Iwinna 13:20 - Edo Bible (E Baibol Ẹdo) Version 1996

²⁰ Ọ kegha yerriọ vbe omwa ukpo ekigbesiyeha yan uri eva (450). “Vbe iyeke ọnii, ọ keghi viọ ni bu ohiẹn ne iran ọ te do sẹ ẹghẹ Samuẹl ne akhasẹ.

Iwinna 13:20 ပူးပေါင်းရင်းမြစ်များ

II Ọba 23:22

A ma he miẹn ọkpa vbe uwu avbe ọba e Juda ra Izrẹl ne ọ he ru emwiukpo Alagberra ne ọ ye vberriọ, ke ẹghẹ ne iran ni bu ohiẹn ya gha kha yan otọe nii gha dee.

I Krọnikol 17:6

Vbe uwu okhian ne I he lele ivbi Izrẹl khian, I ma he nọ ọmwa rhọkpa vbe uwu avbe olotu ne I zẹe wẹ vbọzẹ ne iran ma na he ya sida bọ Ọgua Osa mẹ.’

Iwinna 3:24

Avbe akhasẹ hia, ya sẹ egbe Samuẹl, kevbe iran ni rre vbe iyeke ẹre, ne ọ ghi mwẹ ẹmwẹ ne ọ ra ta nẹ, te iran hia ta ẹmwẹ ẹghẹ ne a ye na ye otọ.

Giọgis 2:16

Ẹghẹ nii ẹre e Nọyaẹnmwa na viọ avbe ọkaolotu ni wegbe ne Izrẹl, iran ni do miẹn iran fan vbe obọ avbe ikpata.

Giọgis 3:10

Orhiọn e Nọyaẹnmwa keghi hin yan ẹnrẹn, ọ keghi gha re ọkaolotu Izrẹl. Otniẹl kegha rrie okuo, e Nọyaẹnmwa keghi gie ẹe khọn ọba Mẹsopotamia miotọ.

Ebe Rut 1:1

Vbe ẹghẹ ne ọ kpẹe fua, ẹkpo ne Izrẹl i na he mwẹ ọba, ukhunmwu keghi do fi vbe ẹvbo nii. Ẹre okpia ọkpa ne a tie ẹre Ẹlimẹlẹk ne ọ re ovbi ẹwae Ifrat, ne ọ gha rre Bẹtlẹhẹm vbe Juda na rhie amwẹ ọnrẹn ighẹ Naomi kevbe ivbi iran ne ikpia eva e Malọn kevbe Kiliọn iran na ya gha rre Moab.

I Samuẹl 12:11

E Nọyaẹnmwa keghi gie Gidiọn, e Barak, e Jẹfta kevbe imẹ vbe okiekie ehia, iran ni wọlọ uwa hin obọ eghian uwa rre, wa na do gha rrọ vbe a i mwẹ ẹbe.

I Samuẹl 3:20

Ẹre ivbi Izrẹl hia, ehe ne ọ sẹe, ehe ne ọ rhanmwẹ, na rẹn wẹ akhasẹ e Nọyaẹnmwa ọ re Samuẹl wa khin.