Iwinna 13:22 - Edo Bible (E Baibol Ẹdo) Version 1996

²² Osanobua ghi rhie ẹre hin ukpo re nẹ, ọ keghi ye Devid ma ọba yan iran, Osanobua keghi kha vbe ekpa Devid wẹẹ, ‘I miẹn wẹ ọmwa ekhọe mwẹ ọre Devid ne ovbi e Jese khin, ọmwa ne ọ gha ru emwi hia ne I gha khama ẹn ne ọ ru.’

Iwinna 13:22 ပူးပေါင်းရင်းမြစ်များ

II Samuẹl 2:4

Ẹre ivbie Juda na gha die Hibrọn, iran na ma Devid ọba ọghe Juda. Ugbẹn vbe Devid ghi họn ighẹ ivbi ẹvbo Jabẹs ne Giliad re orinmwi e Sọl nẹ,

II Samuẹl 7:15

Sokpan I i ra fi iyeke gbe ẹe vbene I fi iyeke gbe Sọl ne I rhie hin evba rre, ne uwẹ miẹn ehe na do rriọba.

II Samuẹl 7:8

Rhunmwuda ọnii, ya tama Devid ne ọguọmwadia mwẹ wẹẹ, “Mẹ ne Nọyaẹnmwa ne Oghodua ọ re ọ tama rẹn wẹẹ, ‘I rhie ruẹ ke ehe ne u na su ohuan vbe uwu oha ladian ne u do su ivbi Izrẹl ne emwa mwẹ.

I Ọba 15:3

Egbe orukhọ ne erha ẹe ru ọre irẹn vbe gha ru, ọ ma vbe mobọ rhie egbe lele Nọyaẹnmwa ne Osanobua ẹre zẹ vbene Devid ne erha ẹe nọkhua ru.

I Ọba 15:5

E Nọyaẹnmwa ru emwi na rhunmwuda e Devid ru emwi ne ọ yẹ ọre, ọ ma vbe rra iyi ẹre rhọkpa gberra ẹmwẹ Uraia ne ovbi ẹvbo Hiti.

I Krọnikol 10:13

E Sọl wu rhunmwuda, ọ ma ya ekhọe rhie egbe mu Osanobua. Ọ he iyi Osanobua ye otọ ọ kegha gualọ igiodẹ odẹ ne ọ gha ru emwi la vbe obọ emwa ni wulo nẹ kevbe vbe obọ orhiọn emwa ni

I Krọnikol 2:12

Obẹd kevbe Jese.

Psalm 2:6

Ọ keghi kha wẹẹ, “Mẹ rhie ọba mwẹ ye ẹkete nẹ, vbe Zaiọn ne oke mwẹ ne ọ huanrẹn.”

Jerimaia 33:21

Erriọ vbe nọ, I gu e Devid ne ọguọmwadia mwẹ taa ile nẹ wẹ, ẹ i mwẹ a ma miẹn ovbi uniẹn ọnrẹn ne ọ gha rriọba. Erriọ I vbe gu avbe ohẹn ta ile, iran ni re ivbi uniẹn e Livai wẹ iran ọ ra gha ga mwẹ, avbe ile na, a i sẹtin rra ẹre.

Jerimaia 33:26

Zẹ vbene I wa vbe ru ena gbangbaangban, erriọ I ra ye obọ mu ile ne I gu ivbi uniẹn e Devid taa. I gha zẹ ovbi uniẹn e Devid ọkpa, ne ọ gha khaemwisẹ yan ivbi uniẹn Ebraham, Aizik kevbe Jekọb. I gha tohan emwa mwẹ, I ghi vbe ru ẹe ne agbọn dọlegbe maa iran.”

Ezikiẹl 34:23

I gha rhie ọba ne ọ yevbe Devid ne ọguọmwadia mwẹ ne iran, ne ọ gha re ọsuohuan iran, ọ gha gbearoghe iran.

Hozia 3:5

Sokpan, ẹghẹ dee ne ivbi Izrẹl gha na dọlegbe bu e Nọyaẹnmwa ne Osanobua iran gha dee, iran gha vbe bu ovbi uniẹn e Devid rre zẹvbe ọba iran. Ẹghẹ nii, iran gha mu ohan e Nọyaẹnmwa, iran ghi vbe miẹn emwi ọhẹ vbe obọ ẹre.

Iwinna 13:36

“Rhunmwuda, Devid ru ne Osanobua ho vbe ẹghẹ ọghọe, rẹn keghi wu, a keghi vbe re ẹre ba avbe enikaro, rẹn keghi vbe kẹkẹ.

Iwinna 15:8

Osanobua ne ọ rẹn ekhọe emwa ne agbọn keghi rhie maa wẹ rẹn rhan obọ miẹn iran vbe ekpa ne Ọ na rhie Orhiọn Ne Ọ Huanrẹn ne iran zẹ vbene ọ vbe rhie ne ima.

Iwinna 7:46

Devid keghi zẹ ẹhi vba Osanobua, ọna rinmwiaẹn ne ọ gie irẹn bọ owa ne Osanobua Jekọb.

I Samuẹl 12:25

Sokpan deghẹ te uwa ghi ye gha ru orukhọ khian, a gha fuẹn uwa kevbe ọba uwa aa.”

I Samuẹl 15:11

“Ọ da mwẹ ne I na ma e Sọl ọba, ọ fi iyeke gbe mwẹ nẹ, te ọ ghi rra uhi mwẹ.” Ohu keghi mu e Samuẹl, ọ na ye asọn ni hia rinmwian e Nọyaẹnmwa.

I Samuẹl 15:23

Ne a sọtẹ ọre vbe rhia vba azẹn, kevbe ne gha tọn egbe mu, te ọ vbe ye vbe orukhọ ẹbọ ne a gho. Rhunmwuda ighẹ wẹ ma rhie ẹmwẹ e nọyaẹnmwa, rẹn vbe rhie ruẹ hin ọba rre.”

I Samuẹl 15:26

E Samuẹl keghi wanniẹn wẹẹ, “I i lele uẹ werriegbe rrie evba, u he iyi e Nọyaẹnmwa, rẹn vbe he uwẹ nẹ zẹ vbe ọba ivbi Izrẹl.”

I Samuẹl 15:28

E Samuẹl keghi tama rẹn wẹẹ, “E Nọyaẹnmwa yanghan arriọba Izrẹl hin ruẹn obọ rre ẹrẹna, ọ keghi mu ne ọmwa ọvbehe ne ọ maa sẹ ruẹ.

I Samuẹl 16:1

E Nọyaẹnmwa keghi tama e Samuẹl wẹẹ, “Inu ẹghẹ u ra khiẹ e Sọl la yi? Mẹ rhie ẹre hin ọba Izrẹl rre nẹ. Gualọ ẹvbi ọliv eso rhie mwẹ obọ. I gha gie uẹ gha rrie ọghe Jese ne ọ rre Bẹtlẹhẹm, rhunmwuda, I zẹ ọkpa vbe uwu ivbi ẹre nẹ ne ọ rriọba.”

I Samuẹl 16:13

E Samuẹl keghi mu ẹvbi ọliv nii, ọ keghi sirra etiọnrẹn hia nọnọ ori ye ọre uhunmwu. Orhiọn Nọyaẹnmwa na hin yan e Devid vbe ọwarọkpa nii, ọ na vbe guẹe gha rrọ ke ẹghẹ nii kpao. Ẹre Samuẹl na gha rrie Rama.

I Samuẹl 28:16

E Samuẹl keghi wanniẹn wẹẹ, “Vbe u a na gha tie mwẹ hẹ ugbẹn vbe a miẹn wẹ e Nọyaẹnmwa fi iyeke gbe uẹ nẹ, ighẹ ọ vbe khian oghian an?

I Samuẹl 31:6

Ẹre Sọl, ivbi ẹre eheha kevbe igbama nii, na wulo ẹdẹ nẹdẹrriọ.