Iwinna 13:2 - Edo Bible (E Baibol Ẹdo) Version 1996

² Ugbẹn vbe iran ghi ga Nọyaẹnmwa, vbe iran vbe yo aguẹ, Orhiọn Ne Ọ Huanrẹn tama iran wẹẹ, “Wa viọ Banabas vbe Sọl ladian nẹ ne iran ya winna iwinna ne I tie iran baa.”

Iwinna 13:2 ပူးပေါင်းရင်းမြစ်များ

I Krọnikol 16:4

E Devid keghi zẹlẹ eso vbe uwu avbe e Livai ne iran ru ugamwẹ e Nọyaẹnmwa ne Osanobua Izrẹl vbe odaro Ẹkpẹti Ile nii, vbe ekpa ne iran gha na gha so ihuan rho ẹre.

Daniẹl 9:3

I keghi kakabọ na erhunmwu ghe e Nọyaẹnmwa Osanobua, I kegha rinmwian ẹẹn, I kegha ya ohanmwẹ gbe egbe, I kegha rhuan ukpọn akhiẹ, I na vbe gha tota ye uwu emuẹn.

Matiu 17:21

Sokpan erhunmwu kevbe aguẹ ọkpa ọre ọ sẹtin khu egbe ọna ladian, emwi ọvbehe i rrọọ ne ọ gha sẹtin.]”

Matiu 6:16

“Wẹ gha rre aguẹ, ghẹ suku aro ua vbene avbe ni zẹ imamase ru. Iran ghi sẹ ohanmwẹ ye aro vbe iran a gha khian vbe adesẹ ore ẹvbo, vbene agbọn hia gha na rẹn ighe aguẹ iran ye. Ne I tama uwa, ere ne ọ rre iran re wa vbe fo ye evba nẹ.

Matiu 9:38

Wa na erhunmwu ne Nọyaẹnmwa gie emwa nibun gha dee ne iran do rhọ emwiorhọ la owa.”

Iyẹn ne ọ Maan Ọghe Luk 10:1

Vbe iyeke ọnọna, Jesu keghi zẹ arhin eva yan ekigbesiyenẹ, ọ keghi gie iran eveva ke odaro gha rrie ehe ne irẹn tobọ ẹre mu egbe nẹ ne ọ yo.

Iyẹn ne ọ Maan Ọghe Luk 2:37

Ọdọ re ghi vbe wu nẹ, ọ keghi vbe ya ukpo enẹ yan iyenẹ ru ẹgbẹ. Ẹ ghi kpao vbe Ọgua Osa rre. Asọn vbe avan ọre ọ ya ga Osanobua vbe aguẹ kevbe erhunmwu.

Iwinna 10:19

Te Pita he ye ro ẹmwẹ emwi ne a ya umian nii kha vbe Orhiọn tama rẹn wẹ “Gha họn vbe arhin eha gualọ uẹ dee.

Iwinna 10:30

Kọniliọs keghi kha wẹẹ, “Odẹ ẹghẹ vbe nian vbe nẹghẹdia, I kegha na erhunmwu vbe uwu owa mwẹ, vbe ẹghẹ ẹgogo eha ọghe avan. Vbe udomwurri, orhiọnkpa ne ọ ya ukpọn nọ fi wain wain mu egbe, keghi mudia ye odaro mwẹ,

Iwinna 13:3

Iran keghi yo aguẹ, iran na na erhunmwu, iran ghi viọ obọ yan iran uhunmwu nẹ, iran na wẹ ne iran gha khian.

Iwinna 13:4

Ugbẹn vbe Orhiọn Ne Ọ Huanrẹn ghi gie Banabas kevbe Sọl nẹ, iran kegha rrie Sẹlusia, iran keghi ke evba la okọ gha rrie Saiprọs ne ẹvbo ne amẹ lẹga.

Iwinna 14:26

Evba nii i ọre iran ghi ke gua okọ gha die Antiọk, ehe ne a na ka rhie iran ne ẹsọhẹ Osanobua gha gbe aro ghe vbe uwu iwinna ne iran ghi do winna fo na.

