Ọdọ re ghi vbe wu nẹ, ọ keghi vbe ya ukpo enẹ yan iyenẹ ru ẹgbẹ. Ẹ ghi kpao vbe Ọgua Osa rre. Asọn vbe avan ọre ọ ya ga Osanobua vbe aguẹ kevbe erhunmwu.
Ugbẹn vbe iran ghi ga Nọyaẹnmwa, vbe iran vbe yo aguẹ, Orhiọn Ne Ọ Huanrẹn tama iran wẹẹ, “Wa viọ Banabas vbe Sọl ladian nẹ ne iran ya winna iwinna ne I tie iran baa.”
Evba nii i ọre iran ghi ke gua okọ gha die Antiọk, ehe ne a na ka rhie iran ne ẹsọhẹ Osanobua gha gbe aro ghe vbe uwu iwinna ne iran ghi do winna fo na.
Rhunmwuda ọnii Ananaias kegha khian, ọ keghi la owa, ọ na viọ obọ yan rẹn, ọ keghi kha wẹẹ, “Sọl ne ọtẹn mwẹ, Nọyaẹnmwa Jesu Kristi ọmwa ne u miẹn vbe odẹ vbe ẹghẹ ne u na gha dee ọre ọ tobọ ẹre gie mwẹ gha dee, ne u miẹn ehe na dọlegbe gha dẹghe, kevbe ne u vbe vuọn ne Orhiọn Ne Ọ Huanrẹn.”
Vbe a gha na kpe orhu hẹ, a deghẹ i re te a gie emwa gha khian? Zẹ vbene ebe tae, “A miẹn vbene urremwẹ iran ru ọyunnuan hẹ ighẹ iran ni rhie iyẹn ne ọ maa dee!”
U ghi viọ avbe ẹmwẹ nii ne u họẹn vbe I kpe orhu ẹre vbe odaro osẹe ni bun, u ghi viọ ne emwa ne u gha sẹtin mu ẹtin yan viọ mwẹ, emwa ni gha vbe sẹtin ma emwa ọvbehe re.