Iwinna 13:17 - Edo Bible (E Baibol Ẹdo) Version 1996

¹⁷ Osanobua iran na ighẹ ivbi Izrẹl, ọre ọ zẹ avbe erha mwa odede, ọ keghi ya iran khian nọkhua vbe ẹghẹ ne iran na gha re ọrriọvbe vbe otọe Igipt, Osanobua keghi ya ẹtin ẹnrẹn nọkhua viọ iran ke Igipt ladian.

Iwinna 13:17 ပူးပေါင်းရင်းမြစ်များ

Psalm 135:4

Ọ zẹ Jekọb ne egbe ẹre, ivbi Izrẹl ne iran gha re ọghe irẹn.

Ẹksọdọs 12:51

Vbe ẹdẹ ne ẹdẹrriọ zẹ e Nọyaẹnmwa keghi viọ ẹwae ivbi Izrẹl ladian vbe otọe Igipt rre.

Ẹksọdọs 13:14

Ọ gha ghi sẹ ẹghẹ nii, a deghẹ ivbi uẹ ghi nọọn wẹẹ, ‘Vbe a ya ena kha yi?’ U ghi wanniẹn tama rẹn wẹẹ, ‘Ẹtin nọkhua ọre Nọyaẹnmwa ya viọ ima ke otọe Igipt ne ima na gha re eviẹn ladian.

Ẹksọdọs 13:16

Iruẹmwi na ghi gha re ayere zẹ vbe ama vbe obọ ruẹ ra orhiema vbe uharo ruẹ rhunmwuda iwinna ẹtin nọkhua ọre Nọyaẹnmwa ya viọ ima ke otọ Igipt ladian.’ ”

Ẹksọdọs 14:8

E Nọyaẹnmwa keghi ya ọba Igipt ze vbe udu, ọ na zẹ ivbi Izrẹl khu, emwa nii kpao vbe uwu akhọnmiotọ.

Ẹksọdọs 18:11

Banbanna nian, I miẹn wẹ, e Nọyaẹnmwa kpọlọ sẹ avbe ẹbọ hia, rhunmwuda te Osanobua ru vbenian na vbe ọ miẹn oya ne ivbi Izrẹl gha a re vbe obọ ivbi Igipt.”

Aizaia 44:1

E Nọyaẹnmwa khare wẹẹ, “Danmwehọ nian, Izrẹl ne ọguọmwadia mwẹ emwa mwẹ ne I hannọ zẹ ivbi uniẹn Jekọb.

Emọs 2:10

I viọ uwa ke Igipt ladian, I na su uwa la ato gberra vbe ukpo iyeva, I na mu otọ ivbi Amọri ne uwa, ne ọ gha re ọwua.

Maika 6:4

I viọ uwa ke Igipt ladian, I fannọ uwa hin ọviẹn rre. I gie Mosis, Errọn kevbe Miriam, ne iran su uwa gha khian.

Diuteronomi 10:22

Ẹghẹ ne avbe erha uwa odede na gha rrie Igipt, iran ekigbesiyenẹ kẹkan nọ. Sokpan, banbanna nian, e Nọyaẹnmwa ne Osanobua uwa ya uwa khian ni ghi bun zẹ vbe orhọnmwẹ ni rre aro iso.

Diuteronomi 14:2

Ọghe Nọyaẹnmwa Osanobua rua ore uwa khin, rhunmwuda te ọ hannọ uwa zẹ vbe uwu ẹbu emwa ni rre otọ agbọn hia ne uwa gha re ọghe irẹn.

Diuteronomi 4:20

Sokpan wa ọrọre emwa ne irẹn viọ ke Igipt ladian, uwu ogidi erhẹn nii. Te ọ viọ uwa ladian ne uwa do gha re ọghọe vbene uwa ye ẹrẹna.

Diuteronomi 4:34

A he miẹn ẹbọ ọkpa ne ohan gie ẹe la uwu okpẹvbo ọvbehe ya viọ emwa ladian ya khian ọghe ọe zẹ vbene Osanobua Nọyaẹnmwa uwa ru ne uwa vbe Igipt? Sirra uwa ọ re, ọ na lo ẹtin kevbe iwegbe ẹre nọkhua, ọ keghi si egboghogbogho kevbe okuo ye otọ, ọ keghi winna iwinna ọyunnuan kevbe ọghe ama, ọ na gie emwi ohan gha sunu.

Diuteronomi 4:37

Rhunmwuda ighẹ ọ ho ẹmwẹ avbe erha uwa odede, ọ keghi hannọ avbe ivbi iran zẹ, ọ keghi tobọ ẹre ye ẹtin ẹnrẹn nọkhua viọ uwa ke Igipt ladian.

Diuteronomi 7:19

Wa ye avbe egboghogbogho ne uwa ye aro uwa miẹn hia rre, avbe iwinna ama kevbe ọyunnuan kevbe ẹtin vbe iwegbe ne Nọyaẹnmwa Osanobua uwa ya fannọ uwa vbe irri. Ọ gha fuẹn avbe emwa na hia ne uwa mu ohan rẹn na, zẹ vbene ọ vbe fuẹn emwa Igipt.

Diuteronomi 9:5

Ẹ i re rhunmwuda ighẹ wa maa, ra te uwa ru emwi ne ọ kere ne ọ ra na gie uwa mu otọe iran. Ọ gha khulo iran ladian rhunmwuda, emwa dan iran khin, kevbe wẹ rẹn gha ho ne ọ mu ile ne ọ gu avbe erha uwa odede Ebraham, Aizik kevbe Jekọb ta sẹ.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.

I Samuẹl 4:8

Gha ọ gha fan ima vbe obọ avbe ẹbọ ni wegbe na? Avbe ẹbọ ni gbele ivbi Igipt ye uwu ato: