Iwinna 13:29 - Edo Bible (E Baibol Ẹdo) Version 1996

²⁹ Ugbẹn vbe iran ghi ru avbe emwi hia ne Ebe tae vbe ekpa ẹre nẹ, iran keghi mu ẹn tuorre vbe ugbugbe, iran na mu ẹn ye idin.

Iwinna 13:29 ပူးပေါင်းရင်းမြစ်များ

Iyẹn ne ọ Maan Ọghe Mak 15:42

Ẹdẹ ghi ya egbe rrie ota, Josẹf ne ovbi Arimatia keghi rre.

Iyẹn ne ọ Maan Ọghe Luk 23:50

Okpia ọkpa keghi rrọọ ne a tie ẹre Josẹf, ovbi ẹvbo ne a tie ẹre Arimatia adazẹ ne ekhọe esi ọre nọ, ọ kevbe, diakhẹ ẹghẹ ne Arriọba Osanobua gha ya rre. A gha rhe miẹn ighe ọkpa vbe uwu Iko iran ni bu ohiẹn nọ, ọma ye egbe ba iran vbe ẹmwẹ ne iran tae kevbe emwi ne iran ru.

Iyẹn ne ọ Maan Ọghe Luk 23:53

Rẹn keghi mu ikun ẹnrẹn tuorre, ọ keghi ya ukpọn eto ovbiohuẹ nọfua gbalọ ẹe, ọ keghi wa ẹre ye idin ne a fian ye uwu okuta, idin na keghi re ne a ma he mu orinmwi yi ẹdẹ.

Iyẹn ne ọ Maan Ọghe Luk 24:44

Ẹkpo nii ọre ọ na khama iran wẹẹ, “Emwi ne I tama uwa vbe I gu uwa rrọọ ẹghẹ nii ọre ena khin: emwi ne a gbẹnnẹ ye otọ vbekpa mwẹ vbe Uhi e Mosis, kevbe avbe akhasẹ kevbe ebe Psalm, te a gha mu ẹn sẹ.”

Iyẹn ne ọ Maan Ọghe Jọn 19:28

Jesu ghi miẹn wẹ a ru emwi hia orugba nẹ, ne ẹmwẹ ne ebe tae miẹn ehe na sẹ, ọ wẹẹ, “Ohanmwẹ amẹ gbe mwẹ!”

Iyẹn ne ọ Maan Ọghe Jọn 19:30

Jesu ghi miẹn ayọn ni nẹ, ọ wẹẹ, “Ọ fo.” Ọ keghi vbokhọ ẹyaẹn ghe otọ ọ keghi kpan udu.

Iwinna 13:27

Rhunmwuda, iran ni rre Jerusalẹm kevbe avbe ọkaolotu iran, ma rẹn wẹ rẹn ọrọre ọmiọnmwafan, vberriọ, ẹmwẹ avbe akhasẹ ne a tie vbe Ẹdẹ Ikẹtin hia ma gie iran rẹn otọ ẹre. Levba Sevba, iran keghi gie ẹmwẹ avbe akhasẹ nii sẹ vbe ne iran na bu abe uwu gbe Jesu.

Iwinna 2:23

Osanobua tae nẹ, ọ kevbe tobọ ẹre mwamwaẹn zẹ vbe iho ọghọe, ne a rhie Jesu yan uwa obọ. Wa keghi gbe ẹe rua, wa keghi gie iran ne emwa orukhọ kan rẹn mu ugbugbe.

Iwinna 26:22

Sokpan Osanobua ọre ọ mudia mẹ do sẹ ẹdẹnẹrẹ na, ne I na ye zẹ ene unu mwẹ ma emwa hia, ọkpọlọ kevbe ọkanmwa. Emwi ne I tae ọrọre emwi ne avbe akhasẹ kevbe Mosis tae ighẹ ọ gha sunu.

Iwinna 4:28

Iran si egbe koko, ne iran ru avbe emwi ni ne uwẹ ya ẹtin ruẹn kevbe iho ọwuẹ ta ye otọ nẹ wẹẹ, ọ gha sunu.

Iwinna 5:30

Osanobua ọ ghe avbe erha mwa ọre ọ huẹn Jesu kpaegbe vbe idin iyeke vbe uwa kan rẹn mu ugbugbe nẹ, ne uwa na gbe ẹe rua.

I Kọrinti 15:4

Wẹ a re ẹre, a keghi vbe dọlọ huẹn ọnrẹn kpaegbe vbe ikpẹdẹ ne ogieha zẹ vbene a gbẹn ọẹn ye Ebe.