Iwinna 13:23 - Edo Bible (E Baibol Ẹdo) Version 1996

²³ Jesu, ọkpa vbe ivbi e uniẹn Devid na, ọre Osanobua rhie ya ru Ọmiọnmwafan Izrẹl ne emwa rẹn zẹ vbe ne ọ yan rẹn.

Iwinna 13:23 ပူးပေါင်းရင်းမြစ်များ

II Samuẹl 7:12

Wẹ gha ghi wu, a na vbe re ruẹ ba avbe erha a odede nẹ, I gha ya ọkpa vbe uwu ivbi uẹ ma ọba, I ghi vbe gie arriọba ẹre digiẹ.

Psalm 132:11

Ekhọekekhọe ọ re u ya ve Devid emwi, ive ne uwẹ i ra siẹn wẹẹ, “I gha ya ọkpa vbe uwu avbe ivbuẹ nikpia rri ọba, rẹn gha vbe rri ọba lele uwẹ.

Aizaia 11:1

Uniẹn ọghe Ọba Devid ye vbe erhan ne a tọn gbe otọ nẹ sokpan vbene ẹzi erhan vbe dọlegbe họn, erriọ ọ re ọba ọgbọn gha ke uniẹn e Devid zọ ladian.

Aizaia 11:10

Ẹdẹ dee ne ọba ọgbọn ne ọ zọ ke uniẹn e Devid ladian, gha na gha re ama ne uhunmwu ẹvbo hia. Iran gha si koko vbe ẹvbo ọba ẹre, iran ghi gha rhie ọghọ ne ẹẹn.

Aizaia 43:11

“Mẹ ọkpa kẹkan ọrọre Nọyaẹnmwa, ọmwa ọkpa kẹkan ne ọ gha sẹtin miẹn ruẹn fan.

Aizaia 45:21

Wa larre, wa do ta ne unu uwa vbe iko, wa tama iran ne a gu ẹzọ ne iran mu iro vba egbe. Gha ọ ta emwi ne ọ gha he kue sunu yotọ ke ẹkpo nii gha dee? Ẹre mẹ ne Nọyaẹnmwa nọ, mẹ ne Osanobua ne ọ miẹn emwa rẹn fan? Osa ọvbehe i rrọọ.

Aizaia 7:13

Ẹre Aizaia ghi na wanniẹn wẹẹ, “Banbanna nian, danmwehọ, wa ne ivbi uniẹn e Devid. Emwi dan wa nọ ne uwa gha ya emwi wọ emwa nagbọn egbe, te uwa ghi ra vbe yae wọ Osanobua egbe ra?

Jerimaia 30:9

Sokpan, mẹ ọ re iran ra gha ga, mẹ ne Osanobua iran, kevbe ovbi uniẹn e Devid ne imẹ gha rhie ya ma ọba.

Emọs 9:11

E Nọyaẹnmwa khare wẹẹ, “Ẹdẹ dee ne I gha dọlegbe rhie arriọba e Devid ne ọ yevbe itowa nian ye ihe. I gha dọlọ ekẹn ne a gbe lẹga ẹre yi, I ghi dọlegbe rhie ẹre ye ihe. I gha dọlegbe bọ ẹe, I ghi gie ẹe do gha ye vbene ọ ka ye de yi vbe ẹghẹ nii.

Zẹkaraia 9:9

Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.

Matiu 1:1

Ebe uniẹn Jesu Kristi ne ọ re ovbi Devid ne ọ vbe re ovbi Ebraham ọre ọna khin.

Matiu 1:21

Rẹn gha vbe biẹ ọmọ okpia ọkpa. Wẹ ghi he ẹre Jesu, rhunmwuda rẹn ọre ọ gha fannọ emwa rẹn hin obọ orukhọ iran rre.”

Matiu 21:9

Avbe emwa ni ke odaro ne Jesu kevbe ni rre ọre odieke keghi tọn urhu mu kha wẹẹ, “Urhomwẹ nọ ne ovbi e Devid. Afiangbe Osanobua nọ ne ọmwa ne ọ dee vbe eni Nọyaẹnmwa, Uyi nọ ne Osanobua.”

Matiu 22:42

“Vbe uwa ro ẹmwẹ e Mẹzaia hẹ? De uniẹn ọmwa ne ọ khin?” Iran wanniẹn tama rẹn wẹẹ, “Uniẹn Devid nọ.”

Iyẹn ne ọ Maan Ọghe Luk 1:69

Ọ gie Ọmiọnmwafan ne ọ wegbe ọkpa zọ ladian ne ima, vbe uwu uniẹn Devid ne ọguọmwadia ẹre.

Iyẹn ne ọ Maan Ọghe Jọn 4:42

Iran tama okhuo nii wẹẹ, “Ẹ i re rhunmwuda ẹmwẹ ne u tae ọre ima na ghi yayi nian, emwi ne ọ ya ima yayi ọrọre wẹ ma tobọ mwa họn ẹmwẹ ne unu ẹnrẹn, ma rẹnrẹn vbe ẹmwata wẹ, rẹn ọrọre Ọmiọnmwafan agbọn.”

Iyẹn ne ọ Maan Ọghe Jọn 7:42

Ebe khare wẹ uniẹn Devid ọre nene Mẹzaia ra gha khin, kevbe wẹ Bẹtlẹhẹm ne ẹvbo Devid ọre a ra na biẹ ọe.”