Iwinna 20:28

Wa gha gbe aro ghe egbe uwa kevbe ohuan hia ne Orhiọn Ne Ọ Huanrẹn viọ ne uwa gha su, wa gha re ọsuohuan esọsi Osanobua ne ọ ya uwu Ovbi ẹre ya khian oghẹ ẹe.

Iwinna 22:21

Nọyaẹnmwa keghi tama mwẹ wẹ, ‘Gha khian, rhunmwuda mẹ gha gie uwẹ gha rrie odẹ ne ọ rrei, bu avbe iran ne ẹ i re Ju.’ ”

Iwinna 4:36

Ẹghẹ ni ọre Josẹf, e Livai ọkpa ne a biẹe vbe Saiprọs, ne avbe ukọ he ẹre Banabas (emwi ne a ye ọnii kha ọre ọmwa ne ọ ye udu hu ọmwa,)

Iwinna 6:4

Ẹghẹ nii, ma tobọ ima ghi wa mu aro ye ẹmwẹ erhunmwu ne a ka ke ikporhu, vbe ne a i ghi na ru emwi ọvbehe ba ẹre.”

Iwinna 8:29

Orhiọn Ne Ọ Huanrẹn keghi tama Filip wẹẹ, “Tua okhian ne u sikẹ ikẹkẹ okhuae na.”

Iwinna 9:15

Nọyaẹnmwa tama rẹn wẹẹ, “Gha khian rhunmwuda mẹ zẹ ọe nẹ ne ọ gha re ọguọmwadia mwẹ, ne ọ ya eni mwẹ khian ne a rẹnrẹn ne avbe iran ne ẹ i re Ju kevbe avbe ọba kevbe emwa Izrẹl.

Ebe ne Pọl gbẹẹn gie emwa Rom 1:1

E Pọl ne Ọguọmwadia Kristi Jesu, kevbe ukọ Osa ne Osanobua tie re ne ọ gha kpe orhu Iyẹn Ne ọ maa ọghe irẹn, ọre ọ gbẹn ehe na rre.

Ebe ne Pọl gbẹẹn gie emwa Rom 10:15

Vbe a gha na kpe orhu hẹ, a deghẹ i re te a gie emwa gha khian? Zẹ vbene ebe tae, “A miẹn vbene urremwẹ iran ru ọyunnuan hẹ ighẹ iran ni rhie iyẹn ne ọ maa dee!”

Ebe ne Pọl gbẹẹn gie emwa Rom 15:16

Ọnii nọ wẹ ne I gha re ọguọmwadia Jesu Kristi ne ọ gha winna ne iran ne ẹ i re Ju. Mẹ ghi gha kpe orhu Iyẹn Ne ọ maa Osanobua zẹ vbe ohẹn, ne iran ne ẹ i re Ju sẹtin do gha re emwi izọ ese ne ọ gie Osanobua rhan obọ miẹn, kevbe ne Orhiọn Ne Ọ Huanrẹn ya fi ohan nẹẹn.

I Kọrinti 12:11

Ọ rhie ẹtin ne a ya ye urhu ne a ma rẹn guan ne emwa eso, ọ kevbe rhie ẹtin ne a ya zẹ edu urhu ne a ma rẹn na ne emwa eso. Sokpan Orhiọn ọkpa nii ọ re ọ ru avbe emwi na hia, ọ ghi ya emwi ughughan we dọmwadẹ ọghọe zẹ vbe ne ọ yẹ ọre.

I Kọrinti 7:5

Wa ghẹ gha ya emwi hin egbe unu, sokpan a ma wẹ wa gba ta ẹe nẹ wẹ ne uwa ru vberriọ la omwa ẹghẹ eso, ne uwa miẹn ehe na na erhunmwu, sokpan wa ghi vbe dọlegbe suẹn gha ru emwi ọdọ vbe amwẹ, ne a ghẹ gie ne ẹ i sẹtin ziengbe ya de ye edanmwẹ e Setan.

