Iwinna 13:36 - Edo Bible (E Baibol Ẹdo) Version 1996

³⁶ “Rhunmwuda, Devid ru ne Osanobua ho vbe ẹghẹ ọghọe, rẹn keghi wu, a keghi vbe re ẹre ba avbe enikaro, rẹn keghi vbe kẹkẹ.

Iwinna 13:36 ပူးပေါင်းရင်းမြစ်များ

Gẹnẹsis 3:19

Te ọfọ gha fọọ ne u ya miẹn ẹsọn ne otọ miẹn ehe na mọ ọmọ ladian, u te dọlegbe ghe ekẹn ne a ya ma an, ekẹn nii u gha vbe dọlegbe khian.”

II Samuẹl 7:12

Wẹ gha ghi wu, a na vbe re ruẹ ba avbe erha a odede nẹ, I gha ya ọkpa vbe uwu ivbi uẹ ma ọba, I ghi vbe gie arriọba ẹre digiẹ.

I Ọba 2:10

E Devid keghi wu, a na re ẹre ye Jerusalẹm.

I Krọnikol 11:2

Vbe ẹghẹ ne ọ gberra, uhin vbe Sọl he ye re ọba ima, wẹ ọ re ọ gha viọ ivbi Izrẹl ye okuo, e Nọyaẹnmwa Osanobua ruẹ keghi yan tama ruẹn wẹ u gha su emwa na, u ghi gha re ogie iran.”

I Krọnikol 17:11

Wẹ ghẹ ghi wu nẹ, a na vbe re ruẹ ba avbe erha a odede, I gha ya ọkpa vbe uwu ivbuẹ rriọba. I ghi ya arriọba ẹre owẹ muotọ ne ọ wegbe.

I Krọnikol 18:14

E Devid keghi rriọba yan otọ Izrẹl hia. Ọ keghi ru ẹe ne a miẹn wẹ a ya obọ esi gha mu emwa hia vbe ne a i na vbe zẹ ọmwarhọkpa ẹkpe.

I Krọnikol 29:28

Ọ khian ọmaẹn ẹsẹse ọ keghi do wu, ọ fe, emwa hia kevbe gha yọghọ ne ẹẹn, e Solomọn ne ovbi ẹre keghi rri ọba lele ẹe.

II Krọnikol 12:16

E Rehoboam keghi wu, a na re ẹre ye idin avbe ọba vbe Ẹvbo e Devid. Abija ne ovbi ẹre keghi rriọba lele ẹe.

II Krọnikol 21:1

E Jehosiafat keghi wu, a na re ẹre ye idin avbe ọba vbe Ẹvbo e Devid, e Jehoram ne ovbi ẹre keghi rriọba lele ẹe.

II Krọnikol 26:23

Uzaia keghi wu, a na re ẹre ye itẹ avbe ọba, sokpan rhunmwuda emianmwẹ ne ọ gha khuọnmwi, a ma re ẹre ye idin avbe ọba. E Jotan ne ovbi ẹre keghi rriọba lele ẹe.

II Krọnikol 9:31

Ọ keghi wu a na re ẹre ye Ẹvbo e Devid, e Rehoboam ne ovbi ẹre keghi rriọba lele ẹe.

Job 17:14

I ghi tie idin wẹ erha mwẹ nọ avbe ọkhọe ni rriọ mwẹ, I ghi tie iran wẹ iye mwẹ kevbe etẹn mwẹ nikhuo ọre iran khin.

Job 21:26

Sokpan obọkpa nọ, te ehia wulo, a ghi tọnnọ iran ye otọ, ọkhọe ghi ma rhu iran.

Psalm 49:14

A tae nẹ ighe te iran ra wulo zẹvbe ohuan, uwu, ọ re ọ ra gha re ọsuohuan iran. Obọ ọmwata gha ke ukhunmwu ne iran, vbe ikinnegbe iran a gha kẹkẹ ua ẹgiẹgiẹ, vbe ẹvbo avbe orinmwi, ehe ne ọ rrei ne owa iran ẹsẹse.

Psalm 49:9

Ne ọ gha na wẹ ne ọ ghẹ ghi la idin ne ọ vbe gha rre agbọn ẹdẹdẹmwẹdẹ.

Matiu 25:16

Ọguọmwadia ne a mu enaira arriaisẹn isẹn na keghi wa giẹgiẹ ya ye ọghọe do ẹki, ọ kevbe miẹn enaira arriaisẹn isẹn vbe ere.

Iyẹn ne ọ Maan Ọghe Jọn 11:39

Jesu khama iran wẹ, “Wa mu okuta nii hin rre!” Mata ne ọtẹn ọmwa ne ọ wu nii keghi kha wẹẹ, “Ọ gha wia nẹ ẹsẹse Nọyaẹnmwa rhunmwuda nẹghẹdẹnẹ ọre a ghi mu ẹn ye otọ!”

Iwinna 13:22

Osanobua ghi rhie ẹre hin ukpo re nẹ, ọ keghi ye Devid ma ọba yan iran, Osanobua keghi kha vbe ekpa Devid wẹẹ, ‘I miẹn wẹ ọmwa ekhọe mwẹ ọre Devid ne ovbi e Jese khin, ọmwa ne ọ gha ru emwi hia ne I gha khama ẹn ne ọ ru.’

Iwinna 2:29

“Wanwanna etẹn mwẹ, I gha rhan otọ ẹmwẹ Devid ne erhamwa odede ma uwa. Ọ wu, a keghi re ẹre. Idin ẹnrẹn ye gu ima rre emwa do sẹ ẹdẹ ne ẹre na.

Iwinna 20:27

Rhunmwuda, emwamwa Osanobua hia, ọkpa ne I ke ya ne I ma tama uwa ẹ i rrọọ.

Iwinna 7:60

Rẹn keghi de fie iguẹ, ọ na datu wẹ, “Nọyaẹnmwa ghẹ ka orukhọ na ye iran owẹ.” Ọ ghi tae nẹ, ọ keghi wu.

Iwinna 8:1

Ọ keghi wa yẹ Sọl wẹ a gbe ẹe rua. Ẹdẹ ne ẹdẹrriọ zẹẹ ọre esọsi ne ọ rre Jerusalẹm suẹn gha miẹn ukpokpo. Emwa ni yayi hia keghi zagha lele iwewe Judia kevbe Sameria hia, avbe ukọ ọre ọ ghi de kẹe.

I Kọrinti 15:18

Ọnii vbe rhie maa wẹ iran ni wulo nẹ vbe uwu iran ni ya Kristi yi, wiri ua.

I Kọrinti 15:6

Iyeke ọnii, ọ rhie egbe ma iran ne ọ yan iyisẹn isẹn vbe uwu iran ni lele ẹe khian vbe ẹghẹ ọkpa nii, ni bun sẹẹ vbe uwu iran ye rre agbọn, a gha rhe miẹn wẹ eso wulo nẹ vbọ.

I Tẹsalonaika 4:13

Etẹn mwẹ, ma ho ne uwa rẹn ẹmwata ne ọ rre ẹmwẹ emwa ni wulo nẹ, ne uwa ghẹ gha mwẹ irhiaẹko zẹ vbe emwa ne ẹ i mwẹ idaehọ.