Iwinna 13:32

Iyẹn Ne ọ maa nii ọre ima rhie bu uwa rre, emwi ne Osanobua ve avbe erha mwa odede e, ọre ọ ghi do ru ne ima na, ma ni re ivbi uniẹn iran, vbekpa ne ọ na huẹn Jesu kpaegbe ye agbọn. Zẹ vbe ne a gbẹn ọẹn ye ebe ne ogieva ọghe Psalm: “ ‘Wẹ ọrọre ovbi mwẹ. Ẹrẹna I khian Erha a.’

Iwinna 2:30

Akhasẹ rẹn khin, ọ rẹn emwi ne Osanobua ve irẹn re. Osanobua tama rẹn wẹ, rẹn gha ya ọkpa vbe uwu avbe uniẹn ọnrẹn ma ọba, zẹ vbene irẹn vbe ye.

Iwinna 3:26

Ọnii ọ si ẹe ne Osanobua ghi na zẹ Ọguọmwadia ẹre nẹ, ọ keghi ka gie ẹe bu uwa gha dee ne ọ do fiangbe uwa vbe ekpa ne ọ gha na ya uwa hia fi iyeke gbe odẹ dan ne uwa te la khian.”

Iwinna 4:12

Obọ ẹre ọkpa ọre a la miẹn imiẹnfan rhunmwuda eni ọvbehe i rrọọ, vbe agbọn na, ne Osanobua rhie ne emwa wẹ a gha lae miẹn imiẹnfan.”

Ebe ne Pọl gbẹẹn gie emwa Rom 1:3

Vbe ekpa ọghe Ovbi ẹre ighẹ Nọyaẹnmwa Jesu Kristi vbe agbọn na, uniẹn Devid ọre ọ la rre.

Ebe ne Pọl gbẹẹn gie emwa Rom 11:26

Erriọ ọre a ra ya miẹn emwa Izrẹl fan. Zẹ vbene ebe khare: “Ọmiọnmwafan gha ke Zaiọn rre, ọ ghi rhie ekhọe dan hin uniẹn Jekọb rre.

Taitọs 1:4

I gbẹn ebe gie Taitọs ne ovbi mwẹ ne ovbi mwẹ vbe ekpa iyayi ne ima gba yaẹn. Osanobua ne Erha kevbe Kristi ne Ọmiọnmwafan mwa ne ọ rhie ẹsọhẹ kevbe ọfumwegbe nuẹn.

II Pita 1:1

E Saimọn Pita ne ọguọmwadia kevbe ukọ Jesu Kristi, ọre ọ gbẹn ebe na gie avbe emwa ni ne a la ekpa ẹmwata Osanobua mwa kevbe Jesu Kristi Ọmiọnmwafan mwa rhie iyayi ighobioye ne ọ vbe ye vbe ọghomwa na nẹ.

II Pita 1:11

Odẹ vberriọ ọre a gha na rhie asẹ ne ọ gbae fo ne uwa, ne uwa ya la uwu Arriọba etẹbitẹ, ọghe Nọyaẹnmwa kevbe Ọmiọnmwafan mwa Jesu Kristi.

II Pita 2:20

Rhunmwuda, deghẹ ọmwa sẹtin lẹ fe nẹ vbe obọ avbe ẹtin ne ọ sẹtin gbe ọmwa ruan, vbe agbọn na, vbe ekpa ne ọ na rẹn Nọyaẹnmwa kevbe Ọmiọnmwafan mwa Jesu Kristi, a na miẹn wẹ obọ iran vbe dọlegbe vba ẹre, obọ iran na vbe gba ẹre egbe ihe ne ọmwa nii ghi ye keghi re ne ọ rhia sẹẹ ne ọ te ka gha ye vbe omuhẹn.

II Pita 3:18

Sokpan, wa gha wan yọ vbe uwu ẹsọhẹ kevbe irẹnmwi Nọyaẹnmwa kevbe Ọmiọnmwafan mwa Jesu Kristi. Ọghọe ọre uyi gha khin, banbanna kevbe ẹdẹdẹmwẹdẹ. Isẹ.

II Pita 3:2

I ho ne uwa ye avbe ẹmwẹ ne avbe akhasẹ tae ẹghẹ ne ọ kpẹe fua kevbe avbe iyi ni ke obọ Nọyaẹnmwa kevbe Ọmiọnmwafan mwa rre, zẹ vbene a vbe ukọ tae ma uwa.

I Jọn 4:14

Ma miẹn ọẹn nẹ, ma keghi vbe tama emwa ọvbehe wẹ, Evbavba gie Ovbi ẹre gha dee ne ọ do gha re Ọmiọnmwafan agbọn.

Ebe ne Jud gbẹẹn 1:25

Ne Osanobua ọkpa kevbe Ọmiọnmwafan, la ekpa Jesu Kristi Nọyaẹnmwa, ọre uyi, ọdakha, ẹtin kevbe asẹ gha rrọọ na, ke orre ni gberra hia gha dee do sẹ wanwanna, ẹdẹ kevbe ẹdẹdẹmwẹdẹ. Isẹ.

Arhie Maan 22:16

“Mẹ ne Jesu ọre ọ gie odibo mwẹ ne ọ ya ta ẹmwẹ na ma uwa vbe esọsi. Mẹ ne ovbi uniẹn Devid nọ, Orhọnmwẹ owiẹ ne ọ baa siẹẹn.”