II Kọrinti 11:27

I winnaẹn, I miẹn ẹsọn, ẹghẹ ọrhẹnrhẹn ọre I na ma ye aro kan ovbe, ohanmwẹ gbe mwẹ, ohanmwẹ vbe gbe mwẹ, ẹghẹ ni bun ọre evbare ma ya sẹ mẹ, vbe ne I i na miẹn ehe rhie uhunmwu lẹre yi, I i miẹn ukpọn rhie rhuan.

II Kọrinti 6:5

A gbe ima asan, a mu ima ye ẹwẹdọ, a ko gbe mwa, a ya ima miẹn ẹsọn, ma kegha rrọọ vbe ne a i na rri evbare kevbe ne a i na vbiẹ.

Galatia 1:15

Sokpan vbe ekpa ẹsọhẹ ọre, uhin vbe a te biẹ mwẹ, Osanobua keghi tie mwẹ ne I do gha gae.

Ẹfisọs 3:7

Emwi ne Osanobua la ekpa iwinna ẹtin ẹnrẹn ya we mwẹ, ọre ọ ya ya mwẹ khian ọguọmwadia nene iyẹn ne ọ maa.

Diuteronomi 10:8

E Nọyaẹnmwa keghi zẹ emwa ẹwae Livai, vbe uhunmwu oke nii, ne iran gha gbe aro ghe Ẹkpẹti Ile, kevbe ne iran vbe ga irẹn zẹ vbe ohẹn, kevbe ne iran vbe gha ya eni irẹn fiangbe emwa. Iwinna iran ọ re avbe emwi na ye khin.

Kọlose 4:17

Wa khama Akipọs wẹ, “Ghẹ i mwẹ u ma winnaẹn fo ighẹ okhuo ne a fian nuẹn vbe iwinna Nọyaẹnmwa.”

I Timoti 2:7

Ọna ọre ọ vbe zẹ ne a na gie mwẹ zẹ vbe ukọ kevbe ọmamwaemwi avbe iran ne ẹ i re Ju, ne I ya gha kpe orhu iyayi kevbe ẹmwata. Ẹ i re ohoghe I ta, ẹmwata I ta.

II Timoti 1:11

Osanobua zẹ mwẹ, ne I gha kpe orhu nene Iyẹn Ne ọ maa, zẹ vbe ukọ kevbe ọmaemwaemwi.

II Timoti 2:2

U ghi viọ avbe ẹmwẹ nii ne u họẹn vbe I kpe orhu ẹre vbe odaro osẹe ni bun, u ghi viọ ne emwa ne u gha sẹtin mu ẹtin yan viọ mwẹ, emwa ni gha vbe sẹtin ma emwa ọvbehe re.

II Timoti 4:11

E Luk ọkpa ma ghi gba rre emwa. Tie Mak ne u rhie ẹre ba egbe gha dee rhunmwuda, ọ gha sẹtin yo mwẹ obọ vbe iwinna na.

II Timoti 4:5

Sokpan, wẹ ghi da egbe ruẹ yi, vbe ne emwi rhirhi gha ye hẹ, gha ziengbe oya, gha winna iwinna ọmwa ne ọ kpe orhu Iyẹn Ne ọ maa ne u vbe gha winna iwinna ruẹn hia, zẹ vbe ọguọmwadia Osanobua.

Hibru 5:4

Orhunmwu ọkpa ne ọ tobọ ẹre mu ọghọ akpa ogie ohẹn yọ egbe ẹre, ẹ i rrọọ. Osanobua ọre ọ zẹ ọmwa ne a ya ma ogie ohẹn, zẹ vbene a zẹ Errọn.

I Samuẹl 2:11

Ẹre Ẹlkana na werriegbe gha rrie Rama, sokpan, ọmọ okpia nii keghi tota vbe Silo, ọ kegha ga e Nọyaẹnmwa vbe ototọ Elai ne Ohẹn.