹn uhunmwu vbe ọ gha ya gbe ladian? Te irẹn ra ye vbe evbakhuẹ ne ọ wegbe, zẹ vbe erhẹn ne ọ kpe ematọn huan.

Malakai 4:1

E Nọyaẹnmwa ne Oghodua khare wẹẹ, “Ẹdẹ dee ne emwa ni tọn egbe mu kevbe avbe emwa dan gha giuan zẹ vbe ebe ne ọ kakae. Vbe ẹdẹ ne ẹdẹrriọ, iran gha giẹn uan, ẹ i vbe kẹe vbọ. Sokpan, zẹ vbe ọghe uwa ni họn ẹmwẹ mwẹ na, ẹtin imiẹnfan mwẹ gha hin yan uwa zẹ vbe owẹn, ọ ghi vbe rhie egbe rranmwẹ rre zẹ vbe asan ovẹn.

Iyẹn ne ọ Maan Ọghe Luk 24:44

Ẹkpo nii ọre ọ na khama iran wẹẹ, “Emwi ne I tama uwa vbe I gu uwa rrọọ ẹghẹ nii ọre ena khin: emwi ne a gbẹnnẹ ye otọ vbekpa mwẹ vbe Uhi e Mosis, kevbe avbe akhasẹ kevbe ebe Psalm, te a gha mu ẹn sẹ.”

Iyẹn ne ọ Maan Ọghe Jọn 6:45

Avbe akhasẹ gbẹn ọẹn nẹ wẹẹ, ‘Osanobua ma emwa hia emwi,’ ọmwa ne ọ rhirhi họn ọghe Evbavba, ighẹ ọ na vbe ruẹ emwi vbe ehe ne ọ ye gha bu mwẹ re.

Iwinna 15:15

Ẹmwẹ avbe akhasẹ keghi wa vbe gu ọna ro fẹẹrẹ zẹ vbene ebe khare.

Iwinna 7:42

Sokpan Osanobua fi iyeke gbe iran, ọ keghi gie iran gha gho avbe orhọnmwẹ ni rre aro iso, zẹ vbene agbẹn ọẹn ye ebe avbe akhasẹ: “ ‘Wa ne ivbi Izrẹl, ẹ i re imẹ wa gbele aranmwẹ ya zọ ese na, la ukpo iyeva vbe uwu ato.

Hibru 12:25

Rhunmwuda ọnii nian, wa ghi mwẹ ẹwaẹn wa ghẹ rhie obọ khiọ ehọ ne uwa ghẹ miẹn ehe na họn ẹmwẹ ọmwa ne ọ guan. Iran nọ ma danmwehọ ọmwa ne ọ kpe orhu iyẹn ne ọ huanrẹn vbe agbọn na, ma miẹn uhunmwu. Vbe ọmwa ghi ra na miẹn uhunmwu hẹ khekherriọ deghẹ ọ wẹ rẹn i danmwehọ ọmwa ne ọ guan ke ẹrinmwi rre?

Hibru 2:3

Vbe ima gha na miẹn uhunmwu hẹ khekherriọ a deghẹ ma ma zẹ ye ẹmwẹ imiẹnfan ne ọ kpọlọ sẹ vbenian na? Nọyaẹnmwa tobọ ẹre ọre ọ ka ta ẹmwẹ imiẹnfan na rre, iran ni miẹn ẹmwẹ ọnrẹn ye ehọ, keghi rhie maa ima ighẹ ẹmwata nọ.

Hibru 3:12

Etẹn mwẹ, wa mwẹ ẹwaẹn, ne a ghẹ ya miẹn arhiọnkpa vbe uwu uwa ne ọ mwẹ ekhọe dan, kevbe ne ẹ i yayi, sẹrriọ, ne ọ gha na fi iyeke gbe Osanobua ne ọ rrọọ.